Filemon 1:10 - NQAARIIT NE ROOG

¹⁰ mexe xeɗooxanang a Onesiim. O ƥees oo na Kiristaa, yaam meeke kam kaso fee, faap um refatum no ngim onqe.

Filemon 1:10 Iomraidhean Croise

2 Sami’el 18:5

O maad oxe a maƭooxa a Yowab fa Abisay fa Itay ee: «Fat nu mbi o ndang boo ba nu ngaañ a Absalom fee o ƥees!» Xiixire waa fop a nan’a ye ta maƭooxaa aa-adax we keene.

Mark 9:17

O leng no faan laa a doonaan ee: «O Caajangin oxe, kaam ɓisiidong o ƥees onqaa jini a damna, soo a yaqanan ta lay.

O leetar ole Pool a bindna GIMU WE NGENNA ROM 12:1

Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

1 Korint 4:14

Bindaa kene koy, refee waaƭaa gaci nuun. Kaam maƭooxaa a nuun soom, yaam nu ndefa ndef xa ƥees axe fexuuma.

1 Korint 4:15

Nu mbaaga o njeg ɗooɗox juni na Kiristaa, ndaa paap ke mbaagee o mbad ƭik, yaam mi ɓisiidu a nuun o ñoow ole na Kiristaa Yeesu ye yegnuuma a nuun Yegil mbaax ne.

Galati 4:19

Xa ƥees, xam dak o yegaa coono nen xa ƭomel gaaj yaam nuun, boo yaa nu nandkaa fa Kiristaa.

Kolos 4:9

Kaam lulin, ta nar o yooniid fa Onesiim, o pog in o kore’u xe xeeñ in a damooxna lool, nu mbogitna xeet. Xan a lay a nuun fop ke refna meeke.

1 Timote 1:2

Timote, mexe bindang, wo fee o ƥees ŋaƈit no ngim onqe. Yaasam Roog Faap fee fo o Yaal in Kiristaa Yeesu a ci’ong yirmande fa jam, too a njeg o liir na wo.

Tiit 1:4

Wo Tiit, wo um bindaa o leetar oleeke, wo fee o ƥees ŋaƈit no ngim onqe. Yaasam Roog Faap fee fa Kiristaa Yeesu o Muumucil in a ci’ong yirmande fa jam!

Filemon 1:11

Andaa yee yaaga, jegan’irang o njiriiñ, ndaa ndiiki a jegata o njiriiñ na mi fo na wo.

Filemon 1:13

Bug’aanum o geek paam es, ta yungataxam kam kaso fee ɓekeema yaam Yegil mbaax ne, ndax ta fodanaam na seek of.

3Saŋ 1:4

Dara moƴiraam o fel o nanel ee xa ƥees no ndigil ne a ñaaƴaa.