YEGIL MBAAX NE YEESU ne Lik a bindtuuna 1:2 - NQAARIIT NE ROOG

² a reefandel no ke we seede’uuna no mberaand naa a ndaawinna a in, den we ndefatna we na yegnitaa fa Lay fee Roog.

YEGIL MBAAX NE YEESU ne Lik a bindtuuna 1:2 Iomraidhean Croise

YEGIL MBAAX NE YEESU ne Saŋ a bindtuuna 15:27

Nuun itam, xan nu seede’ankaam, yaam naa ferum calel, nuun wey fa mi.»

A pi ake 26:16

Inooxi too geenoox! Kaam feeñooxong, ndax um fi’ong o tag es. Xan o ref o seede es, layaa lakas we ne ga’taxamoona xaye, ndax o yegnaa a den ke um lalkahinang.

2 Piyeer 1:16

Refee sax ee kaa i saaƭoox na nax ake nqalaat’eena boo andnooraa a nuun a kar a mayu katil ale no Yaal in Yeesu Kiristaa. Kaa i mbi’in, yaam ne i nga’oodna o ndam um fo a kid in,

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.

Mark 1:1

Keeke refu mberaandoong ne no Yegil mbaax ne na laytaa kaa farna na Yeesu Kiristaa, o Ƥeenqe Roog.

A pi ake 1:3

Cinj ye Yeesu a xonna, a cooxa a den xa anddiloor xa mayu ndax ta feedin a den ee oxe ñoowaa. A feeñooxooga a den boo a pe qarɓeen nahik, a layaa a den kaa jofna no Maat ne Roog.

1 Piyeer 5:1

Mi fee refna o maak, seede coono ke Kiristaa, fog itam no ndam onqe wareena o feeñil, mexe xeɗaa maak gend es we ndefna a ndeer nuun, da ngay o siir ole Roog da ndoxneena. Kaam ee: Baa ref ee nu mbugiran a mbug, ndaa fat a ref ee yaam ta fel a nuun yaam Roog. Baa ref itam no bug teen xaaliis, ndaa fo xeeñ letu.

A pi ake 4:20

Yaam in o mat, i mbaagee o ñak o layit ke i nga’na fo ke i nanna.»

YEGIL MBAAX NE YEESU ne Lik a bindtuuna 24:48

Seede nu ndefu no keene fop.

1 Korint 4:1

A soƥangaa yee neene tige a saxtu koy, kaa nu mbar o ƭeet a in nen dag Kiristaa waa ndoxneena o ndaawnaa lakas we kunpa ke ndefna na Roog.

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

Mark 4:14

O tuuduuf oxe, fa lay fee Roog a duufaa.

O leetar ole Pool a bindna GIMU WE NGENNA ROM 15:16

boo um ref o caajal Kiristaa Yeesu me no we ndefeerna Yaawuur. Kaam fadnaa calel tedu, yaa um waare’aa Yegil mbaax ne Roog, ndax qeet ke ndefeerna Yaawuur a ndef sadax faa felna a Roog, sadax fa ñaku sik na pexey Yiif Tedu le.

Mark 16:20

Daalbe waa a ndeta, a mbaare’ik Yegil mbaax ne muu refna. O Yaal oxe a jalooga fa den, a laltaa yee waare den ndigil kak oo na pexey xa anddiloor axe ta yoonandtooguuna.]

YEGIL MBAAX NE YEESU ne Saŋ a bindtuuna 16:4

Layaam a nuun keene, ndax boo ta jegna nu mbetandoox ee yegin’aanum a nuun.» «Layinum a nuun no mberaand naa, yaam ne reeƭuuma fa nuun.

A pi ake 8:4

We pictoox’ina koy a mbidooga saax laa fop ndeer o mbiñ fo mbiñ, a yegnitaa Yegil mbaax ne.

A pi ake 14:25

A yegnita fa lay fee Roog kam teeru faa Perge, soo a suur boo Atali.

A pi ake 16:6

Yiif Tedu le a xañta a den da yegnit fa lay fee Roog kam o jegel olaa Asi. Ten taxu a nqaaña o jegel olaa Firigi fo olaa Galati.

A pi ake 17:11

Yaawuur waaga moƴ’u o ngore we Tesalonik, yaam a njaɓa fa lay fee Roog fo o ɗaay. Bes fuu refna kaa ƥaaloogu a Pind a Tedu ke, yaam a mbug o nga ndax ke Pool a layoogna teen ndigil oo.