Filip 4:1 - NQAARIIT NE ROOG

¹ Ten taxu koy, nuun fog es we fexuuma fex, nuun we sooɓaxama, ndef o ɗaay es fo o ndip es, koo saƭikyo no Yaal oxe, ngen na saƭik aleene.

Filip 4:1 Iomraidhean Croise

Ke bindeena no xe ne’eena YOB 31:36

Um ga’angaan, ndax gadooxkinum? Kaam ee ndax roxondooxkinum nen o ndip?

A kim a tedu ke 125:1

A kim no ñaañaaƴ we yoo. We ngoolooxna o Yaal oxe kaa nand nen o joong ole Siyoŋ sendkeerna soo a saƭik boo kili.

A kim a tedu ke 27:14

Ɗagi yaakaar of no Yaal oxe! Refi o koor too saƭakinoox! Kaam ee ɗagi yaakaar of no Yaal oxe!

Mace 10:22

Xan fop a sib a nuun yaam gon es, ndaa oxuu saƭikna boo no muukandoong naa xan a muc.

YEGIL MBAAX NE YEESU ne Saŋ a bindtuuna 8:31

Yeesu a laya Yaawuur we ngimatna no ten ee: «Nu ngenangaa na fa lay es, daalbe es tigi nu ndefu.

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

A pi ake 2:42

Kaa ndamoogu a cangin ale no apootar we, a mbog o liir, a ndeeraa a cu’ax ale no Yaal oxe, soo a nqeɗaa.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

1 Korint 15:58

Ten taxu, fog es we fexuuma! Ndamlooxyo, saƭik, moƴ o njalanaa o Yaal oxe, yaam and ee calel keene mbe’kee a koƥ.

1 Korint 16:13

Ndiiki koy, yetooxyo, saƭik no ngim onqe, ndef goor, too saƭakinooxaa.

2 Korint 1:14

Ndiiki koy, o ndik soom nu andafulu no keene, ndaa no ñaal naa o Yaal oxe Yeesu a nomtooxiidkaa, xan nu mbi a in kañoor nuun ne i mbi’itna a nuun kañoor in.

Galati 5:1

Kiristaa kaa wokit a in, ndax i njeg a qoox in. Saƭakinooxyo boog, too ba nu nomtoox no mbaƭ ne.

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

Filip 1:8

Roog a anda yee ne Kiristaa Yeesu a jegitna o liir na nuun, nu sooɓtaxam.

Filip 2:16

nu ƥisaa a den fa lay fee na ci’taa o ñoow. Yaaga, na bes faa Kiristaa a nomtooxiidkaa, xam waag o fakoox yaam nuun, and ee ke ƴufanooguuma fe’ee a koƥ, den fo calel es.

Filip 2:26

Kaa bug o ga a nuun, nuun fop, ne nu nanna jir le ten, a leeƈ cer um.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

1 Tesalonik 3:13

Yaasam ta saƭkand a qeeñ nuun kam o tedel o jegee ŋañel leng paam Roog Faap in, boo yaa o Yaal in Yeesu a garkaa, a yoon fo tedu we ten fop.

2 Tesalonik 2:15

Yaaga boog, fog we, ndamyo a paax, too ngeek fa doole ke i njanginna a nuun, ta ref no ɗelem mbaat no leetar.

2 Timote 2:1

Wo o mat o ƥees, fapoori yirmande fee refna na Kiristaa Yeesu.

Hebre 10:23

Yaakaar ne i layaa yee i njegaan, fat i ndamin ta saƭik boog, yaam a woora yee xan Roog a fadin ke ta regitna.

Hebre 3:14

Mee ndax fog Kiristaa i ndefu, yaa i saaƭooxna boo no muukandoong naa na koolax ale i njeg’ina no mberaand naa.

Hebre 4:14

Fat i saƭik boog no ngim onqe i mbeejlaa, yaam i njega o saasadax o maak oxaa hupna fop. Ten refu Yeesu o Ƥeenqe Roog, o ten oxe ŋaayna boo paam Roog.

2 Piyeer 3:17

Nuun we fexuuma, nu maƭooxe keene. Nu mbara o mbootoox, ndax wiin weene na mo’andaa maafkee a nuun boo nu ñak o saƭik no ngim onqe nuun.