Filip 3:8 - NQAARIIT NE ROOG

⁸ Refee keene soom koy. Kaam ɗeetat fop nen kasaara yaam ke moƴna o jeg o njiriiñ no fop, ta ref o and a Kiristaa Yeesu fee o Yaal es, taxna um fes lakas ke fop a cinj. Lakas keene, kaam ɗeetaa a den nen a siind, ndax um waag o jeg a Kiristaa.

Filip 3:8 Iomraidhean Croise

1 Maad we 14:10

Ten taxu, wo Yerobowam, xam ɓisiid ɗom no mbind of, too xam xuuf o ñis no goor we no ƥasil of bo ta xet. Xam leel we no mbind of, ne o leelir a leeltaa ndoƭ boo a keƭtoor sax yoqkee teen.

2 Maad we 9:37

too o dal um xan a ref nen a tos kam xa qol axe no saawit ole Yisre’el boo waagkataand o andid.› »

Ke bindeena no xe ne’eena YOB 20:7

xan a mooc nen a umbel, too we nga’ooguuna xan a laamit ee: «Taa ten?»

A kim a tedu ke 126:6

Oxe na ñaaƴaa loolaa, yaa ta pokooxna a sak ax um, xan a nomtooxiid fo o ɗaay, yaa ta roxondooxna a kusax um.

A kim a tedu ke 73:25

An jegum o lakas na asamaan? Ne refoona fa mi, waaƭiim ndamlooxand leng no lanq ke.

Esayi 53:11

Xan a ga a qoolaand ale too xan a deyƭoox yaam coono ke ta gomna. O tag es o cofu xe xan a jofand wiin mayu, yaam ne da anduuna, a gadoox njofaƭar den.

Malaki 2:3

Me ta refna koy, xam yoomnoor a nuun, deɓ a nuun kutatin ke na mukit, kutatin ke no cegel ke nu sadaxtaa, too xan nu ƥaxkel fa den.

A lim ale 14:30

Nu ndokkee muk no saax le daaɓoox’uuma yee xan nu ngen teen, bo ta yoqaa Kaleb fee o ƥiy Yefune fa Yosuwe fee o ƥiy Nun.

YEGIL MBAAX NE YEESU ne Lik a bindtuuna 1:43

Ey waay, nam ya no Yaal oxe mi a jaɓtu o garit a paam es?

YEGIL MBAAX NE YEESU ne Lik a bindtuuna 11:20

Kaa koy, a refangaa yee na pexey nqol Roog um raxtaa cini ke, yaaga Maat ne Roog a fadiida me nuun.

YEGIL MBAAX NE YEESU ne Saŋ a bindtuuna 14:20

A koom nu and ee mexey na Faap es, nu ndef na mi, um ref na nuun.

YEGIL MBAAX NE YEESU ne Saŋ a bindtuuna 14:7

Nu and’angaam, nu andkooga itam a Faap es. No ke xotitna ndiiki koy, nu andaan, too nu nga’aan.»

YEGIL MBAAX NE YEESU ne Saŋ a bindtuuna 16:3

O nanangaa da mbi’an koy, kaa andee a Faap fee, andiraam.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

YEGIL MBAAX NE YEESU ne Saŋ a bindtuuna 17:8

yaam daawnaam a den a ƭelem ake cooxaxamoona, too a njaɓa a den. A anda tigi yee na wo hatum, too a ngima yee wo luliidaxam.

YEGIL MBAAX NE YEESU ne Saŋ a bindtuuna 20:13

A laya a Mari yee: «Ndi tew oxe, xar taxu o loolaa?» A doona a den ee: «Kaa o Yaal es a guuɗel, too andiim me da ƥisuuna.»

YEGIL MBAAX NE YEESU ne Saŋ a bindtuuna 20:28

Tomaa a doonaan ee: «O Yaal es, Roog es!»

