Heseki’el 4:3 - NQAARIIT NE ROOG

³ Wo koy, xoti ndal njelem, doonin nen tabax njelem ndeer of fa teeru fee, ɓakand mukit of farna fo ten, too xan o songin. Fat a widel o kurul-keƥ. O anddiloor a refu no mbind Isra’el.

Heseki’el 4:3 Iomraidhean Croise

Heseki’el 12:6

Na kid den, xan o gadooxin, sutin kam o niɓaan ole, muur mukit of too ɗeetkiro saax le, yaam kaam bug o ref o anddiloor no mbind Isra’el.»

Esayi 20:3

O Yaal oxe a laya yee: «Ne Esayi fee o tag es a ñaaƴitna o ƥor, too o ñaaƭ reefiran boo xa kiid xa tadaq, ndax ta ref o anddiloor fo mandarga na Misira fa Kuus,

Esayi 8:18

Mi fo xa teɓandoong axe o Yaal oxe a cooxaxama, xan i ndef kam Isra’el xa anddiloor fo comlaand no Yaal oxe Hupna fop, genna took o joong ole Siyoŋ.

Heseki’el 12:11

Layi yee: Kaam ref na nuun o anddiloor. Ke fi’uuma na fadnooxkaa na den: Xan a ƥisel took o hup doole.

Hebre 2:4

Na waxtu faaga sax Roog a saƭkanda seede den fo xa anddiloor fo comlaand fo xa qos a pi katil akuu ndefna. A lasta itam ci’it ke no Yiif Tedu le ne ta bugitna.

YEGIL MBAAX NE YEESU ne Lik a bindtuuna 2:34

Simewon a barke’a a den, too a laya a Mari fee ya Yeesu yee: «O ƥiy onqene kaa maafiid too a yoɗiid wiin mayu na Isra’el. Xan a ref o anddiloor olaa na ɓisiidkaa njuumoor.

Yeremi 39:1

No hiid o ɓetuu nahkandeer ole no maat Sedekiya fee o maad Yudaa, no nqool xarɓaxayandeer onqe, Nebukadnesaar fee o maad oxe Babilon a gara fo xiixire um fop mbaambir Yeerusaleem, a mbidin o kurul-keƥ.

A paɗax ale 2:5

Boo sadax of a refna o gaf olaa saafeena, fat a ref mbiɗel kaa mbosolteena diwliin too baa njeg poɗaxnir.

Yeremi 39:2

No hiid xarɓaxay fo o hiid o lengandeer ole no maat Sedekiya, no ñaal ɓetuu nahkandeer ne no nqool o nahkandeer onqe, o gur a sexe no saŋe ne na teeru fee.

Heseki’el 5:2

Doxi teen a qaaj a tadkandeer ale na fiɗel a ndeer ee ndeer teeru fee, yaa ñaal ke no song le a mbadnooxkaa. Xoti teen a leng na qaaj a tadak ake, xawtin laƥ ne me widna teeru fee, pasar leng na qaaj a tadak ake no nqeñ ne, too xam daabtin laƥ.

Dañel 11:17

Took o bug o maadooxan maat ne no ɓemb-roog o ñamaak fop, xan a xaariitoor fo o maad oxe no maat neene soo a ci’in o leng na xa ƥiy xa tew axe ten, ta dolooxankin yaam a bug o biime’noorin soom, ndaa jegkee ne ta bugna, too yuuƥ um neene fadnooxkee.

Esayi 22:7

A yulanq ake wo moƴna o mos owe maya muut fo a sareet-xire, soo ŋaaŋaay pis a mbogooxan a ñoq ale no tokand ke wo.