Hoose 2:1 - NQAARIIT NE ROOG

¹ Yaag oo toox de, Ii-isra’el we xan a mos o mayit nen pep lanq na ƥeeraamb o maag, mbaagaandeena o eed mbaat da limel. Me da layteel ee: «Nu ndefee xeet es», xan a layel ee: «Xa ƥiy Roog fa ñoow jok fee.»

Hoose 2:1 Iomraidhean Croise

Mberaand 22:17

xam barke’ong, mayƭand xa taan of, da mayit nen xa qoor axe na asamaan fo nen pep lanq na ƥeeraamb o maag. Xa taan of na mbugko maadooxa took fañ den.

Yeremi 31:33

Kaa koy, keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Maaga, xam ref Roog den, da ndefat xeet es. Mi o Yaal oxe layun.

Yeremi 32:38

Maaga, xan a ndef xeet es, soo um ref Roog den.

Yeremi 51:5

Mi o Yaal oxe Roog fee Hupna fop, waasiim a Isra’el fa Yudaa, ke saax den a mayna may fo tooñ fop oo mbaambir es, mi o Tedu xe Isra’el.»

Heseki’el 11:20

ndax da ndeef kebil es, a ngay bargal es soo a mbadin a den. Xan a ndef xeet es soo um ref Roog den.›

Heseki’el 36:11

Xam mayƭand took nuun wiin fo cegel. Xan a ƥaatoox a ndimatir. Xam fi nu ngenatinel nen yaaga, soo moƴ o fi’an a nuun paax ee yaa fa yaaga. Maaga, xan nu and ee mi refu o Yaal oxe.

Heseki’el 36:28

Xan nu ngen no saax le ci’uuma daan nuun. Xan nu ndef xeet es, soo um ref Roog nuun.

Heseki’el 37:27

Xam gen fa den, ref Roog den soo da ndef xeet es.

Hoose 2:2

Yudaa fa Isra’el xan a mbokatoor, a mbog o aa-adax o leng kut soo a ngame saax le, yaam ñaal ne Yisre’el xan a magin lool.

Hoose 2:23

A koom xam jaaɓ a asamaan fee, asamaan fee a jaaɓ lanq ke,

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

2 Korint 4:1

I ndeɓkee muk njambaar in, yaam ne Roog a lasna a in calel keene na pexey o paaxel um.

1 Timote 1:13

mi fee andoona yee yaaga, kaam reeƭu oxaa na wenan, ñagadilaa we ngimna no ten, ref o kiin fo’oy. Kaa koy, daawaam yirmande, yaam kaa and’iim ke um fi’aa, took o ñak o ngim.

1 Piyeer 2:10

Nuun we andoona yee yaaga «nu ndeeƭee xeet um», ndiiki nu ndefata «xeet fee Roog». Nuun we «ndaaw’eerna yirmande», ndiiki «nu ndaawata yirmande».