Efees 2:3 - NQAARIIT NE ROOG

³ In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

Efees 2:3 Iomraidhean Croise

Mberaand 5:3

Ye Aadama a jegna xa kiid teemeed fo xa kiid qarɓeen tadik a rima o ƥiy, ta nand fo ten, a ref nitaal um, soo ta ne’in Set.

Mberaand 6:5

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Ke bindeena no xe ne’eena YOB 14:4

Kaa xoolna waagee o suttel muk no kaa xoolaƭaritna nen o kiin!

Ke bindeena no xe ne’eena YOB 25:4

Nam o kiin a ɓuritkaa a Roog? Kaam ee nam o ƥiy no kiin a xoolitkaa mbaambir um?

A kim a tedu ke 51:5

Anddilooxaam tooñ es, too bakaad es oxey cay mbaambir es.

Esayi 53:6

Kaa i mbirlooxoogu in fop nen fo mbaal fo mo’u, oxuu refna a sak a ƭat xoox um, ndaa o Yaal oxe a doona took um njofaƭar in, in fop.

Mark 4:19

ndaa a qalaat ake na adna fee fo ne halal adna a ƴiƴtaa a den fo a yuxum ake no ñoow ole kaa ngoñaa fa lay fee boo mbaagkee o ndim.

YEGIL MBAAX NE YEESU ne Saŋ a bindtuuna 1:13

axaa ndimtaandeena nen o kiin, too itam a yaaw cer gartiran mbaat buge-buge no kiin, ndaa da ngat a ngat na Roog.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

A pi ake 14:16

No camaane ke mbaafna, Roog feene kaa xaƴ’u qeet ke fop da ndeefaa a ƭat a qoox den.

O leetar ole Pool a bindna GIMU WE NGENNA ROM 1:24

Ƭof den neene taxu Roog a xaƴ a den da saasaayaa ne a qeeñ den a mbugtuuna, ndax da mbi’raa cednooxu no cer den.

O leetar ole Pool a bindna GIMU WE NGENNA ROM 11:30

Yaaga, kaa nu mbañ’u o nanan a Roog. Kaa koy, nanaƭar ne no Yaawuur we a taxa nu ndaawat yirmande fee Roog ndiiki.

O leetar ole Pool a bindna GIMU WE NGENNA ROM 13:14

Fat nu ndokoox o Yaal oxe Yeesu Kiristaa. Ba nu ndeefan a pug ake nuun, ndik nu mbadin a yaaw a paaxeer ake nuun.

O leetar ole Pool a bindna GIMU WE NGENNA ROM 2:14

Boo we ndefeerna Yaawuur andeerna kebil ke Roog, a ndeefaa ke kebil ke a simitna, a nanda nen kaa ndef kebil na qoox den, ke da njegeerna njeg kebil ke Roog fop oo.

O leetar ole Pool a bindna GIMU WE NGENNA ROM 5:10

Kaa i ndeeƭu fañ Roog, ndaa fa nqon fee no Ƥeem a jofooranda a in fo ten. Njofoor neene taxu a qontax ale no Ƥeem waagkee o ñak o mucil a in.

O leetar ole Pool a bindna GIMU WE NGENNA ROM 5:9

Ndiiki koy kaa i ƭeeteel nen jofu yaam fo’oy le ten ɓaxeena. Ten taxu i mbaagkaand o ñak o mucil itam no fuux le Roog na pexey um.

O leetar ole Pool a bindna GIMU WE NGENNA ROM 6:12

Yaaga boog, baa bakaad fee a maadooxat muk kam cer qooxon ke nuun, too ba nu ndeefat ke da yaawaa.

O leetar ole Pool a bindna GIMU WE NGENNA ROM 7:18

Andaam ee ke faaxna genee na mi, ta ref no cer es, yaam naagaam o bugaa o fi paax kañ, ndaa o fadnin na xoxaxam sup.

O leetar ole Pool a bindna GIMU WE NGENNA ROM 9:22

Yaaga boog, Roog kaa bug’u o lalit fuux um, soo a andnoor katil um. Yaqanee toox de, Roog a roxondoox’u fo o muñ o maak nqaw mbarƴu ne refna wiin we njag’ina fo fuux um, too dara hel’atee a den a refangeerna a saŋkax ale.

1 Korint 4:7

Kaa nu njeg kaa nu kañteena! Xar nu pokooxu, too refee ci’it? A soƥangaa koy ee ke nu pokooxna fop ci’it oo, xar taxu nu mbakooxaa nen waa njegtuuna no onj den?

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

Galati 3:22

A Pind a Tedu ke a lalta yee fop owe na bakaad, ndax ke regit’eena a cooxel we ngimna na Kiristaa.

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

Kolos 1:21

Nuun itam, yaaga, kaa nu ngoƭatir’u fa Roog, ndef fañ um yaam a qalaat nuun fo a pi nuun a paaxeer.

1 Tesalonik 4:13

Fog we, i mbuga o andnoor a nuun kaa farna no we nqonna, yaam ndik nu naqadilooxaa nen lakas we njegeerna yaakaar.

1 Tesalonik 5:6

Ba i ƭaan boog nen lakas we, ndaa fat i yetoox, too mbod no ke i mbi’aa.

1 Timote 6:9

We na kasaƥ-kasaƥnaa na halal, a naanga o yenaa no mbog fo na yuxum akaa o leng a andeerna xoox um fo a caf um. A yuxum akeene koy na njogolaa wiin we no luubax fo na saŋkax.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

1 Piyeer 1:14

Nen xa teɓandoong Roog axaa nananuuna, ba nu ndeefan a yaaw ake nu njeg’ina yaaga, ye nu njeg’afuleerna o and.

2 Piyeer 2:14

Kaa mbaaƭaa maa da seeqitna soom, too mbaagee o nqij na bakaad muk. Kaa naxaa we xa laaw den a neewna doole. Xeeñ den, no yaawaa xaaliis a genu kili. Ten taxu a qaw ale Roog oxey cay took den.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

1Saŋ 2:16

Ke cer ke fo a kid ake a yaawaa, a magnandax yaam kalal adna, tig adna yoo. Keene fop koy, inooree na Faap fee, ndaa na adna fee a inooru.

1Saŋ 2:8

Kaa koy, a refa itam kebil nqas naa um bindaa a nuun, yaam ndigil a reeƭu no ñoowooƭ Yeesu, a ref ndigil itam no ñoowooƭ nuun, yaam o niɓaan ole xe faafaa, soo a qoolaand ndigil ale a meleƈiidaa.