Filip 1:6 - NQAARIIT NE ROOG

⁶ A wooraxam ee oxe ferna na nuun paax keene, xan a fadnin boo na bes faa Kiristaa Yeesu a nomtooxiidkaa.

Filip 1:6 Iomraidhean Croise

A kim a tedu ke 138:8

O Yaal oxe xan a fadnanaam ke ta geekanaxama. O Yaal oxe, wo fee o mbeq of a maadaa boo faw, ba o xuuf calel ke xa ƥay of a sumbna.

YEGIL MBAAX NE YEESU ne Saŋ a bindtuuna 6:29

Maaga, Yeesu a doona a den ee: «A pi ale Roog a bugna refu yee nu ngim no xe ta luliidna.»

A pi ake 11:18

Ye da nanna kaaga, a naangayo cel, a simataa a Roog, a lay ee: «Yaaga boog, Roog kaa ci we ndefeerna Yaawuur, da mbes pakaad den a cinj, ndax da njeg o ñoow ole.»

A pi ake 16:14

Ndeer rew waaga koy, a jeg’a oxaa ne’eena Lidi, a ref o ciijikax daalde. Na teeru faa Tiyatiir a inoor’u. Kaa saɗar’u a Roog, too a nan-gilooxooga a in. O Yaal oxe a weta yiif um, ndax ta jaɓ ke Pool a layoogna.

1 Korint 1:8

A woora yee xan a fap a nuun, ndax nu ñak sik na bes faa o Yaal in Yeesu Kiristaa a nomtooxiidkaa.

2 Korint 1:15

Ten taxu, kaam bug’u o eettiid me nuun, ndax nu ƭaayahin.

2 Korint 2:3

Nu nanangaa um bind a nuun o leetar oleene, kaam bug’u um fadiidangaa, jegitkiim naqad no we mbaraxama o ci o ɗaay. Jeg’aam a koolax a maak na nuun ee ke refna o ɗaay es refu o ɗaay nuun, nuun fop.

2 Korint 7:16

Mexe felakinooxaa, ne andoona yee no kuu refna, waagaam o geƈnoox na nuun.

2 Korint 9:4

Kaam xof yaam ndik Maamakedoni a yooniid fa mi me nuun, too a soƥ waaj nuun ɓelee, soo fakax felaan leene a suptoox gaci na in, yaam ne’katiim sax fee na nuun.

Galati 5:10

A wooraxam ee no Yaal oxe nu njegkee a qalaat a lakas akaa njektirna fo we nu eetna o njeg. Kaa koy, oxe na jom’andaa a nuun, oxuu ta waagna waag o ref, xan Roog a xawin.

Efees 4:12

Kaa fi’it neene, ndax ta jagand we mbogna na xeet fee Roog, da mbadin calel ke gimu we a ndoxondeena, a njokaa cer ke Kiristaa kam o ngim onqe.

Filip 1:10

ndax nu mbaag o njekit ke moƴna. Yaaga xan nu njeg o ñoow o xoolu, ñak ƥanjel boo na bes faa Kiristaa a nomtooxiidkaa.

Filip 1:29

yaam kaa nu ndaawnel yirmande, ndax nu ngim na Kiristaa. Refee koy soom ee nu ngim no ten, ndaa nu coono yaam ten itam,

Filip 2:12

Fog es we fexuuma, naa nu moofu kaa nu nananaam. Ten taxu, kaa nu mbar o ƭofit o ñoow nuun no ngim a duuf, nu ngebooxin fo a qalaat fo o saɗar a Roog. Keene koy, baa ref soom yaa nu mbaagaxama o ndoon a ngid. Kaa nu mbar o moƴ o njofnoox teen ndiiki fee goƭuuma a nuun,

Filip 2:13

yaam Roog na sakaa na nuun a posax fo a pi ne ta bugtuuna, too paax oo.

Filip 2:16

nu ƥisaa a den fa lay fee na ci’taa o ñoow. Yaaga, na bes faa Kiristaa a nomtooxiidkaa, xam waag o fakoox yaam nuun, and ee ke ƴufanooguuma fe’ee a koƥ, den fo calel es.

Kolos 2:12

Yaam ne nu uupeena fo ten na batiise fee, nu nqontooxa fo ten na pexey o ngim onqe nu ngimna na Roog fee xontooxnoortuuna katil um a ndeer no xon we.

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

2 Tesalonik 1:11

Ten taxu i ngen no nqeɗanaa a nuun, ndax o xoy ole Roog fee in jombkee a nuun. Yaasam ta ci a nuun doole faa nu mbaagna o mbadnit paax ke nu nqalaataa fop fo calel ke no ngim onqe nu njegna.

2 Tesalonik 3:4

In o mat, i njega na nuun a koolax no Yaal oxe yee kaa nu mbi’aa ke i ngebilna a nuun, too xan nu suur teen.

Filemon 1:21

Keene fop koy, o yaakaarong soom taxu um bindang o ten, yaam andaam ee xan o fi ke xeɗoonga boo fi kaa hupatinuuna sax.

Hebre 10:35

Ba nu ndeɓ a cinj boog njambaar ne nu njegna. A jega ndabid maak naa ta geekaneena.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

2 Piyeer 3:10

Bes fee no Yaal oxe xan a gar nen o kuuɗ oxaa na ɓeedaa. Na bes feene, xan asamaan fee a ñuf, a yoon fo fangax maak. Ke Roog a fokatna fop, xan a sooynel na fiɗel fa saasu, too lanq ke fo ke refna teen fop, xan a yaqel.