Efees 3:4 - NQAARIIT NE ROOG

⁴ Boo nu njangaa a den, xan nu mbaag o ngoroox o and ole jeguuma na kunpa fee Kiristaa.

Efees 3:4 Iomraidhean Croise

Mace 13:11

Yeesu a doona a den ee: «Kaa nu ci’el o and kunpa ke no Maat ne na asamaan, ndaa den o mat ci’aand o ten.

YEGIL MBAAX NE YEESU ne Lik a bindtuuna 8:10

Yeesu a doona a den ee: «Kaa nu ci’el o and kunpa ke no Maat ne Roog, ndaa no lakas we o mat, kaa war o fi’tel a naxax. ‹Neene, a naangangaa o ƭeetaa, nga’kee, too a naangangaa o nanaa, andkee.› »

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

1 Korint 4:1

A soƥangaa yee neene tige a saxtu koy, kaa nu mbar o ƭeet a in nen dag Kiristaa waa ndoxneena o ndaawnaa lakas we kunpa ke ndefna na Roog.

2 Korint 11:6

Xeƈa a waaga o ref no fel-o-ɗek, ndaa refee muk no and, too i mbeeñlaan a nuun muu ta waagna waag o ref fo no kuu refna.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

Efees 3:3

Roog kaa feeñlaam o ten, ndax ta andnooraam kunpa fee ten. Bindaam took fee xa ƭelem xa leng-leng no kaa farna no keene.

Efees 3:9

A ci’axam itam, ndax um xoolandan wiin we fop, da and ne kunpa fee Roog a wareena o feeñlit. Roog oxe sakna fop, kaa bug’u o ɗasin yuuƥ neene, yaaga boo fa ndiik.

Efees 5:32

Keene ndigil kunpa’u yoo naa jegna o njiriiñ, too a feeñlel kam a pind akeene. Na las es koy, ga’aam ee leng kut oo a ndeer Kiristaa fo o fog ole no gimu we.

Efees 6:19

Nqeɗanaamoo itam, ndax a mbanuu haƥatuuma bug o lay, um jeg kaa layuuma, boo waag o andnoor kunpa ke no Yegil mbaax ne fo njambaar.

Kolos 1:26

Keene refu kunpa fee refna naa adna ferooxu, too a feeñlel tedu we ndiiki.

Kolos 2:2

ndax da mbaag o njeg yaaloor, o mbeq a fokat a den, da mbapoor yiif o andik kunpa Roog, ta ref Kiristaa.

Kolos 4:3

Nqeɗanyo a in itam, ndax Roog a waag o ci a in o gom no calel ke. Neene, xam waag o yegnitaa kunpa fee Kiristaa taxna um jengel,

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

1 Timote 3:9

Fo yiif jeejooxeer dara, kaa mbar o ndamoox no ngim onqe da mbeeñleena.