Efees 2:8 - NQAARIIT NE ROOG

⁸ Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

Efees 2:8 Iomraidhean Croise

Mace 16:17

Yeesu a layaan ee: «Ɗaayaa, Simoŋ, o ƥiy Yoona, yaam refee yee cer ke mbaat fo’oy le mbeeñlong o ten, ndaa Faap es fee refna na asamaan.

Mace 20:9

We ngar’ina no njeeƈ mudu naa a cooxe oxuu refna o xanjar o leng.

Mark 16:16

Oxuu gimna, a batiise’el, xan a muc. Oxuu gimeerna koy, xan a xawel.

YEGIL MBAAX NE YEESU ne Lik a bindtuuna 7:50

Kaa koy, Yeesu a laya o tew oxe yee: «O ngim of a muclaang. Reti na jam!»

YEGIL MBAAX NE YEESU ne Saŋ a bindtuuna 3:36

Oxuu gimna no Ƥeenqe, a jega o ñoow o fagkeer ole. Oxuu nananeeruuna koy, jegkee o ñoow oleene, too fuux le Roog oxe cay took um.»

YEGIL MBAAX NE YEESU ne Saŋ a bindtuuna 4:10

Yeesu a doonaan ee: «O and’angaa ci’it Roog, and itam oxe layoonga yee ‹Ci’aam um yer›, xeɗkoogaano wo fa xoox of, too yaaga a ci’koogaang foofi fo ñoow.»

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

YEGIL MBAAX NE YEESU ne Saŋ a bindtuuna 6:35

Yeesu a laya a den ee: «Mi refu mbuuru ne na ñoowdandaa. Oxuu garna me mi xeexkaand boo muk, too gimna na mi hoɗomkaand boo faw.

YEGIL MBAAX NE YEESU ne Saŋ a bindtuuna 6:37

We Faap fee a ci’axama fop, xan a ngar me mi, too koy o mat, sutkiim muk oxaa garna me mi.

YEGIL MBAAX NE YEESU ne Saŋ a bindtuuna 6:40

Ke Faap es a bugna refu yee oxuu ga’na o Ƥeenqe, too a gim no ten, a jeg o ñoow o fagkeer ole, too xam xontooxnoorin no ñaal mbalakaand naa.»

YEGIL MBAAX NE YEESU ne Saŋ a bindtuuna 6:44

O leng waagee o gar me mi yaa Faap fee luliidaxama a qiciideeruuna me mi, too yaaga xam xontooxnoorin na bes fa mbalakaand faa.

YEGIL MBAAX NE YEESU ne Saŋ a bindtuuna 6:65

Yeesu a doona taaga, a lay a den ee: «Keene mat taxu um lay a nuun ee o leng waagee o gar me mi, a refangee kaa Faap fee a ci’in o ten.»

A pi ake 13:39

Neene itam, oxuu gimna no ten, a ɗeete nen o cofu yaam o ten. O cofel o nandu neene koy, nu mbaagiran o njegit na pexey kebil ke Moyiis.

A pi ake 14:27

Yaa da mbadiidna Ancook, a mbokata waa mbog’ina no mbokatax ne no gimu we. A mbetandooxa gimu we ke Roog a fi’’ina fop na pexey den fo ne ta wetanit’ina we ndefeerna Yaawuur o don-maax ole, ndax da ngimat no ten, den itam.

A pi ake 15:11

Yaag oo toox de, ne i ngimitna yee na yirmande fee no Yaal oxe Yeesu i muctu, neene a muctu den itam.»

A pi ake 16:14

Ndeer rew waaga koy, a jeg’a oxaa ne’eena Lidi, a ref o ciijikax daalde. Na teeru faa Tiyatiir a inoor’u. Kaa saɗar’u a Roog, too a nan-gilooxooga a in. O Yaal oxe a weta yiif um, ndax ta jaɓ ke Pool a layoogna.

A pi ake 16:31

A ndoonayo yee: «Gimi no Yaal oxe Yeesu, too xan o muc, wo fo wiin mbind of.»

O leetar ole Pool a bindna GIMU WE NGENNA ROM 10:14

Kaa koy, nam a ƈufginooritkan, too ngimee no ten? Nam a ngimitkaa no ten koy, too nanee ta layteel? Ndi nam a nanitkaa ta layteel, yaa o kiin a waare’eerna kaa jofna no ten?

O leetar ole Pool a bindna GIMU WE NGENNA ROM 10:17

Yaaga boog, o ngim onqe, oxe inooraa no yegnit ne na naneel, soo yegnit neene a inooraa na fa lay fee Kiristaa.

O leetar ole Pool a bindna GIMU WE NGENNA ROM 4:16

Ten taxu Roog a rega a Abraham lam ne yaam o ngim um. Keene koy, ci’it yirmande Roog oo, ndax a tegit ale a woor xa taan um fop. Refanee we na ndeefaa kebil ke soom, ndaa kaa ret boo no we njegna o ngim onqe Abraham a jeg’ina. Ten refu o taan in

O leetar ole Pool a bindna GIMU WE NGENNA ROM 4:5

A guutatira koy fo xe jaleerna ndax Roog a rabdin, ndaa a gim na Roog fee na jofandaa o cofaƭaru xe. Oxeene koy, kaa ɗeeteel nen o cofu yaam o ngim um.

O leetar ole Pool a bindna GIMU WE NGENNA ROM 9:16

Keene koy, inooree no ke o kiin oxe a bugna mbaat na koorgoorlax um, ndaa kaa inoorit toqet na Roog fee jegna yirmande.

Galati 3:14

Neene we ndefeerna Yaawuur a ndaawtaa na Kiristaa Yeesu barke fee Abraham a barke’eena, too in itam, i ngimangaa, xan i ndaaw Yiif le Roog regteena.

Galati 3:22

A Pind a Tedu ke a lalta yee fop owe na bakaad, ndax ke regit’eena a cooxel we ngimna na Kiristaa.

Efees 1:19

Kaam xeɗaa itam, ndax nu and ke refna katil maak njegee hap ne ta jegna na in, in gimu we. Katil neene refu sax ke Roog a lalitna fa doole fa mbagkatar,

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

Efees 2:5

A taxa boo i ñoowatin fa Kiristaa, in we ndeeƭna waa nqonna mbaambir um yaam tooñ in. Neene boog, na yirmande Roog nu muctu.

Filip 1:29

yaam kaa nu ndaawnel yirmande, ndax nu ngim na Kiristaa. Refee koy soom ee nu ngim no ten, ndaa nu coono yaam ten itam,

Kolos 2:12

Yaam ne nu uupeena fo ten na batiise fee, nu nqontooxa fo ten na pexey o ngim onqe nu ngimna na Roog fee xontooxnoortuuna katil um a ndeer no xon we.

2 Tesalonik 1:9

Xan a qaw den a ref a saŋkax boo faw. Xan a mbildel kaltaa a tagid no Yaal oxe, a ngoƭ o ndam onqe na katil fee ten.

Hebre 6:4

O leng waagatee o dimle we ndaawna a qoolaand ale Roog boo a ƈut, a ñim ci’it ne Roog, a njeg a las no Yiif Tedu le,

1 Piyeer 1:5

Yaam na pexey o ngim nuun, Roog kaa saytoortaa a nuun katil um boo yaa nu ndaawkaa a muc ale jagandeena, too a nar o feeñ na jamaane fa mbalakaand fee.