Efees 3:1 - NQAARIIT NE ROOG

¹ Ten taxu, mi Pool fee Kiristaa a taxna um wegel kaso yaam nuun, kaam gen no xeɗanaa a nuun a Roog, nuun we ndefeerna Yaawuur.

Efees 3:1 Iomraidhean Croise

YEGIL MBAAX NE YEESU ne Lik a bindtuuna 21:12

Kaa koy, boo keene fop a helko fo fadaa, xan wiin we a ndoon xa ƥay den took nuun, too xan nu ñagadilel. Xan nu ngate’el kam pind a qeƭ ke, soo ƥekel kaso. Xan nu ƥisel mbaambir no maad we fo gofornoor ke yaam gon es.

A pi ake 21:33

Maaga, kelfa faa a matiida a Pool, a damin, soo a hebil ta humel fo ceen ƭik. A cinj kaaga, a laamta oxe refna Pool fo ke ta fi’na.

A pi ake 23:18

O aa-adax oxaa no xiixire teemeed waa a xota o fes ole, a ɓisin na kelfa faa, soo a layin ee: «Pool fee dameena xoyaxam. Kaa xeɗaam ndax um ɓisiidong o fes olene, yaam kaa jeg kaa ta waroonga o lay.»

A pi ake 26:29

Pool a doonaan ee: «A waaga o ref ndiiki de, a waaga o ref taa mbaambir itam. Kaa koy, kaam xeɗaa a Roog, boo refkee wo soom, ndaa weeke na nan-gilooxaxam xaye, nuun fop, nu ndefat ke refuuma, bo ta yoqaa a cengir akeeke.»

A pi ake 9:15

Kaa koy, o Yaal oxe a layaan ee: «Inooxi rek! Yaam kaam jil o koor oxeene, too xam jiriiñoorin, ndax ta ɓis gon es mbaambir no qeet ke fo mbaambir no maad den fo mbaambir xeet fee Isra’el.

2 Korint 1:6

Boo i ndefna no torox koy, a yaalax nuun fo a muc nuun taxun. Boo i yaaleena itam, o saƭkel ole na yaalax nuun taxun, ndax nu mbaag o ndoxondoox coono leng kut ke i miñna o ndoxondooxaa.

2 Korint 10:1

Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.

2 Korint 11:23

Ndax kaa ndef jaajal Kiristaa? Um lay a nuun ƭof boog, yaam mi moƴun o ref a den. Kaam moƴ o jal a den, moƴ o ɓekel a den kaso, moƴ o xawel, boo kaam gen’u sax no ñaaƴaa took a semb es.

Galati 5:11

Fog es, boo maaduuma o waare’aa yee o kiin a wara o xucel, soo a sogkaa o jeg a muc, yaaga xar taxu um ñagadileel boog, yaam a reeƭit’angaa neene, ke um waare’aa na Kiristaa fee rengeena na kurwaa feƭarkoogatee wiin we?

Galati 5:2

Mi Pool, mexe layaa a nuun ee boo nu ndeefna kebil ne layna yee oxuu refna a wara xucoox yaam Roog, Kiristaa ɗaxkee a nuun dara.

Galati 5:24

We na ndeefaa a Kiristaa Yeesu a mbara ke cer den a yaawaa fo ke da nqememaa.

Efees 3:11

Neene yuuƥ ne Roog a xalaat’ina yaaga, yaa fo mberaand naa, a fadnoor’u na Kiristaa Yeesu o Yaal in.

Efees 3:13

Neene boog, mexe xeɗaa a nuun nu mbañ o ndeɓ njambaar ne nu njegna, yaam coono ke um gomanaa a nuun. Coono keene na ndimaa o ndam nuun.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

Efees 4:1

Mi fee dameena kaso yaam Kiristaa, mexe maƭooxaa a nuun boog, ndax nu ñoowit ne Roog a bugtuuna no xoy o jegu njiriiñ ole ta xoyna a nuun.

Efees 6:20

Kaam ref oxaa Roog a lulna, ndax um yegnitaa Yegil mbaax neene, taxna um jengel ndiiki. Nqeɗyo boog, ndax Roog a ci’aam njambaar naa um layantan ne waranuuma o layit.

Filip 1:7

Xalaat es na nuun fop, nuun we mbogna na yirmande fee daawuuma, keene cofu yoo, yaam kaa nu ndef no xeeñ es, ta ref um ɓekel kaso mbaat yaa um xoxtaa, saƭkandaa Yegil mbaax ne.

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

Kolos 4:18

Mi Pool, mexe simnaa a nuun, bindtan o ɓay es. Ngela baa a yiif nuun a naax a ceng ake reftuuma. Yaasam nu ndaawit na Roog yirmande!

Kolos 4:3

Nqeɗanyo a in itam, ndax Roog a waag o ci a in o gom no calel ke. Neene, xam waag o yegnitaa kunpa fee Kiristaa taxna um jengel,

2 Timote 1:16

Yaasam o Yaal oxe a xayand yirmande um kam mbind Onesifoor. Yaaloortaam no ten a caf a mayu, too kaso fee refuuma fi’iran gaci.

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

Filemon 1:1

Mi Pool fee jengeena yaam Kiristaa Yeesu fa Timote fee o pog in, na mbindang o leetar oleeke. Wo Filemon fee fexuuma fex, too ref o yoon in no calel ke,

Filemon 1:23

Epafaras, o yoon es oxe jengeena yaam Kiristaa Yeesu itam, oxe simnang.

Filemon 1:9

ndaa ke moƴanaxama koy, um xeɗong no mbeq. Mi Pool, ke refuuma ref o nogoy fop oo, soo doon teen ref oxaa jengeena yaam Kiristaa Yeesu,

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.