Hoose 2:2 - NQAARIIT NE ROOG

² Yudaa fa Isra’el xan a mbokatoor, a mbog o aa-adax o leng kut soo a ngame saax le, yaam ñaal ne Yisre’el xan a magin lool.

Hoose 2:2 Iomraidhean Croise

Esayi 11:12

Xan a sipan a saax ake o anddiloor, a fokat kam Isra’el we sutoox’ina saax le soo a korol we pasaroox’ina na Yudaa na xa saax xa nahaq axe na adna fee.

Esayi 50:1

O Yaal oxe kaa tee: «Taa a kayit a pinde le lalitna yee waasaam a ya nuun mbaat an jikooxum a nuun nen faɗ, ndax um rabditin o lad es? Nu njikooxange, paaxeer ke nu mbi’na taxun. Ya nuun a raxange, pakaad nuun taxun.

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

Yeremi 19:3

Xan o lay ee: Nuun maad we Yudaa fo we ngenna Yeerusaleem, nan-gilooxyo fa lay fee no Yaal oxe! Keeke o Yaal oxe Roog fee Isra’el Hupna fop a layu: Xam atiid no mbiñ onqene taamaala faa na foɗaxinkaa nof no we na nankan.

Yeremi 2:2

«Reti o yegin a Yeerusaleem kene: O Yaal oxe kaa tee: Kaam wetandooxaa ne gore’it’oona na mi, ye o refaa o ndeɓandoong, ne bugit’axamoona ye o refaa o toog es, ne reeftoogaxamoona na koƥ-a-ƥor alaa, no jegel olaa dara a saxkeerna.

Yeremi 3:1

O Yaal oxe kaa tee: «A soƥangaa yee o koor kaa rax o teem, boo oxeene a sambir fo ten soo a refat o tew no lakas, ndax a waagaan o xotatin nen o teem? Ndax keene xoolaƭarandkee saax leene tigi? Wo Isra’el koy, jaga’aa fo xa pes xa mayu, soo o bug o nomtooxiid me mi! Mi o Yaal oxe layun.

Yeremi 3:13

Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

Yeremi 3:18

A koom, we Yudaa xan a soƥik we Isra’el, soo den fop da yoonandoortiid no saax le no ɓemb-roog o janoon, a njagin no saax le ci’uuma daan nuun nen lamatir.»

Heseki’el 16:20

Jangaa xa ƥiy xa koor fo xa tew axe wo riman’axamoona soo ɓoxot a den nitaal keene nen sadax, ndax da lisit a den. Ndax kaa njaga ne wo deyirang?

Heseki’el 16:25

No ƭat-sal nuu refna, jalaa maaga ndaalaand of, fi cednooxu fo o mosel of, ɓoxotoox no tak-a-faaf oxuu refna, mayƭand njaga of.

Heseki’el 20:4

Ndax xan o hate a den, kaam ee ndax xan o hate a den, wo fee o ƥiy no kiin? Andnoori a den a pi a cednooxu ke no daan den.

Heseki’el 23:43

Maaga, layaam no kaa jofna no xe ceeq ne a ŋeesna yee: Njaga ne ten taxu ceeq ne yee gañ, o ten o mat oo.

Heseki’el 23:45

Kaa koy, goor jofu o mat na ngate’kaa a den, ne rew seeseeq a ngate’teel, ne rew we ƥaxna fo’oy a ngate’teel, yaam kaa seeqaa, too fo’oy ley na xa ƥay den.»

Hoose 1:2

Keeke refu mberaandoong ne no ke o Yaal oxe a layna a reefandin na Hoose. A laya a Hoose yee: «Reti o dolnir fo a caga, too fat o jaɓ xa ƥiy axe ta jegkaa a ndef xa ƥeef, yaam saax le a mbaasaxam, mi o Yaal oxe, a mbaɗooxaa roog lakas nen o tew o tamooxeer.»

Hoose 2:1

Yaag oo toox de, Ii-isra’el we xan a mos o mayit nen pep lanq na ƥeeraamb o maag, mbaagaandeena o eed mbaat da limel. Me da layteel ee: «Nu ndefee xeet es», xan a layel ee: «Xa ƥiy Roog fa ñoow jok fee.»

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.

Hoose 4:5

Xan o tolof njoloor o mbuc, o tuleer oxe itam a tolof fa wo o yeng ole, too xan o saŋiknoor a Isra’el fee ya of.

Mise 2:13

Oxe na halkaa a ƭat ale xan a adooxan a den. Xan a sex o gur, a ndeef no ndokand ne, a sutoox. O maad den xan a fodan a den mbaambir, o Yaal oxe xan a adooxan a den.

2 Korint 5:16

Ndiiki koy, i ƭeettatee o leng ngiin um. Ke i ƭeet’ina a Kiristaa nen o kiin fop oo, i andtatiran neene.