Efees 2:2 - NQAARIIT NE ROOG

² Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

Efees 2:2 Iomraidhean Croise

Ke bindeena no xe ne’eena YOB 1:16

Ye ta maadna o layaa, o lakas a fadiida, a lay ee: «Ƭuuɗ kaa yentiid na asamaan, a dal took ged laa fo took gaynaak we wo, a raaɓ a den. Mi doŋ mucu soo gar ndax um yegnong o ten.»

Ke bindeena no xe ne’eena YOB 1:19

soo nqeñ maak njegu doole a inoor farna fa koƥ-a-ƥor alaa, a maaf kooñ nahik ke no tabax ne, ta yen took den, too den fop a nqona. Mi doŋ mucu soo gar ndax um yegnong o ten.»

Ke bindeena no xe ne’eena YOB 1:7

O Yaal oxe a laamta a Saytaane yee: «Ndi mam inooro?» A doona o Yaal oxe yee: «Kaam widoogu adna fee.»

Ke bindeena no xe ne’eena YOB 31:7

A soƥangaa yee kaam ɗap a ƭat ale ta halanaxam mbaat xeeñ es a reef ke a kid es a yuxmaa mbaat paaxeer a roɗgin xa ƥay es,

A kim a tedu ke 17:14

O Yaal oxe, muclitaam o ɓay of no wiin we, no wiin we na adna fene, a las den a refna no ñoow olene. Kaa o mayƭandtaa xa pud den ke geekoona, xa ƥiy den a ndeyƭoox teen soo a nqaƴan xa caaƈ axe den ke da mbaaskaa gañ.

Esayi 30:1

O Yaal oxe kaa tee: «Sabab took xa ƥiy axe nananeerna! Kaa da yuuɓaa too mbokatkiraam teen soo a ndalnaa kiɓoor kaa njagooreerna fo Yiif es. Neene, kaa da cokrandaa bakaad took fa ngend um.

Esayi 57:4

An nu nqaadnooxaa? An nu njeeraa soo laaƈan ɗelem? Xa ƥiy bakaad nu ndefu tigi, xeet fa maamaaɓ.

Yeremi 23:10

Yaam saax le kaa naag gañ fo waa na seeqaa. Saax le kaa ngooy yaam a salax, xa suufand axe na koƥ-a-ƥor ale a mbeer koroŋ. Wiin we paaxeer doŋ a ƈufanaa, njambaar den a feeñtaa no njofaƭar.

Hoose 10:9

O Yaal oxe kaa tee: «Wo Isra’el, bakaadaa no kaa xotitna no ñaal kaa Gibe’a, too yaaga boo fa ndiik suptooxiro. Ndax xire fee daawitkee a nuun Gibe’a, nuun soxodu we?

A paɗax ale 11:16

a ba, a sambaaƭ, a caakraan, a maf-o-ngookol fo xa qos den,

Mace 11:19

o Ƥeenqe no kiin oxe a gar, a ñaamaa a yeraa soo da lay ee: ‹O ñaañaam fo yeeyer oo, a ref xaariit no we na ndabdinooxaa juuti fo no baabakaad we.› Kaa koy, Roog a fi’a jam, yaam o jeg-yiif ole a jofandte a pi um.»

Mace 13:22

Ax ke nduufeena kam kiƈ ke ndefu oxe na nanaa fa lay fee Roog. Kaa koy, a qalaat ake na jamaane fee fo ne halal adna a ƴiƴtaa a den a naanga o ngoñaa fa lay fee Roog boo waagkee o rim.

Mace 13:38

A yang ale refu adna fee, ax paax ke a ndef xa ƥiy axe no Maat ne, soo puulaand ke a ndef xa ƥiy no paaxeer oxe.

Mark 4:19

ndaa a qalaat ake na adna fee fo ne halal adna a ƴiƴtaa a den fo a yuxum ake no ñoow ole kaa ngoñaa fa lay fee boo mbaagkee o ndim.

YEGIL MBAAX NE YEESU ne Lik a bindtuuna 16:8

O yaal mbind ne a kaña o paɗ o kore’aƭaru xe yaam ne ta fi’’ina nen o kiin o ƈiƴu.» Yeesu a doona teen ee: «Wiin we na jamaane fene moƴu o ƈiƴ mbaambir no gend den ee wiin we na qoolaand ale.

YEGIL MBAAX NE YEESU ne Lik a bindtuuna 22:31

O Yaal oxe a laya a Piyeer ee: «Simoŋ, Simoŋ, Saytaane kaa waaƭaa maa ta maafitna a nuun ndax ta fees a nuun nen bele.

