Efees 2:4 - NQAARIIT NE ROOG

⁴ Kaa koy, o paaxel ole Roog fo o mbeq onqe ta jegna na in kaa magin lool.

Efees 2:4 Iomraidhean Croise

Nehemi 9:17

a mbañ o nananong, a mbeecit comlaand ke fi’anoona a den. Kaa saƭik a qoox soo kam siiknoor den, da njilan a qoox den o aa-adax, ndax da nomtoox no mbaƭ naa den. Wo o mat, Roog faa na waasantaa refo, faa yaajna kam too may yirmande, faa na muñantaa too may fo o mbeq. Waasiro a den,

A kim a tedu ke 145:8

O Yaal oxe kaa yaaj kam, a jeg yirmande, a muñantaa soo a may fo o mbeq.

A kim a tedu ke 51:1

O yaal a ƭat ale no jeejeek we a xoolne yee a kim a tedu lene kaa fog na ke Dawid.

A kim a tedu ke 86:15

Wo o Yaal oxe o mat, Roog fa mayu yirmande refo, yaaj kam, muñantaa, may fo o mbeq fo ngor.

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

A sutax ale 33:19

O Yaal oxe a doonaan ee: «Xam reef mbaambir of, lalong o paaxel es soo falaloox gon es le refna ‹o Yaal oxe›. Xam yirim oxe buguuma o yirim, muñan oxe buguuma o muñan.»

Esayi 63:7

Kaam yegnitaa a pi yirmande ke no Yaal oxe, a tagas ake ten no paax ke ta fi’anna a in fop. Kaam yegnitaa o paaxel um no mbind Isra’el, paax ke ta fi’anna a den fop no mbeq um fo na yirmande um fa mbagkatar.

Yeremi 31:3

O Yaal oxe a feeñoortaxam koƭu, a lay ee: «Naa moofum kaam fexong, ten taxu um geekanong o mbeq es.

Dañel 9:9

Kaa koy, wo o Yaal oxe Roog in, kam yirmande of kaa o waasanaa in, ke i siiknoorna fa wo fop oo.

Yoona 4:2

Keeke refu ke ta xeɗ’ina o Yaal oxe: «O Yaal oxe, keene o mat saɗaroogum, ye maad’uuma o refaa no saax es, too ten taxu um ñof’u o ƴufaa farna fa Tarsis. Andaam koy ee Roog fa laabiiru fa mayu yirmande refo. Kaa o muñ, may fo o paaxel, too kaa o ricooxaa paaxeer ke yuuɓoona.

YEGIL MBAAX NE YEESU ne Lik a bindtuuna 1:78

Roog in kaa may yirmande, too a lewet. Xan a feedin a in a muc ale,

O leetar ole Pool a bindna GIMU WE NGENNA ROM 10:12

Neene, jegee njektir leng a ndeer o Yaawuur oxe fo o tefee o Yaawuur, yaam o Yaal o leng kut oxe a njegu, too o ten na ci’aa we na ƈufginooxan fop paax um.

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

O leetar ole Pool a bindna GIMU WE NGENNA ROM 5:8

ndaa Roog a lalta ne ta fexitna a in boo Kiristaa a xonan a in, ye i maadna o ndefaa baabakaad.

O leetar ole Pool a bindna GIMU WE NGENNA ROM 9:23

Roog kaa bug’u itam o lalit ne o ndam um a yaajitna na in, in we ndefna nqaw ne daawna yirmande um. A jaganda a in yaaga, ndax i ndaaw o ndam um.

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

2 Tesalonik 2:13

In o mat, kaa i mbar o ngidmanaa a nuun a Roog mbeet oo mbeet, nuun fog we o Yaal oxe a fexna. Kaa jil a nuun no mberaandoong naa, ndax ta muclit a nuun Yiif le na tedlandaa, fo yaam ne nu ngimna ndigil ne.

1 Timote 1:14

Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu