Filip 2:8 - NQAARIIT NE ROOG

⁸ a neewandooxa, a nanan a Roog boo na fa nqon, refee fa nqon nene sax, ndaa fa nqon took a kurwaa.

Filip 2:8 Iomraidhean Croise

A kim a tedu ke 22:16

A peep es oxe weera kaŋ nen keew, ɗelem es a taƥ no faƭanq es. Mi kañ, xonaam boo ƴut.

Xa peƭit axe 15:33

No saɗar o Yaal oxe o jeg-yiif a aqatoorteel, a neewandax a adooxanaa o ndam.

Mace 17:2

Yeesu a suptooxa mbaambir den. A tagid um a meleƈa boo nen njeeƈ ne, soo toki um a ndanig boo taw.

Mace 26:39

Yaa ta retna boo a goƭ o ndik, a gooknooxa, a gung, too a xeɗa a Roog ee: «Faap, a waagangaa jeg, fat o kaas coono lene a riƈatoox boo yerkinum. Kaa koy, baa jegit ne bugtanuuma, ndaa ne bugtanoona.»

Mace 26:42

A dakooxa o riƈatoox jaf ɗikandeer, soo a xeɗ ee: «Faap, o kaas coono lene a waagangee riƈatoox too yerinum, fat ke bugoona a jeg.»

YEGIL MBAAX NE YEESU ne Lik a bindtuuna 9:29

Yaa ta maadna o xeɗaa, a tagid um a suptooxa, too toki ke ten a ndan-ga boo taw.

YEGIL MBAAX NE YEESU ne Saŋ a bindtuuna 10:18

O leng suqtiran na mi, mi o mat na cooxtan no fud-o-letu. Jegaam sañ-sañ faa cooxtitanuuma fa sañ-sañ faa jangtanuuma: Keene mat refu ke Faap fee a heblaxama.»

YEGIL MBAAX NE YEESU ne Saŋ a bindtuuna 14:31

Kaa koy, ndax adna fop a and ee fexaam a Faap fee, too ke ta hebilna rek um reefaa, inooxyo i ndet.»

YEGIL MBAAX NE YEESU ne Saŋ a bindtuuna 15:10

Nu naangangaa o ngayaa kebil ke mi, xan nu ngen no mbeq es, yaam neene o mat gaytum kebil Faap es boo gen no mbeq um.

YEGIL MBAAX NE YEESU ne Saŋ a bindtuuna 4:34

Kaa koy, Yeesu a laya a den ee: «Ñaamel es refu um fi’aa ke oxe lulaxama a bugna, soo fadin calel um.

A pi ake 8:33

Kaa neewand’el, too cooxaand ɓur leng. An na waagkaa o lay kaa farna no kurcala um, yaam o ñoow um a xuufe no lanq ke?»

O leetar ole Pool a bindna GIMU WE NGENNA ROM 5:19

Nanaƭar no kiin o leng kut oxe taxu wiin mayu a ndefat baabakaad. Neene itam, yaam o kiin o leng kut oxe nananna a Roog, mayu xan a ƭeetel nen jofu.

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

Galati 3:13

Kiristaa a wata a in na salax ale no kebil ke, ye ta salooxeena, ten fa xoox um yaam in, ne ta bindteena yee: «Oxuu rengeena took a teex, a salooxe.»

A cangatin ale 21:23

o dal oleene waree fe na teex ale. Fat nu ngasin no ñaal naaga sax sax, yaam oxuu lokeena na teex, Roog salooxun. Yetooxyo boog boo ba nu nqoolaƭarand saax le o Yaal oxe Roog nuun a ci’na a nuun nu njegkin.»

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

Hebre 12:4

Yaam kam siiknoor ne nuun fa bakaad fee, nu maafrafulaand boo mbug o nqon.

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.