YEGIL MBAAX NE YEESU ne Lik a bindtuuna 3:3 - NQAARIIT NE ROOG

³ Saŋ kaa retoogu no caate kaa mbidna o xuluɓ ole Yordaan fop, a waare’aa. Kaa layoogu yee: «Mbesyo pakaad nuun a cinj, mbatiise’el, too xan Roog a waasan a nuun.»

YEGIL MBAAX NE YEESU ne Lik a bindtuuna 3:3 Iomraidhean Croise

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

YEGIL MBAAX NE YEESU ne Lik a bindtuuna 1:16

Xan a xuriid wiin mayu na xeet fee Isra’el maa no Yaal oxe Roog den.

YEGIL MBAAX NE YEESU ne Lik a bindtuuna 1:77

Xan o andnoor xeet um ee xan a mucil a den na pexey a baasan pakaad den. yaa da mbaasnooxna pakaad den.

YEGIL MBAAX NE YEESU ne Lik a bindtuuna 4:1

Yaa Yeesu a inoorna no xuluɓ ole Yordaan, a gataa, a maya fo Yiif Tedu le. Yiif le a ɓisaan na koƥ-a-ƥor alaa.

YEGIL MBAAX NE YEESU ne Saŋ a bindtuuna 1:28

Keene xaa xewit’a Betani, kaltaa o xuluɓ ole Yordaan, maa Saŋ a batiise’toogna.

YEGIL MBAAX NE YEESU ne Saŋ a bindtuuna 3:26

A ngara me Saŋ, soo a layin ee: «O Caajangin oxe! Oxe reeƭna fa wo ye i ndefaa kaltaa o xuluɓ ole Yordaan, too o seede’an’un de, kaa batiise’aa ndiiki. Wiin we fop, maaga a njoobatu.»

A pi ake 13:24

Ye Yeesu a garafuleerna koy, Saŋ a waare’ooga xeet fee Isra’el fop, ndax da mbes pakaad den a cinj too a mbatiise’el.

A pi ake 19:4

Pool a laya a den ee: «We njaɓ’ina o mbes pakaad den a cinj, Saŋ a batiise’oogu. Kaa layoogu xeet fee da ngim no xe na reefankan, ta ref Yeesu.»

A pi ake 22:16

Ndiiki koy, xar o cungaa? Inooxi, too batiise’el, ndax pakaad of a ƥogel yaa o ƴufginooraa gon le ten.› »