Filip 3:1 - NQAARIIT NE ROOG

¹ Fog es, mbelakinooxyo no Yaal oxe. Dapatinaa leng kut ke no leetar oleeke xijliraam, too ten na saƭakinaa a nuun.

Filip 3:1 Iomraidhean Croise

1 Caloori ke 15:28

Ii-isra’el we fop a ƥisiida arka ne no ngiɓoor ne no Yaal oxe kam Yeerusaleem, a yoonandtin xa soroxole fo a seeluumb fo a luuƥ fo mbak ne na qiin ake fo fo nqilimb ne fo a tiiti ke.

1 Caloori ke 16:10

Mbakooryo gon tedu le ten. Yaasam a qeeñ no we na mbaaƭaa o Yaal oxe a mbelakinoox!

1 Caloori ke 29:22

A koom, a ñaama, a yer mbaambir no Yaal oxe fo o ɗaay o maak. A ndalna a Salomo fee o ƥiy Dawid o maad jaf ɗikandeer. A ƭuumaan mbaambir no Yaal oxe nen o ƭooɗox, soo a ƭuum a Saadok nen o saasadax o maak.

Nehemi 8:10

Esdaraas a ɓaata teen ee: «Nqaadyo, ñaamik ñaamel pelu, yer a yer a pelu too naqan we njegeerna dara kaa da njawna, yaam bes fene kaa kesanel o Yaal in. Ba nu ngooy, ndaa mbelakinooxyo, yaam o Yaal oxe refu doole in.»

Ke bindeena no xe ne’eena YOB 22:26

Maaga, xan o ɗaay of a ref no Cegu katil oxe, o cok of a ref took mbaambir um.

A kim a tedu ke 149:2

Fat Isra’el a felakinoox no saasak um! Kaam ee fat xeet fee Siyoŋ a njeg o ɗaay no maad den!

A kim a tedu ke 32:11

Nuun jofu we, mbelakinooxyo no Yaal oxe too ndef no ɗaay. Njibinyo xa soroxole, nuun fop we a qeeñ nuun a njofna.

A kim a tedu ke 33:1

Nuun jofu we, nqaanyo o Yaal oxe. A ƭat oo ndax we a qeeñ den a njofna a simatan.

A kim a tedu ke 37:4

Fat o ɗaay of a ref no Yaal oxe, too xan a ci’ong ke xeeñ of a yuxmaa.

A kim a tedu ke 42:4

Xa kooniit es ndefu ñaamel es ñaal fo o yeng, yaa um layeel kili yee: «Taa Roog of?»

A kim a tedu ke 5:11

Wo Roog, gadni a den tooñ den! Fat yuuƥ den a maafnoor a den. Raxi a den yaam tooñ mayaan ke den, yaam kaa siiknoor fa wo.

A kim a tedu ke 97:1

O Yaal oxe refu o maad, fat adna fee fop a ndef no ɗaay, a pimb ake fop a mbelakinoox.

Esayi 41:16

Xan o fees a den, nqeñ ne a maƥ a den, a und ale a pasar a den. Wo o mat, xan o felakinoox no Yaal oxe, fakoorit o Tedu xe Isra’el.»

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

Esayi 65:14

Dag es xan a sawar tigi boo a ƈeelaa yaam o mbelakinax, ndaa nuun o mat, xan nu mbuuqaa yaam o ƭomel. Xan nu ƭomatooxaa, a qeeñ nuun a ngooy.»

Yowel 2:23

Nuun we ngenna Siyoŋ, ndefyo no ɗaay too mbelakinoox no Yaal oxe Roog nuun, yaam a ci’a a nuun a teƥ a paax. A fudnaniida a nuun puyaam ke, a teƥ a sarandam ake fo a seeseek ake nen yaaga.

Sofoni 3:14

Wo Siyoŋ o ndoog onqe, jibni xa soroxole, wo Isra’el, ƴeeli, wo Yeerusaleem o ndoog onqe, felakinooxi no xeeñ of fop!

