Filip 2:3 - NQAARIIT NE ROOG

³ Baa eetatir a ɓek a nuun na dara, mbaat nu mbi’aa tig ee ndax nu ƥoxotel o ndam o njegee xoox. Fat a neewandax a ref na nuun, nu ƭeetaa lakas we nen gartu a nuun took.

Filip 2:3 Iomraidhean Croise

Xa peƭit axe 13:10

A magnandax qasir doŋ a oraa, o nan-gilooxaa xa as axe mat a ref o jeg-yiif.

YEGIL MBAAX NE YEESU ne Lik a bindtuuna 18:14

Mexe layaa a nuun ee: Oxene a xaada, too Roog a ɗeetaan nen o cofu, o lakas oxe koy, ɗeetaand. Yaam oxuu magnandooxna, xan a neewandel, too oxuu neewandooxna, xan a magnandel.»

O leetar ole Pool a bindna GIMU WE NGENNA ROM 12:10

Mbexiryo a ndeer nuun ne o fog a mbexritaa. Niwiryo, too sawar teen.

O leetar ole Pool a bindna GIMU WE NGENNA ROM 13:13

Fat i ñaaƴit o jof, yaam in wey na qoolaand ale. Ba i yer a yer a maamu mbaat i ñaam kupu. Ba i seeqaa mbaat i mbi’aa a pi a parƴu fo cer in. Ba i nqasir, too ba i siisraa.

O leetar ole Pool a bindna GIMU WE NGENNA ROM 2:8

Xan fuux le Roog fo a qaw ale ten a ndal took no we na mbaaƭaa o njiriiñ a qoox den soom, a nanaƭaran ndigil ne, soo a njaɓan njofaƭar ne.

1 Korint 15:9

moƴ o neew no apootar we. Andaam ee xoyeel apootar sax a jombaxam, yaam kaam ñagadiloogu o fog ole no we ngimna na Roog.

1 Korint 3:3

yaam kaa nu maad o mbesooraa nen wiin adna. Ndax ciisir fo nqasir ndefu a ndeer nuun? Bo ndiik xalaat adna na ɗoxaa a nuun,

2 Korint 12:20

Mi de, kaam diidaa rek o ñak o soƥ a nuun ne bugtuuma, nuun oo, nu nqetoortaam ne nu mbugteerna, yaam ke um soƥiidaa: Qasir fo ciisir fo puuxir fo ngendandoor fo layir paaxeer fo ñu’ir fo o nga’atinax fo o samar ole fi’na yook.

Galati 5:15

Kaa koy, boo nu nandna fo ƥaaɓaan kaa na ŋatraa, a ŋolraa, mbootooxyo yaqir.

Galati 5:26

Ba i mbaaƭanaa a qoox in o ndam o njegee xoox. Ba i tooñraa mbaat i yaawaa tig no lakas itam.

Efees 4:2

Neewandooxyo, ƥuuɓ, njeg o muñ, kaam ee ngatliryo fo o mbeq.

Efees 5:21

Njaɓaniryo a ndeer nuun, yaam ne nu niwna a Kiristaa.

Filip 2:14

Kuu nu mbi’aa, baa jeg a ƭomatax mbaat a caageej,

Kolos 3:12

Neene itam, nen waa Roog a jilna nu mbog no ten, ta fex a nuun, fat nu mbof yirmande fo o paaxel fo a neewandax fo o ɓuuɓ fo o muñ.

Kolos 3:8

Ndiiki koy, mbesyo keene fop ndiiñ, mbañ fuux fo mbañir fo coxod fo a ben fo fa lay fa mbaaxeer a sutooraa na nuun.

1 Timote 6:4

oxeene kiin kaa magnandooxaa, too andee dara boo dara a fag. Kaa jir, laamit ñaku xoox a damin, ta dapaa fa lay, a dapatinan. Meene o mat, ciisir ke fo qasir ke fo a ben ake fo fooganaa o kiin paaxeer, a ngatu.

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».