Hoose 4:3 - NQAARIIT NE ROOG

³ Ten taxu saax le xan a wootat, fop we ngenna teen a ŋeesoox, den fo muumeen-a-koƥ ke fo tiiƭ ke. Liƥ ke no maag ole sax xan a sooƴ.

Hoose 4:3 Iomraidhean Croise

Esayi 33:9

Lanq ke wey na ñaawax, a mbeeraa. Libaŋ kaa naag ɓot, a leeƥaa, Saron a nand nen o tan, Basan fa Karmel a nguytel.

Yeremi 12:4

Saax le kaa refkaa neeke na naqad boo a mban, soo daaƭ le na koƥ ale fop ee ŋayam? Ƥaaɓaan ke fo tiiƭ ke no saax le a sooƴa, yaam kañaan ne no we ngenna teen. Kaa da layaa yee: «Roog ga’ee ke na dalkaa a in.»

Yeremi 23:10

Yaam saax le kaa naag gañ fo waa na seeqaa. Saax le kaa ngooy yaam a salax, xa suufand axe na koƥ-a-ƥor ale a mbeer koroŋ. Wiin we paaxeer doŋ a ƈufanaa, njambaar den a feeñtaa no njofaƭar.

Yeremi 4:25

Ɗeetaam too ga’atiim o kiin o leng, soo tiiƭ ke na asamaan fop a ƈuf.

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Yeremi 9:9

Xam jibin xa lool fo xa iin took xa coong axe, ɗomatooxaa na xa suufand axe na koƥ-a-ƥor ale, yaam kaa ndoxel fop, too o leng reefatee teen. O ñuxur ole na xa siir axe nantataand teen, tiiƭ ke nen cegel ke a ƈufa, fop a sooƴ.»

Heseki’el 38:20

Liƥ ke no maag ole fo tiiƭ ke na asamaan xan a send mbaambir es, den fo muumeen-a-koƥ ke fo ƥood ke fop fo wiin we fop ndefna took lanq ke. Xa coong axe xan a ngirdoox, taax-took ke fop a luƈtoox, saŋe ke fop a ngaakoox.

Yowel 1:18

Nan-gilooxyo ne muumeen ke a iintaa! Xa siir axe kaa njoqooyooxaa o mbiñ fo mbiñ, yaam njegatee xa suufand. A ked ake sax kaa nqonaa.

Amos 1:2

Keeke refu ke Amos a layna: «O Yaal oxe xey a bumbtiidaa Siyoŋ, o ñuxur um a fangoortaa Yeerusaleem: A biinj ake fop a leeƥa, o jul ole Karmel a weer boo ŋayam.»

Amos 5:16

Ten taxu, keeke o Yaal oxe Roog fee Hupna fop refna o Yaal es a layu: «Xan xa paɗax a njibit muu refna, a coytax a refat simnir. Xan o qooxoox sax a xurel, a geƈ helaar um, a xaaraandik, we a coytax a refna calel den a simel xa paɗax.

Amos 8:8

Ndax kaa a pesoorooƭ den akeene taxee saax le a gefkeel, mbind oo mbind a ndef no xaaraand? Xan saax le a kuf-kufin nen o maag o riñu, kaam ee xan a ruf-rufin, a ŋiisin nen o xuluɓ ole Misira.

Nahum 1:4

Kaa ŋalaa o maag ole soo a weernin, a ŋiisin xa quluɓ axe fop, Basan fa Karmel a mbeenjeenj, soo piɗ ke Libaŋ a leeƥ.

Sofoni 1:3

Xam moocand wiin we fo muumeen ke, tiiƭ ke fo liƥ ke, luƈit soxodu we. Kaam ee xam moocand wiin we took lanq ke. Mi o Yaal oxe layun.

Sakari 5:4

Xam woktin, ndax ta rok no mbind no kuuɗ oxe fo no mbind no xe na daaɓoortaa gon es na xa maaƥ, a gen teen soo a yaqin pic boo na qanq ake ten fo a ƥil ake ten. Mi o Yaal oxe Hupna fop layun.»