Sofoni 3:17

O Yaal oxe Roog of oxey fa wo, a ref nen a salma-koor alaa na muclaa. Xan o ref o ɗaay um ole moƴna magin. No mbeq um xan a fi’ong qas, o ɗaay um na wo a hitatir.»

Sakari 10:7

Wiin we Efrayim a salma-koor a ndefkaa. Xan a ƭaay na qeeñ den nen waa yerna biiñ. Xa ƥiy den xan a nga o ndam onqeene, soo a mbelakinoox den itam yaam ke o Yaal oxe a fi’anna a den.

Mace 5:12

Mbelakinooxyo, too ndef kam o ɗaay, yaam ndabid nuun xan a magin na asamaan. Ba nu mbeecit itam ee neene duleer we adooxna a nuun a ñagadilit’e.»

YEGIL MBAAX NE YEESU ne Lik a bindtuuna 1:47

yiif es a felakinooxaa na Roog fee o Muumucil es.

O leetar ole Pool a bindna GIMU WE NGENNA ROM 5:11

A jega kaa doonooxna no keene itam: Kaa i mbakooxaa na Roog yaam o Yaal in Yeesu Kiristaa fee jofoorandna a in fo ten.

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

Efees 6:10

Ndiiki koy, ne nu mbogna no Yaal oxe, mbaaƭityo no ten doole nuun, too ndokoox katil magnu ne ten.

A cangatin ale 12:18

Mbaambir no Yaal oxe Roog nuun nu ñaamitkaa a den no mbiñ onqe ta jilkaa, nuun fo xa ƥiy nuun xa koor fo xa tew, surga nuun fo jeefeer nuun fo Leelewi we ndefna a ndeer nuun, soo mbelakinooxaa mbaambir no Yaal oxe Roog nuun no ke nu njalna fop.

A cangatin ale 16:11

soo mbelakinoox mbaambir no Yaal oxe Roog nuun no mbiñ onqe ta jilkaa ndax gon um a ƴufginooreel teen, nuun fo xa ƥiy nuun xa koor fo xa tew fo surga nuun fo jeefeer nuun fo Leelewi we ndefna no teeru ke nuun fo itam xa kataakoon axe fo xa baan axe fo ñaaw we na ndefkaa a ndeer nuun.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

Filip 4:4

Naangyo o mbelakinooxaa kili no Yaal oxe, kaam ee naangyo o mbelakinooxaa!

Filip 4:8

Ndiiki koy, fog es, fat a qalaat nuun a njagin no fop ke refna ndigil fo kuu deyeena o niw fo kuu faaxna fo fop ke xoolna, a deyel o fex, a warel o jaɓ, a faax, a deyel o tagas.

1 Tesalonik 4:1

No lakas ke koy, fog we, nu njangta na in ne nu mbarna o ñaaƴit boo mbaag o mbel a Roog, too meene sax a koorgoorlax nuun a refu. In we nqeɗan a nuun, too in we ndegdinooxan a nuun no gon le no Yaal oxe Yeesu: Moƴyo o ngoorgoorloox boog!

1 Tesalonik 5:16

Fat o ɗaay a ref fa nuun kili.

Saak 1:2

Fog es, nu yenangaa no ƭeetlax mayu, mbelakinooxyo a paax,

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

1 Piyeer 4:13

Kaa nu mbar o mbelakinoox kañ, yaam ne nu njegna a las no coono ke Kiristaa, ndax nu may fo o ɗaay itam, yaa o ndam onqe ten a feeñilkeel.

2 Piyeer 3:1

Nuun we fexuuma, keeke refu o leetar o ɗikandeer ole um bindaa a nuun. Kam xa leetar xa ƭaq axeene kaam wetandaa a nuun keene nu andna boo ƈut, ndax um yok na nuun a qalaat a paax,

1 Sami’el 2:1

Xaan a simata o Yaal oxe too a lay ee: «Xeeñ es kaa felakinooxaa no Yaal oxe. O cok es oxe took yaam o ten, waagataam o jal fañ es. Kaam felakinooxaa no ten fee ƴufgaxama.