Hoose 4:1 - NQAARIIT NE ROOG

¹ Nuun Ii-isra’el we, nan-gilooxyo fa lay fee no Yaal oxe. O Yaal oxe a jega fa nuun layoor, yaam o damax fa yirmande fo o and a Roog njegee kam saax le.

Hoose 4:1 Iomraidhean Croise

1 Maad we 22:19

Mikaya a layaan ee: «Nan-gilooxi kañ ke o Yaal oxe a layna! Kaam ga o Yaal oxe ta moof no uum-maamaad le ten, malaaka ke ten fop a ngeenoox na ñamaak um fo na janoon um.

A kim a tedu ke 81:9

Wo xeet es, nan-gilooxaam, jegaam kaa maƭooxoonga. Ey, Isra’el, o nan-giloox’angaam rek!

Esayi 1:10

Nuun kelfa ke Sodoom, nan-gilooxyo fa lay fee no Yaal oxe! Nuun xeet fee Gomoor, mbetyo nof nuun, nan a cangin ale Roog in!

Esayi 1:18

O Yaal oxe kaa tee: «Ngaryo i layoor. Pakaad nuun a yaxgangaa nen fo’oy, xan a ndanig taw nen galam fo jem, a yaxgangaa coy, xan a ndanig fur nen fa liit.

Esayi 28:14

Ten taxu, nan-gilooxyo fa lay fee no Yaal oxe, nuun xaaxaadnax we, nuun ɗooɗox we na xeet fene ngenna Yeerusaleem.

Esayi 34:1

Nuun a saax ake, matiidyo nan-giloox! Nuun qeet ke, naangyo tek! Fat lanq ke fop a nan-giloox, ten fo ke refna teen fop, adna fa muum fo ke saxna teen fop!

Esayi 34:8

yaam bes a tabdinax oo no Yaal oxe. O hiid ole Siyoŋ a rabdinooxankeel oo.

Esayi 5:3

E ndiiki koy, nuun we ngenna Yeerusaleem fo nuun wiin we Yudaa, nuun na ngate’kaa a ndeer es fo a ƭing ale mi!

Esayi 59:4

Jegee oxaa na xeloorteel o cofel, o leng naagee o layoorteel a ƭat. Na xa koɓong a ndamlooxaa soo a layaa xa andand, paaxeer a mbudaa soo a ñootaa njofaƭar.

Esayi 59:8

Andee a ƭat jam ale too o cofel reefee a den. A ƭat a quƴooxu ke moƴanu a den, too oxuu xotna a ƭat akeene, ga’kee jam boo muk.

Esayi 66:5

Nan-gilooxyo ke o Yaal oxe a layna, nuun we na sendaa yaam diid yaa nu ndaawna fa lay um: «Fog nuun we sibna a nuun soo a ndaxaa a nuun yaam gon es kaa nqaadnoortaa a nuun ee: ‹Fat o Yaal oxe a lalit o ndam um, too yaaga xan i nga o ɗaay nuun!› Ndaa kañ, den o mat na neewandkeel.»

Yeremi 11:7

Yaam kaam maƭooxoogu daan nuun no kaa xotitna a koom alaa suttuuma a den no saax laa Misira, a gar fa xaye. Kaam maƭooxoogu a den roog fuu feedna yee: Nan-gilooxyo o ñuxur es!

Yeremi 19:3

Xan o lay ee: Nuun maad we Yudaa fo we ngenna Yeerusaleem, nan-gilooxyo fa lay fee no Yaal oxe! Keeke o Yaal oxe Roog fee Isra’el Hupna fop a layu: Xam atiid no mbiñ onqene taamaala faa na foɗaxinkaa nof no we na nankan.

Yeremi 2:4

Nuun mbind Yakoob, nuun a qaw ake Isra’el fop, nan-gilooxyo fa lay fee no Yaal oxe.

Yeremi 2:9

Ten taxu um geenoox no layoorahin fa nuun, soo fi’kahinan fo xa taan nuun. Mi o Yaal oxe layun.

Yeremi 25:31

Fangax le a nannooxa boo no cat adna, yaam o Yaal oxe xe layooraa fo qeet ke, a hate’aa pindeef ke fop, soxodu we ta ɓoxot a den da saŋkitel laƥ.› » O Yaal oxe layun.