YEGIL MBAAX NE YEESU ne Saŋ a bindtuuna 12:31

Ndiiki koy, adna feeke a hate’e, o maad adna feeke a deɓel tafil.

YEGIL MBAAX NE YEESU ne Saŋ a bindtuuna 13:2

O ƈiƴ oxe koy, a ɓek’a no xeeñ Yudaa o Iskariyot oxe fee o ƥiy Simoŋ xalaat faa ta jikoorna a Yeesu.

YEGIL MBAAX NE YEESU ne Saŋ a bindtuuna 13:27

Yaa Yudaa a daawna o ɗeg ole, Saytaane a muura yiif um. Maaga, Yeesu a layaan ee: «Ke naroona o fi, fi’een no ñofu.»

YEGIL MBAAX NE YEESU ne Saŋ a bindtuuna 14:30

Fa lay es fa nuun maykatee, yaam o maad adna feeke a inooxa, ndaa koy waaganiraam dara.

YEGIL MBAAX NE YEESU ne Saŋ a bindtuuna 15:19

Nu mbog’angaa na adna, a fexkooga a nuun, yaam ke fogna fo ten rek a fexu, ndaa koy feek nu mbogee no ten, ndoon teen um jil a nuun, xan a sib a nuun.

YEGIL MBAAX NE YEESU ne Saŋ a bindtuuna 16:11

a lal a den hate, yaam o maad adna feeke a hate’e boo a ƴut.

YEGIL MBAAX NE YEESU ne Saŋ a bindtuuna 7:7

Adna fee mbaagee o sib a nuun. Mi koy, mbaagiraam o ñak o sib, yaam kaam seede’anaa a den a qool qac ee ke da mbi’aa faaxee.

YEGIL MBAAX NE YEESU ne Saŋ a bindtuuna 8:23

Yeesu a dakooxa o lay a den ee: «Nuun, a lanq nu ngatu, mi, um hat took. Wiin adna feeke nu ndefu, too mi o mat, refiim o kiin adna fee.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

A pi ake 19:35

Palakaand ke koy, o piibind oxaa na teeru faa a harna mbokatax naa, a lay ee: «Nuun Ee-efees we! Mee ndax teeru fee Efees na yetooxaa mbind-sadaxand ne Artemis fee roog fa ndew fee, a yetooxaa itam nitaal um ne yentiidna na asamaan. An andeeru keene?

A pi ake 5:3

Maaga, Piyeer a laamta a Anañaas ee: «Ndi xar taxu Saytaane a mayƭand xeeñ of boo o maaɓaa Yiif Tedu le? Xar taxu o ɗasin a seek a leng ale na xaaliis fee o qol ole a watna?

O leetar ole Pool a bindna GIMU WE NGENNA ROM 12:2

Ba nu nandandoor we na ndeefaa o mbaax onqe na adna feeke. Njaɓyo boog Roog a supit a yiif nuun, ndax nu mbaag o njeg a qalaat a qas boo nu and ke Roog a bugna, ta ref fop ke faaxna fo ke felna fo ke ñakna sik.

1 Korint 5:10

Meene koy, ne’iim gimeer we ndefna we na seeqaa mbaat we mbuge’na mbaat guuɗ we mbaat juujuur we, yaam yaaga nu sutoox na adna fee.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

Galati 1:4

O Yaal oxe Yeesu Kiristaa ɓoxotu o ñis um yaam pakaad in, ndax ta mucil a in na jamaane fa mbaaxeer fee ndiiki, ne Roog fee refna Faap in a bugtuuna.

Efees 1:21

Maaga, na asamaan, Kiristaa kaa dalnel took sañ-sañ fuu refna fo maat nuu refna fa katil fuu refna fo ngelfa nuu refna. Kiristaa kaa dalnel itam took gon lakas luu waageena o ne, refee soom na adna fene, ndaa no camaane ke na ngaraa itam.

Efees 2:11

Nuun we ndefeerna Yaawuur, nuun o mat we Yaawuur we a nqoyaa xa kaat, soo koy a ne’ooxaa we nqucooxna yaam Roog – keene koy no cer rek a ndayu, a ref o ñaas, o ɓay no kiin a fi’in – nuun boog, fat nu mbetandoox ke nu ndeeƭna yaaga.

Efees 2:13

Kaa koy, ndiiki, yaam ne nu mbogatna fa Kiristaa Yeesu, nuun we andoona yee yaaga kaa nu ngoƭ’u, nu matiidata na pexey fo’oy le Kiristaa.

