Efees 4:4 - NQAARIIT NE ROOG

⁴ Njer leng kut jegu fo Yiif Tedu leng kut. Neene nu nqoyte no yaakaar leng kut itam na pexey o xoy ole nuun.

Efees 4:4 Iomraidhean Croise

A kim a tedu ke 122:8

Yaam fog es fo qaariit es xam lay boog ee: «Yaasam o jeg jam!»

Yeremi 14:8

Wo fee refna yaakaar Isra’el, o Muumucil um yaa fa naqad fee, xar taxu o ref nen o kenar kam saax le, nen o ñaañaaƴ oxaa ɗapiidna, ndax ta fe doŋ?

Yeremi 17:7

Kaa koy, o koor oxe hoolooxna o Yaal oxe too a doxnoox no ten, a barke’e.

Mace 28:19

Ndetyo mbi’ik qeet ke fop daalbe. Mbatiise’yo a den no gon le na Faap fee fo Ƥeenqe fo Yiif Tedu le,

A pi ake 15:11

Yaag oo toox de, ne i ngimitna yee na yirmande fee no Yaal oxe Yeesu i muctu, neene a muctu den itam.»

O leetar ole Pool a bindna GIMU WE NGENNA ROM 11:29

yaam Roog refee ci’it a jaɓ, too ricooxkee o xoy ole ten.

1 Korint 10:17

In we na nqaajraa mbuuru ne, i maya, ndaa ne mbuuru ne a refna leng, in itam o leng i ndefu.

1 Korint 12:20

Mee ndax a seek a mayu mbokatooru, a ndef njer leng kut.

2 Korint 11:4

Yaam o kiin a garangaa, a waare’aa a nuun a Yeesu fa lakas faa refeerna fee i mbaare’na mbaat ta soƥ ee kaa nu ndaaw yiif lakas laa fogreerna fo le nu ndaawna mbaat yegil mbaax lakas naa refeerna ne nu ndaawna, kaa nu njaɓanan a paax.

Efees 1:18

Yaasam ta xooland a qeeñ nuun, ndax nu and yaakaar ne taxna Roog a xoy a nuun, and itam ke refna halal fee no paax cegee sik ke ta geekanna we mbogna no ten.

Efees 2:16

Na pexey fa nqon um took a kurwaa le, Kiristaa a ñufa mbuuxoor ƭomu neene. Na pexey a kurwaa le ten a fokata xa kurcala xa ƭaq axeene, da ndefat njer leng kut, soo a jofooratin a den fa Roog.

Efees 2:18

Yaaga boog, na pexey Kiristaa, in fop, o Yaawuur fo o tefee o Yaawuur, i mbaaga o ngeenoox mbaambir Roog Faap fee na pexey Yiif leng kut le.

Efees 2:22

No ten, nu mboga nuun itam, no we tabaxeena, ndax nu ndefat ngenand Roog na pexey Yiif le ten.

Efees 4:1

Mi fee dameena kaso yaam Kiristaa, mexe maƭooxaa a nuun boog, ndax nu ñoowit ne Roog a bugtuuna no xoy o jegu njiriiñ ole ta xoyna a nuun.

Efees 5:30

Kaa refee yee in ndefu a seek ake no cer ke ten!

Kolos 1:5

O nanangaan koy, kaa nu kesanel yaakaar na asamaan, fa lay fee no ndigil ne refna ref fee no Yegil mbaax ne a andnin a nuun.

Kolos 3:15

Fat jam fee Kiristaa, nu nqoyteena, ndefik njer leng, a gar na qeeñ nuun, nu njeg o ngidim.

2 Tesalonik 2:16

O Yaal in Yeesu Kiristaa fa Roog Faap in fee fexna fex a in, a ci’a a in na pexey yirmande um yaaloor boo faw fo yaakaar mbaax.

1 Timote 1:1

Mi Pool, kaam ref apootar Kiristaa Yeesu ne Roog fee o Muumucil in fa Kiristaa Yeesu fee refna yaakaar in a ngeblituuna.

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

Tiit 2:13

yaa i cungaa ke i yaakaaraa, ta ref yaa o ndam onqe na Roog fa maak fee fo o Muumucil in Yeesu Kiristaa a feeñkaa.

Tiit 3:7

ndax ne i njofandteena yirmande um, i mbaag o lam o ñoow o fagkeer ole i yaakaaraa.

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

1Saŋ 3:3

Ten taxu, oxuu jegna yaakaar neene no ten, kaa xoolandooxaa ne ta xoolitna ten fa xoox um.