Efees 2:12 - NQAARIIT NE ROOG

¹² No camaane kaaga, kaa nu ngoƭatir’u fa Kiristaa, ndef genar. Nu mbog’ee na xeet fee Roog a jilna. Nu mbog’ee itam no kiɓoor ke ndalin’eena took a tegit ale Roog a fi’anna xeet um. Kaa nu ñoowoogu na adna fee, ñak yaakaar soo ñak a Roog.

Efees 2:12 Iomraidhean Croise

Mberaand 15:18

A koom o Yaal oxe a dalna ngiɓoor fa Abram ee: «Saax leeke, ci’aanum xa taan of no ke xotitna no xuluɓ olaa Misira boo no xuluɓ o maak olaa refna ref Ofrat,

2 Caloori ke 15:3

Ii-isra’el we o mat a ñoowa miñu no kaa da ndeefeerna a Roog fa ndigil fee, saasadax waa na njangnaa a den nga’aand too ngayee kebil ke.

Esdaraas 4:3

Kaa koy, Serubabel, Yesuwa fo yaal ƥasil lakas ke no Ii-isra’el we a ndoona a den ee: «I mbaagee o mbokatoor fa nuun, ndax i maxan a Roog in Mbind, yaam in doŋ na maxankan o Yaal oxe Roog fee Isra’el, ne Kiirus fee o maad Persi a heblituuna a in.»

A sutax ale 12:45

O kenar fo o saadlaand ñaamkee teen.

Esayi 14:1

O Yaal oxe xan a yirim a Yakoob. Ii, xan a jilahin a Isra’el soo a dalnatinin no lanq um. Xa kataakoon axe xan a mbokatooriid fa den, too xan a mbogat no mbind Yakoob.

Esayi 44:6

Keeke o Yaal oxe Hupna fop, a ref o Maad Isra’el fo o baawat um, a layu: «Mi refu o eetaand oxe fo o palakaand oxe. Jegee roog fa lakas, a refangee mi.

Esayi 45:20

«Mbokatooryo too ngar. Matiidyo nuun fop, nuun we ƥostooxna ndeer a saax ake. Dara refee na qoox no we na ƥislooxaa pangool kaa ndefna a teex, a ƈufginooxaa a roog faa waageerna o mucil.

Esayi 61:5

Xan xa kataakoon a ngayanaa a nuun xa siir nuun fo a ked nuun, soo wiin inooru tuburbuus a nqooxanaa a nuun xa qol nuun fo a ƭing nuun.

Yeremi 14:8

Wo fee refna yaakaar Isra’el, o Muumucil um yaa fa naqad fee, xar taxu o ref nen o kenar kam saax le, nen o ñaañaaƴ oxaa ɗapiidna, ndax ta fe doŋ?

Yeremi 17:13

O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

Heseki’el 13:9

O ɓay es xan a dal took duleer we peeñil den a ndefna xa koɓong soo maƭak den a ndef xa maaƥ. Mbogkee no mal maak ne na xeet es, mbindkaand no mbokatax ne no mbind Isra’el, too ndokkee no fiisel ole Isra’el. Maaga, xan nu and ee mi refu o Yaal oxe na refkaa boo faw.

Heseki’el 37:26

Xam dalin fa den ngiɓoor jam naa na refkaa boo faw. Xam dalin a den maaga, mayƭand a den soo sip mbind tedu es a ndeer den boo faw.

Heseki’el 47:22

Na pexey mbanjang ne xan nu nqaajrandin nen lam a qoox nuun fo xa kataakoon axe ngenna a ndeer nuun, na ndimkaa xa ƥiy a ndeer nuun. Xan a ndef na nuun nen waa ndimeena no saax le a ndeer Ii-isra’el we. Xan a lasir fa nuun lam ne na pexey mbanjang ne a ndeer a carind ake Isra’el.

Hoose 3:4

Ii-isra’el we xan a moof a pe a miñu kaa da njegkeerna o maad fo o aa-adax, sadax fo a ƥil akaa da mbaɗooxaa, o jamb fo nitaal pangool ke.

A lim ale 18:19

Ci’aaxoong, wo fo xa ƥeef, fop ke Ii-isra’el we a ƥoxotaxam nen sadax tedu. A las nuun a bugko refaa boo kili, wo fo xa ƥeef, goor fo rew. Keene xan a woor nen ngiɓoor saƭku naa dalniteena fo jem mbaambir es.»

