Filip 1:12 - NQAARIIT NE ROOG

¹² Fog es, kaam bug nu and ee ke dalaxama fop kaa tax Yegil mbaax ne a moƴ o joot.

Filip 1:12 Iomraidhean Croise

Esteer 9:1

Ñaal xarɓaxay fo ñaal ndadkandeer ne no nqool xarɓaxay fo nqool o ƭikandeer onqe refna ref o nqool Adaar, a fadiida. No ñaal neene wargal fee no maad oxe a war’e o fadin, too we sib’ina Yaawuur we a yaakaarooga o maaf a den. Kaa koy, a suptax a jega boo Yaawuur we a maafat a den.

A kim a tedu ke 76:10

ye Roog a inooxna ndax ta hate soo a mucil fop we neewandeena no lanq ke. A maaf

A sutax ale 18:11

Ndiiki koy, andataam ee o Yaal oxe moƴu magin roog ke fop, yaam o ɓay um a dala took Miimisira we ye da toroxandaa Ii-isra’el we.»

YEGIL MBAAX NE YEESU ne Lik a bindtuuna 21:13

Xan keene fop a dal a nuun, ndax nu mbaagaam o seede’an.

A pi ake 8:4

We pictoox’ina koy a mbidooga saax laa fop ndeer o mbiñ fo mbiñ, a yegnitaa Yegil mbaax ne.

O leetar ole Pool a bindna GIMU WE NGENNA ROM 8:28

I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

O leetar ole Pool a bindna GIMU WE NGENNA ROM 8:37

No keene fop koy, in mbaagu meen na pexey doole Kiristaa fee fexna a in.

Filip 1:5

yaam ga ne nu ndenditna fa mi, nqayandaa Yegil mbaax ne. Keene koy, oxaa xotta no ñaal mberaand naa nu ngimna boo ndiik.

Filip 1:7

Xalaat es na nuun fop, nuun we mbogna na yirmande fee daawuuma, keene cofu yoo, yaam kaa nu ndef no xeeñ es, ta ref um ɓekel kaso mbaat yaa um xoxtaa, saƭkandaa Yegil mbaax ne.

Filip 2:22

Nu anda yee Timote a ɗeetloox’e ye ta rokaa no waare’ik Yegil mbaax ne fa mi, a bug o jal fa mi, ne o ƥiy a jaltaa fa faap um.

Filip 4:15

Nuun Fiifilip we, nu anda sax tigi yee, ye Yegil mbaax ne a sogeena o waare boo um ret Makedoni, mbokatax no gimu leng sax cooxiraam ƭaxir soxla, a refangee ne nuun.

Filip 4:3

Wo itam, wo fee o yoon es o kore’u xe, koo dimle’i rew weene, yaam kaa ngomrel bo, nen a mi yaam Yegil mbaax ne, fa Kelemaa fo lakas we um yoontaa no calel ke, too a kon den a mbindel no safe le no ñoow ole.

1 Timote 2:8

Yaaga boog, kaam bug boo goor we a nqeɗaa muu da ndefna ndef, da ndekaa xa ƥay xa qoolu, too a mbaas fuux fo a qalaat a paaxeer.

2 Timote 2:9

Yegil mbaax neene taxu um coono’aa boo jengel neeke nen a saasaay. Kaa koy fa lay fee Roog jengaand.

2 Timote 4:17

O Yaal oxe rek fartaxam, a dif’aam, a muclaam no njogoy ne, ndax waare fee a fadnoorit na mi, we ndefeerna Yaawuur fop a nanin.