Mark 1:13 - NQAARIIT NE ROOG

¹³ A refa maaga boo ñaal qarɓeen nahik kaa Saytaane a fogan. A reeƭa fo ƥaaɓaan ke, too malaaka ke a ndagooxoogaan.

Mark 1:13 Iomraidhean Croise

A sutax ale 24:18

Moyiis a roka no eel le, a suur took o joong ole. A reeƭa maaga boo ñaal qarɓeen nahik fo xa yeng den.

A sutax ale 34:28

Moyiis a reeƭa maaga fo o Yaal oxe ñaal qarɓeen nahik fo xa yeng den too ñaamee, yeree. Yaa a pe akaaga a mbaafna, a binda took a alfa ƥil ake xa ƭelem axe no ngiɓoor ne ndefna ndef kebil xarɓaxay ke.

Mace 26:53

Ndax kaa foogiro yee waagaam o xeɗ a Faap es, too yaaga xan a cooxaam ndak fo ndak malaaka kaa ngupna a yaj xarɓaxay fo a yaj a ƭak, a yaj aluu refna a jeg malaaka cuni ɓetuu fa leng?

Mace 4:1

Maaga, Yiif le Roog a ɓisa a Yeesu kam a koƥ-a-ƥor alaa ndax o ƈiƴ oxe a fogin.

YEGIL MBAAX NE YEESU ne Lik a bindtuuna 4:1

Yaa Yeesu a inoorna no xuluɓ ole Yordaan, a gataa, a maya fo Yiif Tedu le. Yiif le a ɓisaan na koƥ-a-ƥor alaa.

A cangatin ale 9:11

No muukandoong ne no ñaal qarɓeen nahik ke fo xa yeng den, o Yaal oxe a cooxaxam a alfa ƥil a ƭak ake saqna ngiɓoor ne.

A cangatin ale 9:18

«Cinj kaaga, deɓooxaam a lanq mbaambir no Yaal oxe soo yoqahin maaga boo ñaal qarɓeen nahik fo xa yeng den kaa ñaameeruuma, yeriim. Fi’aam keene yaam bakaad fee nu mbi’’ina. Kaa nu mbi’’u kaa faaxeerna na kid no Yaal oxe, mbuuxnoorin tigi.

A cangatin ale 9:25

Ye o Yaal oxe a hebooxna o saŋik a nuun, deɓooxaam boog a lanq mbaambir um soo yoq maaga boo ñaal qarɓeen nahik fo xa yeng den.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

Hebre 4:15

O saasadax o maak oxe i njegna waagee ñak o xij fa in no neew doole in. O saasadax o maak oxe in a ɗeetlooxe no kuu refna nen a in, ndaa mosee o yen na bakaad.