Filip 2:1 - NQAARIIT NE ROOG

¹ Yaaga boog, a soƥangaa yee yaaloor nuun key na Kiristaa, a soƥangaa yee o laaw nuun a waaga o dal yaam o mbeq um, Yiif leng kut a fokat a nuun, kaam ee a soƥangaa yee o liir fa yirmande a njega,

Filip 2:1 Iomraidhean Croise

A kim a tedu ke 133:1

A kim no ñaañaaƴ we yoo, a fog na ke Dawid. Ndaw paaxu too a fel, yaa fog we a nanoorna!

Esayi 16:11

Ten taxu kam es a gooy na Mowaab nen o nqilimb, xeeñ es a naqadiloox na Kiir-Heres.

YEGIL MBAAX NE YEESU ne Lik a bindtuuna 2:25

A jeg’a Yeerusaleem o koor o ne’e Simewon. O kiin oxaaga a jof’a, too a saɗar’a a Roog. A cungooga Isra’el a yaalel. Yiif Tedu le a reeƭa fo ten,

YEGIL MBAAX NE YEESU ne Saŋ a bindtuuna 14:18

Xaƴkiim a nuun xa baan. Xam gar me nuun.

YEGIL MBAAX NE YEESU ne Saŋ a bindtuuna 14:27

Mexe xaƴtaa a nuun jam es, kaam ee ci’aam a nuun jam es. Kaa koy ci’titinum ne adna fee a ci’titaa. Ba nu njaaxiɗ, too ba nu ndiid.

YEGIL MBAAX NE YEESU ne Saŋ a bindtuuna 17:13

Ndiiki koy, mexe hebooxaa me wo, maad o laytaa keeke na adna fee, ndax da may fo o ɗaay es.

A pi ake 2:46

Bes fuu refna, kaa mbokatooroogu no Mbind Roog ne, a mbogaa mbuuru ne kam pind ke, a ñaamaa fo o mbeq fo xeeñ yelefu,

A pi ake 4:32

Mbokatax naa no waa ngim’ina fop kaa mbog’u xeeñ leng fo yiif leng. O leng layoogee yee kene mi jegun, mbaat kaana wo jegun, ndaa o jeg den fop kaa mbokatoogun.

O leetar ole Pool a bindna GIMU WE NGENNA ROM 5:5

Yaakaar ne o mat saalkee na in muk, yaam Roog kaa yip o mbeq um kam a qeeñ in na pexey Yiif Tedu le ta ci’na a in.

O leetar ole Pool a bindna GIMU WE NGENNA ROM 8:26

Neene koy Yiif Tedu le kaa garaa, a dimle’iid a in, in we neewna doole. I naangee o andaa sax ne i mbarna o nqeɗit a Roog, ndaa Yiif le fa xoox um kaa xeɗanaa a in fo a yuɗnax alaa waagaandeena o lay.

1 Korint 12:13

In fop, no Yiif leng kut le i mbatiise’e, ndax i mbog, ndefat njer leng kut na Kiristaa, ta ref o Yaawuur mbaat o tefee o Yaawuur, o paɗ mbaat jaambuur. In fop, no Yiif leng le i yerne.

1 Korint 15:31

Fog es, bes fuu refna, o ñis es oley no xoƥ nquƭ, ta woor boo ne nu ndefitna qaaƴoor es no mbokatoor ne i njegna no Yaal in Yeesu Kiristaa.

1 Korint 3:16

Kaa nu andee yee nuun ndefu Mbind Roog ne, Yiif um a gen na nuun?

2 Korint 2:14

Yaasam Roog a simatel, ten oxe na ɗoxaa in kili, in we mbogna na qaaj ale maafna na pexey Kiristaa. Ten na fexeyaa boo i mbaag o andnooraa gon um, nen tuñ pelu kaa pictooxna muu refna.

Galati 4:6

Ne nu ndefna xa ƥiy xa time taxu Roog a luliid Yiif no Ƥeem kam in. Yiif leene koy na falalooxaa yee: «Aba, Faap!»

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

Efees 4:4

Njer leng kut jegu fo Yiif Tedu leng kut. Neene nu nqoyte no yaakaar leng kut itam na pexey o xoy ole nuun.

Filip 1:8

Roog a anda yee ne Kiristaa Yeesu a jegitna o liir na nuun, nu sooɓtaxam.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

Kolos 2:2

ndax da mbaag o njeg yaaloor, o mbeq a fokat a den, da mbapoor yiif o andik kunpa Roog, ta ref Kiristaa.

Kolos 3:12

Neene itam, nen waa Roog a jilna nu mbog no ten, ta fex a nuun, fat nu mbof yirmande fo o paaxel fo a neewandax fo o ɓuuɓ fo o muñ.

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

1 Piyeer 1:2

Roog Faap fee kaa jil a nuun, yaam kaa yuuɓ’un no mberaand naa, ndax nu kesel na pexey Yiif Tedu le, nanan a Yeesu Kiristaa, soo nqoolandtel fo’oy le ten. Yaasam yirmande fa jam a mayƭandel took nuun!

1Saŋ 3:24

Oxuu na gayaa kebil ke ten, na Roog a genu, too Roog itam a gena no ten. Mene i anditkaa yee Roog a gena na in: A ci’a a in Yiif le ten.

1Saŋ 4:12

O leng mosee o ga a Roog. Boo i mbexirna a ndeer in, Roog kaa genaa na in, soo o mbeq um a fadnoor na in.

1Saŋ 4:16

In o mat, i anda ne Roog a fexitna a in, too i ngimaan. Roog o mbeq oo. Oxe genna no mbeq, na Roog a genu, too Roog itam, no ten a genu.