Hoose 2:4 - NQAARIIT NE ROOG

⁴ O Yaal oxe kaa tee: «Xa ƥees, layooryo fa ya nuun, kaam ee nu layoor fo ten, yaam refatee o tees, too mi yoo refatiim o kor um! Fat a watin na mukit um xa anddiloor njaga um, soo no ƭeen ke ten, ta watin xa anddiloor ceeq um!

Hoose 2:4 Iomraidhean Croise

2 Maad we 9:22

Ye Yoraam a fadiidna me Yehu, a laamtaan ee: «Yehu, mbaar jam soom oo?» Yehu a doonaan ee: «Jam mam! Mee ndax wo moƴu o and ee Isebel fee ya of kaa moƴ o jootnaa a paɗax ale no roog tefee ndigil ke fo pan ne.»

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

Esayi 50:1

O Yaal oxe kaa tee: «Taa a kayit a pinde le lalitna yee waasaam a ya nuun mbaat an jikooxum a nuun nen faɗ, ndax um rabditin o lad es? Nu njikooxange, paaxeer ke nu mbi’na taxun. Ya nuun a raxange, pakaad nuun taxun.

Esayi 57:3

«Matiidyo mene, nuun lakas we, xa ƥiy no tew o naq oxe nu ndefna, xeet fa mbeefes fee fo fa njaga’u fee.

Yeremi 13:14

Xam duguñrand a den, faap oo o ƥiy oo. Wuuskiim, yirimkiim o leng, too o liir o leng yaqankiraam o saŋik a den.» O Yaal oxe layun.

Yeremi 16:5

O Yaal oxe a layahinaxam ee: «Ba o rok no mbind naa na nqaaraandaa, ba o maad a mboy, ba o jaap o leng, yaam suqtaam na xeet fene nqaariit es, o paaxel es fa yirmande es. Mi o Yaal oxe layun.

Heseki’el 23:25

Xam ɓax took of naal es. Xan a sayanong, a ƭeg o ñis of fo nof of, too we na yoqkaa na wo xan laƥ a maaf a den. Den na njangkaa xa ƥeef xa koor fo xa tew, too we na yoqkaa na wo xan fiɗel a raaɓ a den.

Heseki’el 8:18

Mi itam xam fesoor fo fuux, a ngid es yirimkee a den too wuuskiim a den. A mbalalooxangaa no nof es, nan-gilooxkiim a den.»

Heseki’el 9:10

Mi itam, yirimkiim a den too wuuskiim a den. Xam gadin a den a pi den.»

Hoose 1:2

Keeke refu mberaandoong ne no ke o Yaal oxe a layna a reefandin na Hoose. A laya a Hoose yee: «Reti o dolnir fo a caga, too fat o jaɓ xa ƥiy axe ta jegkaa a ndef xa ƥeef, yaam saax le a mbaasaxam, mi o Yaal oxe, a mbaɗooxaa roog lakas nen o tew o tamooxeer.»

Hoose 1:6

Gomeer a rokahina o fud soo a ñoot o ƥiy o ndew. Maaga, o Yaal oxe a laya a Hoose yee: «Ne’een ‹Loo-Ruhama›, yaam yirimkatiim mbind Isra’el, tee kaam waasanahinan.»

Hoose 5:7

A ngoda o Yaal oxe, yaam kaa ndim xa ƥiy no qooleer. Ndiiki koy, o nqool o leng soom xan a dey, ndax da saŋkel fo o jeg den fop.

Sakari 1:12

Maaga, malaaka fee no Yaal oxe a laya yee: «O Yaal oxe Hupna fop, xa kiid qarɓeen ɓetuu ƭik axey axaa fuuxanoona a Yeerusaleem fo teeru lakas ke Yudaa. Ndi neeke o fañkaa o yirim a den boo a mban?»

YEGIL MBAAX NE YEESU ne Saŋ a bindtuuna 8:41

Nu mbi’ee nen o ten, nen a faap nuun nu mbi’aa.» A layaan ee: «I ndefee xa ƥiy ceeq fe! Faap fa leng koŋ i njegu, ta ref Roog.»

O leetar ole Pool a bindna GIMU WE NGENNA ROM 11:22

Ɗeetaqini kat ne Roog a feeñlitna o paaxel um fo o ñangel um. Kaa ñang no we yenna, soo na wo koy, ta letnong o paaxel um. Fat o gen no paaxel um oleene boog, ndax ɗegkaandee tapit nen a naaq.

O leetar ole Pool a bindna GIMU WE NGENNA ROM 9:18

Neene boog, Roog a yirma oxe ta bugna, a saƭkin xeeñ no xe ta buganuuna.

Saak 2:13

Oxe yirmeerna o kend um, na bes faa na hate faa, Roog yirimkiran itam. Kaa koy, o yirmangaa wiin lakas we, saɗarkiro mbaambir no Kaahate xe.