Filip 2:5 - NQAARIIT NE ROOG

⁵ Mbogyo a qalaat ake ndeeƭna na Kiristaa Yeesu, ne ta layteena yee:

Filip 2:5 Iomraidhean Croise

Mace 11:29

Ngadooxyo kadoor ke cooxuuma a nuun, too njangit na mi, yaam kaam ɓuuɓ, too xeeñ es magnandooxee. Nu mbi’angaan, xan xa laaw nuun a ñootnoox.

YEGIL MBAAX NE YEESU ne Lik a bindtuuna 22:27

Ndi an moƴu o magin boog, oxe reerna fa nuun ndi oxe na dagooxaa? Ndax refee oxe reerna fa nuun? Ndiiki koy mexey a ndeer nuun nen o tag nuun.

A pi ake 20:35

Lalaam a nuun no fop ee nu mbara o njaltaa neene ndax nu mbaag o ndimle’aa we neewna doole. Mbetandooxyo xa ƭelem axe o Yaal oxe Yeesu fa xoox um a layna. Kaa tee: ‹Boo o moƴaa jeg barke, o ci’taa ee o daawaa.› »

O leetar ole Pool a bindna GIMU WE NGENNA ROM 14:15

Boo ɓisiidoona o kentand of coono yaam ñaamel kaa o ñaamaa, yaaga fesooratiro nen oxaa jegna o mbeq. Ten taxu ba o mo’noor o pog of yaam ke o ñaamaa, yaam Kiristaa a xonanaan itam.

O leetar ole Pool a bindna GIMU WE NGENNA ROM 15:3

Kiristaa mosee o waaƭ ke faaxna na xoox um. Keene ne’ooge ye a Pind a Tedu ke a layna yee: «A ben ake no we na mbenang took es a ndalu.»

O leetar ole Pool a bindna GIMU WE NGENNA ROM 15:5

Yaasam Roog fee na muñantaa, too a yaalaa, a fi boo nu mbaag o ñoowaa no njofoor a ndeer nuun, ndeeftin ne Kiristaa Yeesu a laltituuna,

1 Korint 10:33

Mi fa xoox es, keene um jeemaa no kuu refna, ndax um fel fop. Keene koy refee yee um galagaa a xoox es, ndaa ke faaxna no moƴ-o-jaak we, ndax da muc.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Filip 1:1

Mi Pool fa Timote we faɗ Kiristaa Yeesu na mbindaa a nuun o leetar oleeke. In we simnaa a nuun, nuun tedu we Kiristaa Yeesu ngenna kam teeru fee Filip, nuun fop fo aa-adax nuun fo diidimle nuun.

1 Piyeer 2:21

No keene sax nu nqoyte, yaam Kiristaa itam a coono’a yaam nuun, too a xaƴana a nuun a lalgand, ndax nu ndeef o jaf um.

1 Piyeer 4:1

Ne Kiristaa a coono’itna no cer ke boog, nuun itam, saƭkityo neene, yaam oxe coono’na no cer um, a ƴutoora fa bakaad.

1Saŋ 2:6

Oxe na layaa yee a foga fa Yeesu, a wara o ñaaƴtaa ne ta ñaaƴitna, ten fa xoox um.