YEGIL MBAAX NE YEESU ne Lik a bindtuuna 1:72

Neene o mat a yirmitu daan we in, a wetandoox ngiɓoor tedu ne ten,

YEGIL MBAAX NE YEESU ne Saŋ a bindtuuna 10:16

Jegaam koy paal lakas kaa ndefeerna no ged leeke, too waraam o xotiid a den. Xan a nan o ñuxur es, ged leng kut a jegat, da mbog o kaynaak o leng koŋ.

YEGIL MBAAX NE YEESU ne Saŋ a bindtuuna 15:5

Mi refu ndaxar ne, nu ndef xa par axe. Oxuu saxna na mi, um sax no ten, xan a saq xa tim xa mayu. Um refangee fa nuun, nu mbaagoodee dara.

YEGIL MBAAX NE YEESU ne Saŋ a bindtuuna 4:22

Kaa nu mbaɗooxaa kaa nu andeerna, in koy, ke i andna i mbaɗooxaa, yaam a muc ale no Yaawuur we a hatu.

A pi ake 2:39

Yaam a tegit ale, nuun njegun, nuun fo xa ƥiy nuun. We o Yaal oxe Roog in a xoykaa fop itam too a ngoƭ, a mboga teen.»

A pi ake 28:20

Ten taxu um xeɗ, ndax um ga a nuun boo lay fa nuun, yaam oxe xeet fee Isra’el a yaakaarna taxu um kepel a cengir akeeke.»

A pi ake 3:25

Nuun ndefu xa ƥiy axe no duleer we, too nu mboga no ngiɓoor ne Roog a dalin’ina fo daan we in, ye ta layna a Abraham ee: ‹O ndaan of a cur barke a refkaa no ƥasil ke na adna fee fop.›

O leetar ole Pool a bindna GIMU WE NGENNA ROM 9:8

Keene kaa tekit ee fog no tim ole Abraham soom taxee o ref o ƥiy Roog. Xa ƥeem ndefu we mbogna na tegit ale, too sax weene a ƭeete tigi nen xa taan axe Abraham.

Galati 4:8

Yaaga nu andafulee a Roog, kaa nu mbaɗooxoogu kaa refeerna Roog.

Efees 2:19

Neene boog, nuun we ndefeerna Yaawuur, nu ndefatee genar mbaat xa kataakoon, ndaa waa mbogna na xeet fee Roog nu ndefatu, too no ƥasil ne ten nu mbogu.

Efees 4:18

O jeg-yiif den kaa niɓaan tit. Njegee a las a leng no ñoow ole Roog a ci’taa, yaam kaa da ñak-o-and, soo a saƭik a qeeñ lool.

Kolos 1:21

Nuun itam, yaaga, kaa nu ngoƭatir’u fa Roog, ndef fañ um yaam a qalaat nuun fo a pi nuun a paaxeer.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

Kolos 1:5

O nanangaan koy, kaa nu kesanel yaakaar na asamaan, fa lay fee no ndigil ne refna ref fee no Yegil mbaax ne a andnin a nuun.

1 Tesalonik 4:13

Fog we, i mbuga o andnoor a nuun kaa farna no we nqonna, yaam ndik nu naqadilooxaa nen lakas we njegeerna yaakaar.

1 Tesalonik 4:5

a fañ a yaaw a pagkatar a sufoox took um, ne da ndalitna took gimaƭaru we andeerna a Roog.

2 Tesalonik 2:16

O Yaal in Yeesu Kiristaa fa Roog Faap in fee fexna fex a in, a ci’a a in na pexey yirmande um yaaloor boo faw fo yaakaar mbaax.

1 Timote 1:1

Mi Pool, kaam ref apootar Kiristaa Yeesu ne Roog fee o Muumucil in fa Kiristaa Yeesu fee refna yaakaar in a ngeblituuna.

Hebre 11:34

A ñufooga xa ñaay xa cegu doole, too a nqox’a laƥ. Ke da ndeeƭna ndeeƭ neewu doole fop oo, a njegnoor’e doole, a ndefat xiixire say, boo a mbaag o maaf xiixire mayu.

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

Hebre 8:6

Ndiiki koy, calel ke Yeesu a roxondeena ngupu ke na den, yaam o ten refu o ndok-a-ndeer onqe no ngiɓoor ne moƴna, too a dalnel took a tegit ake moƴna.

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

1 Piyeer 3:15

Kaa koy, niwyo a Kiristaa kam a qeeñ nuun nen o Yaal nuun. Njagandooxyo kili, ndax nu mbaag o ndoonaa a paax oxuu laamitna a nuun ke taxna yaakaar neene a ref na nuun.

1Saŋ 3:3

Ten taxu, oxuu jegna yaakaar neene no ten, kaa xoolandooxaa ne ta xoolitna ten fa xoox um.