Hoose 8:1 - NQAARIIT NE ROOG

¹ O Yaal oxe kaa tee: «Jibni a tuluɓ ale! O njakad onqey yaaraa took Mbind es nen a canjiik, yaam xeet es kaa ƭeg ngiɓoor es, a mbañ a cangin es.

Hoose 8:1 Iomraidhean Croise

2 Maad we 18:27

Jawdiin fee a doona yee: «Ndax me no yaal mbind of fo me wo soom o yaal mbind es a luliidaxam, um lay xa ƭelem axeene? Ndax refee me no wiin wene moofna took saŋe ne itam na ñaamkaa ndiiki ñaaƈlax den soo a yer a seed den fa nuun took o ñak pexey?»

Esayi 18:3

Nuun fop we ngenna na adna fee, nuun we na ñoowaa took lanq ke, fat nu ƭeetaa, ndax boo a laay a anddiloor ale a sipeel took xa coong axe, nu nga’in, soo nan-gilooxaa, ndax boo a luuƥ ale a jibna, nu nanin.

Esayi 24:5

We ngenna no lanq ke maasandu a den, yaam kaa niwaƭar’u kebil ke, a sufaalaa bargal ke, a ƭegaa ngiɓoor ne na refkaa boo faw.

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

Yeremi 31:32

Nandkee koy fo ngiɓoor ne dalin’uuma fo daan den, ye pokuuma a den no ɓay, sut a den no saax laa Misira, ngiɓoor es ne da ƭegna, ke refuuma o Yaal den fop oo. Mi o Yaal oxe layun.

Yeremi 34:18

Kelfa ke Yudaa fo ke Yeerusaleem, cawdiin ke, saasadax we fa xeet fee no saax le fop a ndalin’a fa mi ngiɓoor neene, a ƭeg o xeel a ndeer soo a ndeef ndeer xa ƭeg axe ten. Kaa koy, cinj kaaga, a ƭapa ngiɓoor ne too mbadnee ke dalneena teen.

Yeremi 4:13

O pañ oxe xey a garaa nen a eel o ufang, a sareet-xire ke ten a nandtaa a und, pis ke ten a moƴ o ñof a canjiik. «Sabab took in, yaam i ngefe tuƈ.»

Yeremi 4:5

Yegnityo kam Yudaa, lambin kam Yeerusaleem, luuƥ kam saax le, njibin xa buuq, lay ee: «Mbokatooryo, i ndet no teeru cegu saŋe ke!»

Yeremi 48:40

Keeke o Yaal oxe a layu: «O pañ oxe xey a yetaa nen a canjiik, a letin a nafir um took Mowaab.

Yeremi 49:22

O pañ oxe xey a ŋaayaa, a yetaa nen a canjiik, a letin a nafir um took Bosra. A koom, xeeñ le na salma-koor ake Edoom xan a nand fo le no tew oxaa na gaajooxaa.

Yeremi 51:27

Yoɗyo o anddiloor o songir, ndax fop a nga’in, njibin a luuƥ a ndeer qeet ke! Mbapanyo qeet ke a Babilon, nqoy maat ne Araraat, ne Mini fo ne Askenaas, ndalin a salma-koor akaa siiknoorna fo ten! Ƥakandiidyo pis, songin nen eel tooroog.

Yeremi 6:1

O Yaal oxe kaa tee: «Nuun Beebensame we, ƈufyo, sutoox a Yeerusaleem! Njibinyo a luuƥ kam Tekowa, yoɗ o anddiloor took Bet-Hakerem, yaam taamaala a feeñta no ɓemb-roog o janoon, o njakad o maak.

Heseki’el 11:4

Jo’tanaam a den, kaam ee wo fee o ƥiy no kiin, jo’tanaam.»

Heseki’el 16:59

Keeke o Yaal oxe na refkaa boo faw a layu: Xam fesoor fa wo ne fesoortoona, wo fee xeefna a taaƥ ale ye ɗegoona ngiɓoor ne in.

