Filip 1:10 - NQAARIIT NE ROOG

¹⁰ ndax nu mbaag o njekit ke moƴna. Yaaga xan nu njeg o ñoow o xoolu, ñak ƥanjel boo na bes faa Kiristaa a nomtooxiidkaa.

Filip 1:10 Iomraidhean Croise

Mberaand 20:5

Ye Abraham a layaxama yee Saara o cigeen um oo, Saara yoo yee Abraham o camin um oo, nam waagum o andit ee o kor fo o teem oo? Ke fi’uuma kañ, xalaat fa mbaaxeer gartiran.»

Ke bindeena no xe ne’eena YOB 12:11

«Ndax refee yee nof na jaqtirandaa fa lay, ne o ɗanqarlam a anddirandtaa a safaand ñaamel?

Ke bindeena no xe ne’eena YOB 34:3

Nof na jaqtirandaa fa lay, o ɗanqarlam a anddirandaa a safaand ñaamel.

Mise 3:2

Kaa koy, kaa nu sib paax ke, soo mbex paaxeer. Kaa nu ƭoltaa ƭool no kiin, listit cer ke na xa kiiƈ axe.

Mace 16:23

Kaa koy, Yeesu a geleerooxa, soo a layin ee: «Saytaane, riƈatooxaam! Kaa o bugaam o tolofnoor, yaam a qalaat of mbogree fo a qalaat Roog, a qalaat no kiin oo.»

Mace 26:33

Piyeer a doonaan ee: «Lakas we fop a mbesangaang a cinj sax, mi fa xoox es feskiroong a cinj muk.»

YEGIL MBAAX NE YEESU ne Saŋ a bindtuuna 1:47

Yaa Yeesu a ga’na a Natana’el a garaa me ten, a laya kaa jofna no ten ee: «Kene refu o Ii-isra’el tigi, mbi’akaan leng refee no ten.»

YEGIL MBAAX NE YEESU ne Saŋ a bindtuuna 3:20

Oxuu refna a anda yee oxaa na fi’aa paaxeer bugee maa xoolna, too kaa laqtooxaa a qoolaand ale, yaam ndik a pi um a nguytoox.

A pi ake 24:16

Ten taxu mi itam oo, um jeemaa kili o jeg yiif dalu laa jegeerna ƥanjel mbaambir Roog fo mbaambir no wiin we.

O leetar ole Pool a bindna GIMU WE NGENNA ROM 12:2

Ba nu nandandoor we na ndeefaa o mbaax onqe na adna feeke. Njaɓyo boog Roog a supit a yiif nuun, ndax nu mbaag o njeg a qalaat a qas boo nu and ke Roog a bugna, ta ref fop ke faaxna fo ke felna fo ke ñakna sik.

O leetar ole Pool a bindna GIMU WE NGENNA ROM 12:9

O mbeq waree o jeg luq-luq fa leng. Fat nu mbañ ke faaxeerna, soo saaƭoox no fop ke faaxna.

O leetar ole Pool a bindna GIMU WE NGENNA ROM 16:17

Fog we, kaam xeɗaa a nuun nu mbootoox we na sakaa fo mbokatax fo sayooxu. Kaa mo’nooraa gimu we, yaam kaa mbañ faƥit a cangin ale nu ndaawneena. Fat nu ngoƭaa a den.

O leetar ole Pool a bindna GIMU WE NGENNA ROM 2:18

andaa o bug um, wo fee jangitna no kebil ke, boo waag o jaqit ke faaxna.

O leetar ole Pool a bindna GIMU WE NGENNA ROM 7:16

A soƥangaa yee ke bugeeruuma um fi’aa, yaaga jaɓaam ee kebil ke a mbaaxa.

O leetar ole Pool a bindna GIMU WE NGENNA ROM 7:22

Kaam jegtaa o ɗaay no kebil ke Roog kam ee kam es.

O leetar ole Pool a bindna GIMU WE NGENNA ROM 8:7

We na topatooxaa ke cer ke a mbugna, fañ Roog a ndefu, yaam cer den kaa mbañ o nanan kebil ke Roog, kaa mbaagiran a mbaag sax.

