Filemon 1:14 - NQAARIIT NE ROOG

¹⁴ Kaa koy, bug’iim o fi tus, too yooniro teen. Bugiroong o ser o fi’anaam paax, a refangee kaa felong.

Filemon 1:14 Iomraidhean Croise

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

A kim a tedu ke 110:3

Wo ngelwaar a helu naa rimee took xa coong xa tedu xe, o sutoor no mbuyukuun ne nen liim, ye rimoonga.

1 Korint 9:17

Um naagangaa o fi’an fo o fud o letu, xam jeg ndabid es, ndaa boo andoona yee a fel feƭar um fi’in, o sas a refkataa, nen suf naa Roog a gadnaxama.

1 Korint 9:7

No xiixire we, an na inooxaa, a ñoowaa no njiba um? An mosu o duuf a ƭing biiñ, too moɗee na xa tim axe? Nu mosa o nga o kaynaak oxaa xañteena a qaf fo sis no naak ke ta gayaa?

2 Korint 1:24

I mbaaƭee maa i sepitna a nuun ke nu mbarna o ngim, yaam kam o ngim onqe sax nu sinje. Ke i mbugna refu i ndimle a nuun ndax nu njeg o ɗaay.

2 Korint 8:12

Yaam boo hebooxoona o ci’it, yaaga xan Roog a jaɓ ke ci’toona no ke jegoona, soo a fañ o ɓaal ke jegeeroona.

2 Korint 9:5

Kaam bug’u boog o xeɗoox fog we, da adooxiidaam me nuun, soo a topatoox ci’it ne nu ndegit’ina yaaga, ndax refkee na nuun ci’it no kiin o batu ndaa fo o fud o letu.

2 Korint 9:7

Fat oxuu refna a ci’it ke dalna no xeeñ um, too baa ref fo a tagid a ŋooɓu, baa ref itam fo a yiif-a-ƭak, yaam oxe na ci’taa fo o ɗaay soom Roog a bugu.