Efees 2:7 - NQAARIIT NE ROOG

⁷ Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

Efees 2:7 Iomraidhean Croise

A kim a tedu ke 106:48

O Yaal oxe Roog fee Isra’el a hela gidmel bo na moos boo moos, too fat xeet fee fop a lay ee: «Amiini! Haleluyaa!»

A kim a tedu ke 41:13

Damtaxamo, yaam ne ñakuuma ƥanjel, soo dalnaam mbaambir of boo kili.

Esayi 60:15

Kaa o waas’el pelek, o leng fex’irang mbaat ta gar a ɗeetiidong. Ndiiki koy, xam fi’ong o ref qaaƴoor boo kili fo kaa na ɗaaynooraa bo na moos boo moos.

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

Efees 2:4

Kaa koy, o paaxel ole Roog fo o mbeq onqe ta jegna na in kaa magin lool.

Efees 3:21

O ndam a hela a Roog no fog ole no gimu we fo na Kiristaa Yeesu, bo na moos boo moos! Amiini.

Efees 3:5

Kunpa feene andnoor’aand wiin we no camaane ke mbaafna. Ndiiki koy, Roog, na pexey Yiif le ten, a feeñlaan apootar tedu we ten fo duleer we ten.

2 Tesalonik 1:12

Neene, xan gon le no Yaal in Yeesu a ɓoxottel o ndam na nuun, soo nuun itam, nu ƥoxotel o ndam no ten, na pexey yirmande fee Roog in fo no Yaal oxe Yeesu Kiristaa.

Tiit 3:4

Kaa koy, ye o paaxel ole Roog o Muumucil in fo o mbeq onqe ta fexna wiin we a mbeeñna,

1 Piyeer 1:12

Roog a feeñla duleer weene yee den fa qoox den maadkee yegnit padafuleer keene. Nuun we taxna da ndef jaajal no keene o mat na maadkan. Ndiiki koy, Yiif Tedu le inoorna na asamaan a yegna a nuun nduleer neene na pexey no we mbaare’na a nuun Yegil mbaax ne. Malaaka ke sax a mbug’a o and keene.