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

Efees 4:17

Keeke um layaa a nuun boog, soo yegnan a nuun no gon le no Yaal oxe: Ba nu ñaaƴtat nen gimaƭaru we, na ndeefaa a qalaat ake den naangeerna o ƥisaa den sen.

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

Efees 5:6

Ba o leng a nax a nuun fo fa lay fa njegee xoox, yaam tooñ nandu neene na taxkaa fuux le Roog a dal took no we mbañuuna o nanan.

Efees 5:8

Yaaga, kaa nu ndeeƭu kam o niɓaan ole, ndaa ndiiki nu ndefata kam a qoolaand ale, yaam ne nu mbogna no Yaal oxe. Ten taxu, ñaaƴityo nen waa mbogna na qoolaand ale.

Efees 6:12

Yaam i mbaree o maafir fo wiin we, ndaa fo kelfa ke fo sañ-sañ ke fo aa-adax we na yiif ake ndefna no niɓaan ole fo katil ke na yiif a paaxeer ake ndefna ndeer asamaan fa lanq.

Kolos 1:21

Nuun itam, yaaga, kaa nu ngoƭatir’u fa Roog, ndef fañ um yaam a qalaat nuun fo a pi nuun a paaxeer.

2 Timote 4:10

Demas kaa xaƴaam, a ret Tesalonik, yaam tig adna a moƴanin. Keresaas a ret Galati, Tiit a ret Dalmati.

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

Saak 1:7

Baa o kiin um a foog ee xan a daawit tig no Yaal oxe.

Saak 4:4

Kaa nu ngore’ee! Ndax nu andee yee oxe fexna tig adna, o pañ Roog oo? O kiin oxuu bugna xaariitoor fo tig adna, a refata o pañ Roog.

1 Piyeer 1:14

Nen xa teɓandoong Roog axaa nananuuna, ba nu ndeefan a yaaw ake nu njeg’ina yaaga, ye nu njeg’afuleerna o and.

1 Piyeer 4:3

Nu miña o ñoowtaa ne gimaƭaru we a mbugtuuna. Yaaga, kaa nu ñaaƴoogu kam caasaay ne fo a yuxum ake, yeraa a yer a maamu, ñaamaa kupu, ndetaa na xa yerand axe fo na xa cuurand pangool axe.

2 Piyeer 2:14

Kaa mbaaƭaa maa da seeqitna soom, too mbaagee o nqij na bakaad muk. Kaa naxaa we xa laaw den a neewna doole. Xeeñ den, no yaawaa xaaliis a genu kili. Ten taxu a qaw ale Roog oxey cay took den.

1Saŋ 3:10

Mene xa ƥiy Roog fo xa ƥiy no ƈiƴ oxe a andditkeel: Oxuu geneerna no fi’aa cofu, too fexee o pog um, fogee na Roog.

1Saŋ 3:8

Oxuu genna no fi’aa bakaad, no ƈiƴ oxe a fogu, yaam o ƈiƴ oxe kaa bakaadaa, yaa fo mberaandoong naa boo ndiik. O Ƥeenqe Roog koy, a feeña ndax ta yaq calel ke no ƈiƴ oxe.

1Saŋ 4:4

Nuun xa teɓandoong es, na Roog nu mbogu, too nu maafa duleer maamaaɓ weene, yaam oxe refna na nuun hupu oxe refna na adna fee.

1Saŋ 5:19

I anda yee na Roog i mbogu, too adna fee fop oxe na sañ-sañ fee no paaxeer oxe.

1Saŋ 5:4

yaam we ndimeena na Roog fop kaa maafaa adna fee, too mbir ne maafna adna fee refu o ngim in.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

Mbeeñil 13:14

Kaa mo’andoogu we ngenna na adna fee fo xa anddiloor axe ta ci’eena o fi’aa mbaambir Ɓaanoor fa eetaand fee. Naaga, a laya we ngenna na adna fee da mbi nitaal naa nandna fa Ɓaanoor fee laƥ a gaañ’ina, too yaqanee ta maad o ñoowaa.

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

Mbeeñil 16:17

Malaaka ɓetuu fa ƭikandeer fee a ɓaxa o mbeeƭ um no nqeñ ne. Maaga, o ñuxur o maak a nannoorta no Mbind Roog ne, a inoor no gamb no maad le, a lay ee: «Waxtu fee a fada!»

Mbeeñil 20:2

A songa a Niŋki-naŋka, Mbangool ne yaaga refna o ƈiƴ oxe mbaat Saytaane, soo a humin boo xa kiid juni.