Efees 4:2 - NQAARIIT NE ROOG

² Neewandooxyo, ƥuuɓ, njeg o muñ, kaam ee ngatliryo fo o mbeq.

Efees 4:2 Iomraidhean Croise

A kim a tedu ke 138:6

O Yaal oxe xaay took-ee-took, ndaa yaqanee ta ga’aa oxe xeefeena soo a andditaa koƭu oxe magnandooxna.

A kim a tedu ke 45:4

Wo fee o qir o say, humooxi laƥ of no saax, meleƈ of fo a qoolaand of.

Xa peƭit axe 16:19

Lasraa o njangal fo magnandooxu we, neewandoox fo rool we moƴun.

Xa peƭit axe 3:34

Kaa xaadnooxaa xaaxaadnax we, ndaa kaa yirmaa neewandooxu we.

O baawaare xe 7:8

O ƴutand tig moƴu o sogan o fer, jeg o muñ a moƴ a magnandax.

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

Sofoni 2:3

Mbaaƭyo o Yaal oxe, nuun neewandooxu we no saax le fop, nuun we na ndeefaa kebil ke ten. Mbaaƭyo o cofel, ngen na neewandax, yaaga xeƈa xan nu mbuusel, yaa fuux le no Yaal oxe a biltooxkaa.

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

A lim ale 12:3

Moyiis koy, o koor o neewandooxu tigi a reeƭu, a moƴ o neewandoox oxuu ta waagna o ref took lanq ke.

Mace 11:29

Ngadooxyo kadoor ke cooxuuma a nuun, too njangit na mi, yaam kaam ɓuuɓ, too xeeñ es magnandooxee. Nu mbi’angaan, xan xa laaw nuun a ñootnoox.

Mark 9:19

Yeesu a laya a den ee: «Xeet fa ngimaƭaru! Kaam refkaa fa nuun boo a mban? Kaam ee kaam gadooxkaa a nuun boo a mban? Ƥisiidaamoo o ten!»

A pi ake 20:19

Kaam faɗooxoogu o Yaal oxe kam a neewandax fo kam xa kooniit fo kam naqad yaam yuuƥ ke Yaawuur we a mbexeyooganaxama.

O leetar ole Pool a bindna GIMU WE NGENNA ROM 15:1

In we o ngim in a saƭikna, i mbara o meeɓaa we neewna doole no ngim onqe, mbañ o mbaaƭ ke faaxna na in soom.

1 Korint 13:7

Kaa waasantaa fop, a gim fop, a yaakaar fop, a muñ fop.

Galati 6:2

Ba nu ñak o ndoxondooxanraa toq ke nuun. Nu mbi’angaan, xan nu ndeef ke Kiristaa a hebilna.

Efees 1:4

Na Kiristaa Roog kaa jil a in, yaaga sakafulee adna fee, ndax i ted too ñak sik mbaambir um. Kam o mbeq um,

Kolos 1:11

Kaa i nqeɗaa itam doole um fee jegna o ndam a fap a nuun o saax oo saax, ndax nu mbaag o saƭik too njeg o muñ,

1 Timote 6:11

Wo o mat, wo fee refna o kiin Roog, ƴufi keene. Waaƭki maa o cofel a farna, ten fo o reef a Roog fo o ngim fo o mbeq fo o muñ fo o ɓuuɓ.

2 Timote 2:25

We ta fiŋqooraa, kaa war o lalaa a den a ƭat fo o muñ o maak, too a yaakaar ee xan Roog a fi da ƥek a yiif den na adna, a andnoor a den ndigil ne.

Saak 1:21

Ten taxu, mbaasyo paaxeer ke ndefna kam a qeeñ nuun fop, mbootoox bakaad. Fat nu neewandoox paam Roog, ndax nu njaɓ fa lay fee duufeena na qeeñ nuun. Fa lay feene waagu o mucil xa laaw nuun.

1 Piyeer 3:15

Kaa koy, niwyo a Kiristaa kam a qeeñ nuun nen o Yaal nuun. Njagandooxyo kili, ndax nu mbaag o ndoonaa a paax oxuu laamitna a nuun ke taxna yaakaar neene a ref na nuun.

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.