Efees 2:9 - NQAARIIT NE ROOG

⁹ A koorgoorlax nuun taxiran, yaam ndik o leng a fakoox.

Efees 2:9 Iomraidhean Croise

O leetar ole Pool a bindna GIMU WE NGENNA ROM 11:6

Kaa jil a den na yirmande um, too refee yaam a pi den. A jilit’angaa a den a pi den, yaaga yirmande fee Roog refkoogee yirmande fa ndigil.

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

O leetar ole Pool a bindna GIMU WE NGENNA ROM 4:2

A soƥangaa yee Roog kaa jofand a Abraham na pexey a pi um, yaaga Abraham a waag’a o fakoox. Kaa koy, waagiran mbaambir Roog,

O leetar ole Pool a bindna GIMU WE NGENNA ROM 9:11

Maaga soƥ’afulee xa teɓandoong axe a ndimel, too soƥee da mbi dara, ta ref paax mbaat paaxeer, Roog a laya a Rebeka yee: «Taaw fee xan a dagooxaa o ndeɓ onqe.» Roog kaa jil o leng na den, ndax yuuƥ um a geenoox naŋ. Neene koy a cil ale Roog refee na pi ake no we ta jilna, ndaa no xoy ole ta xoyna a den.

O leetar ole Pool a bindna GIMU WE NGENNA ROM 9:16

Keene koy, inooree no ke o kiin oxe a bugna mbaat na koorgoorlax um, ndaa kaa inoorit toqet na Roog fee jegna yirmande.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.