Filemon 1:9 - NQAARIIT NE ROOG

⁹ ndaa ke moƴanaxama koy, um xeɗong no mbeq. Mi Pool, ke refuuma ref o nogoy fop oo, soo doon teen ref oxaa jengeena yaam Kiristaa Yeesu,

Filemon 1:9 Iomraidhean Croise

A kim a tedu ke 71:18

Wo Roog, ba o xaƴaam, yaa nogoyuuma soo fuum. Yaaga xam waag o yegin suk ke na ngaraa doole of, we na ndeefkaxam, um yegin a den katil of.

A kim a tedu ke 71:9

Ba o xaƴaam, yaa nogoyuuma, ba o waasaam, yaa doole es a fagna.

Xa peƭit axe 16:31

Xa puum kaa ndef o ndip o niwel, a njegteel na ƭat ale no cofel ole.

Esayi 46:4

O leng kut oxe um refkaa ref boo yaa nu nogoykaa. Xam damtaa a nuun boo yaa nu mbuumkaa taw. Ne fi’tanuuma, xam maad o yoɗaa a nuun, gadoox a nuun soo mucil a nuun.

O leetar ole Pool a bindna GIMU WE NGENNA ROM 12:1

Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

2 Korint 5:20

In ndefu we Kiristaa a lulna, soo ta nand nen Roog fa xoox um na layaa fa nuun na pexey in. In we nqeɗaa a nuun no gon Kiristaa nu njaɓ o njofoorandel fa Roog.

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.

Efees 3:1

Ten taxu, mi Pool fee Kiristaa a taxna um wegel kaso yaam nuun, kaam gen no xeɗanaa a nuun a Roog, nuun we ndefeerna Yaawuur.

Efees 4:1

Mi fee dameena kaso yaam Kiristaa, mexe maƭooxaa a nuun boog, ndax nu ñoowit ne Roog a bugtuuna no xoy o jegu njiriiñ ole ta xoyna a nuun.

Efees 6:20

Kaam ref oxaa Roog a lulna, ndax um yegnitaa Yegil mbaax neene, taxna um jengel ndiiki. Nqeɗyo boog, ndax Roog a ci’aam njambaar naa um layantan ne waranuuma o layit.

1 Timote 1:12

Kaam gidmaa oxe dif’axama, ta ref Kiristaa Yeesu fee o Yaal in, yaam ne ta ɗeetaxama nen o kore’u, soo a ɓekaam no calel um,

Tiit 2:2

Jangni a koorgi ke da ƥuuɓ, a njar o niwel, a mbod na pi den, a saq o ngim o nqoolu, a njeg o mbeq, a ndef wiin muñu.

Hebre 13:19

Mi fa xoox es koy, kaam bug nu nqeɗanaam ndax Roog a ci’aam o wooƥ olaa taxna um ñof o nomtooxiid paam nuun.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

Haahate we 21:22

Paap den mbaat jamin den a ƭomatooxiidangaa me in, xan i lay a den ee: ‹Yirimyo a den, yaam i mbaaƭan’ee oxuu refna o tew ye fa xire fee. Refee yee nuun ci’u a den xa ƥiy xa tew axe nuun, yaam a reeƭangaa neen, nuun tooñkoogu.› »