Yeremi 34:4

Kaa rek, wo Sedekiya fee o maad Yudaa, nan-gilooxi fa lay es, mi o Yaal oxe! Keeke layum na wo: Laƥ ñaamkirang.

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Yeremi 4:28

Ten taxu lanq ke a ñaawooxaa, soo asamaan fee a niifaar maaga took, yaam layaanum, fosooxin. Ricooxkinum, nomtooxkiim teen a cinj.»

Yeremi 5:4

Maaga, layaam ee: «Wiin heesu soom a ndefu, a mbi’aa ƥooɓodaxir, yaam andee a ƭat ale no Yaal oxe, ke Roog den a simitna.

Yeremi 51:5

Mi o Yaal oxe Roog fee Hupna fop, waasiim a Isra’el fa Yudaa, ke saax den a mayna may fo tooñ fop oo mbaambir es, mi o Tedu xe Isra’el.»

Yeremi 6:13

Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Yeremi 7:28

Maaga, fat o lay a den ee: Nuun ndefu xeet fee nan-gilooxeerna o ñuxur no Yaal oxe Roog den, soo a mbañ a maƭax um. Ngor kaa xon faq me nuun, a mo mir na xa ton nuun.»

Yeremi 9:20

«Fa nqon fee a ŋaaytiida na xa palangteer axe in, a rok kam pind mosu ke in, a saŋkaa xa teɓandoong axe no ped ke fo mbes ke no paayo ke.»

Yeremi 9:3

Fat oxuu refna na nuun a wootoox a xaariit um, too ba nu ngooloox o pog nuun o leng, yaam o pog oxuu refna kaa ƴiƴtaa, soo xaariit fuu refna a yaqaa ƭool.

Yeremi 9:7

Ɗelem den a kas a baawar oo, naanaxir ƥor a layaa. Kaa salanaa o kend den jam, too yaaga fop oo mbog a ƭaapanun no xeeñ den.

Heseki’el 16:35

Ten taxu, wo Yeerusaleem, a caga le, nan-gilooxi fa lay fee no Yaal oxe!

Hoose 12:2

Efrayim xa koɓong a reefaa, a daabaa nqeñ ne no batand. Ñaal oo ñaal kaa mayƭandaa xa maaƥ axe fo a pi a yednu ke. Kaa dalnaa ngiɓoor fa Asuur, soo diwliin a ɓiseel Misira.»

Hoose 12:3

O Yaal oxe xe layooraa fa Yudaa, a xawaa a Yakoob yaam a pesoorooƭ um, a rabdan a pi um.

Hoose 5:1

Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

Hoose 5:4

A pi den kaa yaqanaa a den o nomtooxiid me Roog den, yaam njaga kaa adin a den, too andee o Yaal oxe.

Yowel 1:2

Nuun maak we, nan-gilooxaamoo! Nuun fop we ngenna no saax le Yudaa, ndungyo nof nuun! Ndax keeke a mosa xew no ñoow nuun mbaat no ñoow no daan nuun?

Amos 3:1

Nuun we xa taan Isra’el, o Yaal oxe a laya yee nu nan-giloox ke ta layna took nuun, nuun we ta sutitna no saax laa Misira.

Amos 7:16

Ten taxu, wo Amatsiya fee layna yee ba o jo’it a Isra’el mbaat mbind Isaak, nan-gilooxi ke o Yaal oxe a layoonga:

Mise 6:2

Nuun xa coong axe fo a per a saƭku ke no lanq ke, nan-gilooxyo layoor ne no Yaal oxe! O Yaal oxe kaa layooriidaa fa xeet um, a xelooriidaa fa Isra’el.

YEGIL MBAAX NE YEESU ne Saŋ a bindtuuna 8:55

Mi koy, andaanum, too um layangaa yee andinum oo, xam nandat fa nuun, ref o maamaaɓ. Andaanum tigi, too mexe gayaa fa lay um.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

1 Korint 15:34

Nomtiidyo a yiif nuun too mbaas bakaad. A jega waa andeerna a Roog, too gaci yoo na nuun.

Mbeeñil 2:11

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, ñimkee fa nqon fa ƭikandeer faa.› »

Mbeeñil 2:29

Oxuu jegna nof, fat a nan-giloox ke Yiif le a layaa pokatax ke no gimu we.› »