Efees 3:2 - NQAARIIT NE ROOG

² Andaam ee nu nana yirmande fee Roog a ci’axama, ndax um daawin a nuun yuuƥ ke ten.

Efees 3:2 Iomraidhean Croise

A pi ake 13:2

Bes, ye da ƥoxotaa a Roog o ndam, too a ngooraa, Yiif Tedu le a laya a den ee: «Kesanaamoo a Barnabaas fa Sool, ndax da mbadin calel ke taxna um xoy a den.»

A pi ake 13:46

Maaga, Pool fa Barnabaas a laya a den a qool qac ee: «Nuun o mat fa lay fee Roog a war’e eet o waare. Kaa koy, ne nu mbañuuna, nu ngate’ana a qoox nuun ee o ñoow o fagkeer ole a jomba a nuun. Ten taxu in we ndetaa farna fo we ndefeerna Yaawuur.

A pi ake 22:21

Maaga, o Yaal oxe a layaxam ee: ‹Reti rek, yaam xam lulong maa goƭna, farna fo qeet ke ndefeerna Yaawuur.› »

A pi ake 9:15

Kaa koy, o Yaal oxe a layaan ee: «Inooxi rek! Yaam kaam jil o koor oxeene, too xam jiriiñoorin, ndax ta ɓis gon es mbaambir no qeet ke fo mbaambir no maad den fo mbaambir xeet fee Isra’el.

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

O leetar ole Pool a bindna GIMU WE NGENNA ROM 11:13

Mexey layan a nuun, nuun we ndefeerna Yaawuur ee: Roog kaa fi’aam o apootar, a doonaam a ndeer no we ndefeerna Yaawuur. Ten taxu um felakinooxaa no calel es,

O leetar ole Pool a bindna GIMU WE NGENNA ROM 12:3

Ne Roog a ci’axama yirmande um, mexey layaa a nuun fop ee: Ba nu yeg a qoox nuun boo muk, ndaa fat nu maandoox na qalaat nuun, oxuu refna a liiƥoor fo a las ale Roog a ci’uuna no ngim onqe.

1 Korint 4:1

A soƥangaa yee neene tige a saxtu koy, kaa nu mbar o ƭeet a in nen dag Kiristaa waa ndoxneena o ndaawnaa lakas we kunpa ke ndefna na Roog.

Galati 1:13

Nu anda a paax sax ke reeƭna jiko es na ƭat ale no Yaawuur we fo ne ñagadiltooguuma mbokatax ne no gimu we Roog, too ɗoftan o yaq.

Efees 1:10

Yuuƥ neene, Roog a fadandkaa yaa hap fee a fadna, refu ta fokat fop ke refna na asamaan fo took lanq ke, da mbog o aa-adax o leng kut, ta ref Kiristaa.

Efees 3:7

Kaam refat o caajal no Yegil mbaax ne yaam ci’it ne Roog a cooxaxama kam yirmande um na pexey doole fee na katil um.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

Efees 3:9

A ci’axam itam, ndax um xoolandan wiin we fop, da and ne kunpa fee Roog a wareena o feeñlit. Roog oxe sakna fop, kaa bug’u o ɗasin yuuƥ neene, yaaga boo fa ndiik.

Efees 4:21

A wooraxam ee nu nana Yeesu a layteel, too nu njangne ndigil ne refna no ten, nu ndefangaa kerceen kañ.

Efees 4:7

Kaa koy, oxuu refna na in a daawa a las um na yirmande fee, ne Kiristaa a xaajrandit’uuna.

Kolos 1:4

yaam kaa i layel o ngim nuun na Kiristaa Yeesu fo o mbeq onqe nu njegna no gimu we fop.

Kolos 1:6

Fa lay feene oxe na nuun, a ref itam na adna fa muum. Kaa rimaa, a maakaa. Neene a reftu refit a ndeer nuun, a xotit no ñaal naa nu eeteena o yegin yirmande Roog, andin ndigil.

1 Timote 1:11

A cangin aleene koy, kaa inoor no Yegil mbaax ne doxneema, too ta feeñlaa o ndam onqe Roog fee helna simatel.

1 Timote 1:4

Layi a den itam ee baa ŋereƥoox na nax mbaat da ñimatiraa fo njaangooƈ a ndetaa. Keene naagee o ataa dara a refangee ñimatir, too mbaagee o ngeenin calel ke na mbi’eel, ndax o ngim na Roog a jof mbaambir.

1 Timote 2:7

Ten taxu itam, um doonel o baawaare fo apootar – ndigil kak um layaa, too maaɓiim no dara – kaam doxnel o jangnaa we ndefeerna Yaawuur, ke refna o ngim fo ndigil.

2 Timote 1:11

Yegil mbaax neene koy taxu um dodel o baawaare fo apootar fo o caajangin.