Filemon 1:19 - NQAARIIT NE ROOG

¹⁹ O ɓay es o mat um bindtang xa ƭelem axene: «Mi Pool o mat layun, too xam rabdin.» Mi o mat oo, waag’aaxong o lay ee saqanaxamo haq, ta ref o ñoow of.

Filemon 1:19 Iomraidhean Croise

Mberaand 43:9

Mi fa xoox es na gadooxkan, too um nomtiidangirang o ten fat o seraam o ten.

O leetar ole Pool a bindna GIMU WE NGENNA ROM 16:22

Mi Tertiyus fee bindanna a Pool o leetar oleeke, mexe lultaa a nuun simin es no gon no Yaal oxe itam.

1 Korint 4:15

Nu mbaaga o njeg ɗooɗox juni na Kiristaa, ndaa paap ke mbaagee o mbad ƭik, yaam mi ɓisiidu a nuun o ñoow ole na Kiristaa Yeesu ye yegnuuma a nuun Yegil mbaax ne.

2 Korint 10:1

Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.

2 Korint 3:2

Nuun o mat ndefu o leetar in ole bindeena na qeeñ in, wiin we fop a mbaagna o and, a njangin.

2 Korint 9:4

Kaam xof yaam ndik Maamakedoni a yooniid fa mi me nuun, too a soƥ waaj nuun ɓelee, soo fakax felaan leene a suptoox gaci na in, yaam ne’katiim sax fee na nuun.

Galati 5:2

Mi Pool, mexe layaa a nuun ee boo nu ndeefna kebil ne layna yee oxuu refna a wara xucoox yaam Roog, Kiristaa ɗaxkee a nuun dara.

Galati 6:11

Nu nga’a ne a pind ake no leetar ole bindtuuma a nuun o ɓay es a magnitna.

1 Timote 1:2

Timote, mexe bindang, wo fee o ƥees ŋaƈit no ngim onqe. Yaasam Roog Faap fee fo o Yaal in Kiristaa Yeesu a ci’ong yirmande fa jam, too a njeg o liir na wo.

Tiit 1:4

Wo Tiit, wo um bindaa o leetar oleeke, wo fee o ƥees ŋaƈit no ngim onqe. Yaasam Roog Faap fee fa Kiristaa Yeesu o Muumucil in a ci’ong yirmande fa jam!

Filemon 1:18

A soƥangaa koy ee kaa tooñong mbaat ta saqanong tig, fat a ref o lad es.