1 Korint 1:8

A woora yee xan a fap a nuun, ndax nu ñak sik na bes faa o Yaal in Yeesu Kiristaa a nomtooxiidkaa.

1 Korint 10:32

Ba nu ndef a panq no Yaawuur we mbaat no we ndefeerna Yaawuur mbaat no tedu we Roog.

1 Korint 8:13

Keene o mat taxu boo andoona yee kaa ñaamel ke reeruuma a nar o ndef a panq na caf no kimu lakas, ñaamkiim no roon olaaga muk, yaam ndik ta fes o ngim onqe a cinj.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.

2 Korint 6:3

I mbugee dara kaa tolofnoorna o kiin, no kuu ta waagna waag o ref, yaam ndik Yegil mbaax ne a ref na in ŋañel.

2 Korint 8:8

Refee yee kebil um cooxaa a nuun, ndaa kaam lalaa a nuun o jaflax ole lakas we a njegna, ndax o mbeq o ndiindigil onqe nuun a waag o ɗeetaqinel.

Galati 5:11

Fog es, boo maaduuma o waare’aa yee o kiin a wara o xucel, soo a sogkaa o jeg a muc, yaaga xar taxu um ñagadileel boog, yaam a reeƭit’angaa neene, ke um waare’aa na Kiristaa fee rengeena na kurwaa feƭarkoogatee wiin we?

Efees 4:15

Kaa koy, boo i layaa ndigil ne fo o mbeq, xan i maak no kuu ta refna ref farna fa Kiristaa refna xoox le.

Efees 5:10

Ngoorgoorlooxyo o njekit ke felna o Yaal oxe.

Efees 5:27

yaam kaa bug’u o feeñil mbaambir um o fog ole no gimu we kam o mosel um fop, a bug ta xool, a ñak sik, too jegkee gak leng.

Efees 6:24

Yaasam yirmande fee Roog a ref fo fop we mbexna o Yaal in Yeesu Kiristaa o mbeq o saƭku.

Filip 1:16

Weene, o mbeq a mbi’tan, yaam a and ee xoxtaa Yegil mbaax ne taxu um doonel meen.

Filip 1:6

A wooraxam ee oxe ferna na nuun paax keene, xan a fadnin boo na bes faa Kiristaa Yeesu a nomtooxiidkaa.

Filip 2:16

nu ƥisaa a den fa lay fee na ci’taa o ñoow. Yaaga, na bes faa Kiristaa a nomtooxiidkaa, xam waag o fakoox yaam nuun, and ee ke ƴufanooguuma fe’ee a koƥ, den fo calel es.

1 Tesalonik 3:13

Yaasam ta saƭkand a qeeñ nuun kam o tedel o jegee ŋañel leng paam Roog Faap in, boo yaa o Yaal in Yeesu a garkaa, a yoon fo tedu we ten fop.

1 Tesalonik 5:21

ndaa naangyo o ngorooxaa tig oo tig, ngeek paax ke,

1 Tesalonik 5:23

Yaasam Roog fee na ci’taa jam, a mayƭand a nuun fo o tedel. Yaasam ngiin nuun fop: Yiif nuun fo o laaw nuun fo cer nuun a ñak sik, boo yaa o Yaal in Yeesu Kiristaa a nomtooxiidkaa.

Yosuwe 24:14

Ndiiki koy, saɗaryo o Yaal oxe too mbaɗooxin fo o ñak sik fo ngor. Mbatinyo roog ke daan nuun a mbaɗooxoogna, ye da ndefaa kaltaa Ofrat fo no saax laa Misira, soo mbaɗoox o Yaal oxe doŋ.

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

Mbeeñil 2:2

Kaa tee: Andaam a pi of fop fo calel ƭomu of fo o saƭkel ole jegoona. Andaam itam ee waagiro o fi’ir fo hañaan we, yaam ɗeetlooxaa we na layooxaa apootar, too ndefiran, boo ga ee maamaaɓ a ndefu.