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

O leetar ole Pool a bindna GIMU WE NGENNA ROM 8:18

A wooraxam ee coono ke in ndiiki mbaagkee o liiƥoor muk fo o ndam onqe Roog a feeñilkaa a in.

O leetar ole Pool a bindna GIMU WE NGENNA ROM 8:39

katil ke took mbaat ke ɗuga lanq mbaat mbindel nuu ta waagna waag o ref, dara teen waagkee o saƭtirand a in fo o mbeq onqe Roog i ndaawitna na Kiristaa Yeesu o Yaal in.

1 Korint 2:2

Bug’iim o layit dara a ndeer nuun, a refangee Yeesu Kiristaa, moƴtaa sax Yeesu Kiristaa fee rengeena na kurwaa.

1 Korint 9:10

ndi a xalaata a in itam? In o mat taxu, ta lay ee oxe daarna a xooxaa, yaakaar a waru o xooxit, oxe na sugaa a sugit yaakaar ee xan a jeg teen.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

Galati 1:16

a feeñlaxam o Ƥeem, ndax um yegnitin kam we ndefeerna Yaawuur. Ndak fo ndak, waaƭ’atiim o kiin oxaa asaxama.

Efees 4:13

A reftangaa neene, xan i ndet, in fop, boo mbogat o ngim o leng kut onqe, mbogat itam o and o leng no Ƥeenqe Roog. Yaaga, xan i ndefat maak waa, o maakel den a nandkaa fo ole Kiristaa.

Filip 1:1

Mi Pool fa Timote we faɗ Kiristaa Yeesu na mbindaa a nuun o leetar oleeke. In we simnaa a nuun, nuun tedu we Kiristaa Yeesu ngenna kam teeru fee Filip, nuun fop fo aa-adax nuun fo diidimle nuun.

Filip 3:10

Neene o mat um anditkaa a Kiristaa fa doole a qontax um, waag o fog no coono um, nandat fo ten nen oxaa xonitna nen o ten,

Filip 3:12

Refee koy ee kaam daaw a laay ale boo ƴut mbaat um fad no ñak-sik, pokin ne Kiristaa a pokit’axama.

Filip 3:7

Keene fi’’uuma ke moƴna, ndiiki kaam fi’in kasaara yaam Kiristaa.

2 Timote 4:6

Mi o mat, andaam ee mbaal ndurane sadax refum, too hap es a fadiida.

Hebre 3:14

Mee ndax fog Kiristaa i ndefu, yaa i saaƭooxna boo no muukandoong naa na koolax ale i njeg’ina no mberaand naa.

1 Piyeer 2:7

Nuun we ngimna boog, nuun njegu o njiriiñ onqe no ɓil le, ndaa no we ngimeeruuna, «ɓil le maamax we a ndeɓ’ina, a refata ɓil faraaj le.»

2 Piyeer 1:2

Yaasam nu njeg yirmande fa jam na pexey o and ole Roog fa Yeesu fee o Yaal in.

2 Piyeer 1:3

Katil ne Roog a jegoodna a cooxa a in ke i soxla’na fop, ndax i ñoowaa no damoox no ten, ye ta andnoorna a in oxe xoyna a in na pexey o ndam xoox um fo no paaxel um.

2 Piyeer 1:8

Keene fop a jegangaa boo a may na nuun, nqaƴkee a nuun nu tayil boo nu ñak o rim ole inoorna no and o Yaal in Yeesu Kiristaa.

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

1Saŋ 1:3

Mexe dakooxan o lay a nuun ee: Ke i nga’na, nanin, i yegnaa a nuun, ndax nu mbog fa in, ne i mbogitna fa Faap fee, mbogit neen fa Yeesu Kiristaa fee refna o Ƥeem.

1Saŋ 2:19

Kam in a sutooru, ndaa mbog’ee na in, yaam a mbog’angaa na in tigi, a yoqkooga fa in. Keene a xewa, ndax ta woor a in ee fop mbogee na in.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.