Heseki’el 17:3

Fat o lay ee: Keeke o Yaal oxe na refkaa boo faw a layu: A canjiik a maak ale a nafir ake a naangna lawlaw, a ƥiñ ake a njigid, a muuroox a naf a tinqu kaa na miric-miricnaa, a gara boo Libaŋ, soo a watin a cul ale no ndaxar seedar ne.

Heseki’el 7:14

A luuƥ ale a jiba, fop a jagandooxanel, ndaa o leng retee na xire, yaam fuux ɗomu le mi a biltooxana faan le fop.»

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

Hoose 5:8

«Njibinyo a tuluɓ kam Gibe’a, mbaŋin a luuƥ kam Rama! Njibinyo xa buuq xire kam Bet-Awen! Bensame, woxe daabeel de!»

Hoose 6:7

Nuun koy, nu ƭega ngiɓoor ne nen a Aadama, nen o ten o mat nu ngodtaxam.

Hoose 9:15

«Kañaan den fop a feeñta Gilgal. Maaga o mat sibditum a den. Xam raxit a den no saax es yaam a pi a paaxeer ake den. Fexkatiim a den, yaam kelfa ke den fop faafañ a ndefu.

Yowel 2:1

Njibinyo a tuluɓ kam Siyoŋ, mbangin a luuƥ took o joong o tedu le Roog. Fat we ngenna no saax le fop a send, yaam ñaal ne no Yaal oxe xe garaa too a matiida sax.

Yowel 2:15

Njibinyo a tuluɓ kam Siyoŋ, simit koor soo nqoyit o xet o tedu.

Amos 3:6

Ndax jiin a waaga o jeg no saax, too tig xewee? Ndax sabab a waaga o xew na teeru, too o Yaal oxe yoonee teen?

Amos 8:3

A koom a kim ake no mbind sadaxand ne xan a suptoox xa paɗax. Muu refna xan xa tal a mbondnel, fop ee yereŋ. Mi o Yaal oxe na refkaa boo faw layun.»

Amos 9:1

Cinj kaaga, ga’aam o Yaal oxe a geenoox took o sadaxand ole, soo a layaam ee: «Xawi a tayil ale, a toodook ake a yen, o ɓaƈit a qoox den, den fop. Oxuu xoneerna no njom neene, xam pattin laƥ. O leng ƴufkee, a daɗ.

Habakuk 1:8

Pis ke den moƴu ñof o ƴaxal, a moƴ o ƈaxooxaa a teeteem na kid-a-caɓru. Pis ŋaaye ke den kaa mbaaslooxaa, a inoortiid koƭu, a yetaa nen a canjiik alaa waaslooxanna mbuufuɗag um.

Sofoni 1:16

bes faa a tuluɓ ake fo xa buuq xire a njibankaa teeru cegu saŋe ke fo taax-took koƭu took ke.

Sakari 11:1

Wo Libaŋ, weti begax ke wo, ndax fiɗel a waag o raaɓ taxar seedar ke wo!

Sakari 9:14

O Yaal oxe xan a feeñ, a ƴufgiid xeet um, a kas um a mbaasloox nen xa kiiñaand. O Yaal oxe na refkaa boo faw xan a jibin a tuluɓ, a garaa kam a und ale no ɓemb-roog o ñamaak.

Mace 24:28

Me o dal a refna, maaga a tud ake a mbokatoorkaa.»

1 Korint 15:52

Ndeer ñaf fo ƭeet, yaa a luuƥ a palakaand alaa a jibkaa, xan xon we a nqontoox fo cer potkateer, soo in o mat, i suptel.

A cangatin ale 28:49

Xan o Yaal oxe a inantiid a nuun koƭu no cat adna xeet faa na dalitkaa took nuun nen a canjiik. Xeet feene xan a ndef xeet faa nu nankeerna lak den,