Efees 1:3 - NQAARIIT NE ROOG

³ Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

Efees 1:3 Iomraidhean Croise

Mberaand 14:20

Tedaanga a hela Roog fee Took-ee-took! Ten fee ɓoxotna fañ we wo na xa ƥay of.» Maaga, Abram a cooxaan a seek xarɓaxayandeer ale no ke ta jegna fop.

Mberaand 22:18

Qeet ke no lanq ke fop no xaa faqaqoorna na wo a mbarke’itkeel, yaam kaa o nananaam.»

1 Caloori ke 29:20

Cinj kaaga, Dawid a laya mbokatax naa fop ee: «Ngidimyo o Yaal oxe Roog nuun!» Mbokatax naa fop boog a ngidma o Yaal oxe Roog fee no daan den. A ngooknooxa soo a ngung mbaambir no Yaal oxe fo mbaambir o maad oxe.

1 Caloori ke 4:10

Yabes a ƴufginooxa a Roog fee Isra’el ee: «Ngela barke’aam, ɗaay o saawit es, saytooxaam fo o ɓay of too guutatirandaam fo taamaala fo coono!» Roog a ci’aan ke ta xeɗ’ina.

2 Caloori ke 31:8

Hiskiya fo kelfa ke a ngara a ƭeetiid a cuum ake soo a simat o Yaal oxe fa Isra’el fee xeet um.

Nehemi 9:5

Cinj kaaga, Leelewi we ndefna Yesuwa, Kadmi’el, Bani, Hasabneya, Serebiya, Hodiya, Sebaniya fa Petahiya a mbalalooxa yee: «Inooxyo, ngidim o Yaal oxe Roog nuun, bo na moos boo moos.» «O Yaal oxe, fat oxuu refna a niw gon of jegu o ndam, o magnel um a hupna o ngidim onquu refna fo a simat aluu refna.

A kim a tedu ke 134:3

Yaasam o Yaal oxe a barke’tong Siyoŋ, ten oxe sakna asamaan fo lanq!

A kim a tedu ke 72:17

Gon um ñufkee boo muk, too ten adooxu meen njeeƈ ne. Xan wiin we a mbarke’teel gon um, a saax ake fop a ƭaayit no ten.

A kim a tedu ke 72:19

Gon um jegu o ndam a hela simateel boo cay! Fat lanq ke fop a may fo o ndam um! Amiini! Yaasam ta jegit neene!

Esayi 61:9

Xa taan nuun xan a andel muu refna, we mbaqaqoorna na nuun a andel na saax ake fop. We na ƈookkaa a den xan a anddit a den xeet faa o Yaal oxe a barke’na.»

Dañel 4:34

Ndiiki koy, mi Nebukadnesaar, kaam simataa, tagasaa soo ɓoxotaa o ndam o Maad oxe na asamaan. Ke ta fi’aa fop kaa xot a ƭat, a pi um a njof, too a waaga neewand we na ñoowaa na magnandax.»

YEGIL MBAAX NE YEESU ne Lik a bindtuuna 2:28

Simewon a deegooxaan, a gidim a Roog, a lay ee:

YEGIL MBAAX NE YEESU ne Saŋ a bindtuuna 14:20

A koom nu and ee mexey na Faap es, nu ndef na mi, um ref na nuun.

YEGIL MBAAX NE YEESU ne Saŋ a bindtuuna 17:21

ndax den fop da ndef o leng. Faap, ne reftoona na mi, um ref na wo, kaam xeɗaa da ndefit neen na in itam, ndax adna fee a mbaag o ngim ee wo luliidaxam.

YEGIL MBAAX NE YEESU ne Saŋ a bindtuuna 20:17

Yeesu a layaan ee: «Ba o duqaam, yaam ŋaayafuliim maa Faap es. Reti maa na xa teɓ es, lay a den ee mexey ŋaayaa maa Faap es fee Faap nuun, refna ref Roog es fee Roog nuun.»

O leetar ole Pool a bindna GIMU WE NGENNA ROM 12:5

Neene itam, in we mbogna na Kiristaa, ke i mayna may fop oo, njer leng kut i ndefu no mbokatoor ne in fa Kiristaa, too kaa i ngiɓoor a ndeer in nen a seek ake mbokatoorna, a ndef njer leng kut ne.

O leetar ole Pool a bindna GIMU WE NGENNA ROM 15:6

ndax no ñuxur o leng kut, nu ƥoxotaa a Roog Faap no Yaal in Yeesu Kiristaa o ndam.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

1 Korint 12:12

Nen cer ke, neene we ngimna na Kiristaa a nandu: Njer leng kut ne yoo, ndaa kaa xaajoox, a ref kene xa ƥay, keeke nof, keeke a kid, fo lakas fo lakas…

2 Korint 1:3

Roog fee Faap no Yaal in Yeesu Kiristaa a hela o simatel, ten fee refna Faap fee na yirmaa, a ref Roog fee na yaalaa no kuu refna.

2 Korint 11:31

Roog fee refna Faap no Yaal oxe Yeesu, ten oxe simateena boo faw, a anda yee maaɓiim muk.

2 Korint 5:17

O kiin a fogangaa na Kiristaa, mbindel nqas a refatu. Ke hiidna a wata, soo fop a refat qas.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

Galati 3:9

Neene boog, we ngimna, a mbarke’e nen a Abraham, o kimu xe.

Efees 1:10

Yuuƥ neene, Roog a fadandkaa yaa hap fee a fadna, refu ta fokat fop ke refna na asamaan fo took lanq ke, da mbog o aa-adax o leng kut, ta ref Kiristaa.

Efees 1:17

Kaam xeɗaa a Roog fee no Yaal in Yeesu Kiristaa, a Faap fee jegna o ndam, ndax ta coox a nuun Yiif le na andnoorkaa a nuun, too a feeñil a nuun a Roog, ndax nu andin.

Efees 1:20

ye ta xontooxnoorna a Kiristaa a ndeer no xon we soo a moofnin na ñamaak um kam asamaan.

Efees 2:6

Roog a nomtiida a in no ñoow ole kam mbokatoor in fa Kiristaa Yeesu, ndax i maadoox fo ten kam asamaan.

Efees 3:10

Kaa koy, ndiiki, na pexey o fog ole no gimu we, kelfa ke fo sañ-sañ ke ndeer asamaan fa lanq a mbaaga o and o jeg-yiif ole Roog.

Efees 6:12

Yaam i mbaree o maafir fo wiin we, ndaa fo kelfa ke fo sañ-sañ ke fo aa-adax we na yiif ake ndefna no niɓaan ole fo katil ke na yiif a paaxeer ake ndefna ndeer asamaan fa lanq.

Filip 2:11

soo o kiin oo kiin a lay ee Yeesu Kiristaa refu o Yaal oxe, Roog Faap fee a ɓoxotel o ndam no ten.

Hebre 8:5

Calel ke saasadax weene a mbadnaa, nitaal fo mbelyook no ke refna na asamaan soom a ndefu. Keene a nanda fo ke xew’ina na Moyiis. Ye Moyiis a bugna o geenin ƭiif naa, Roog a layaan ee: «Fi’i o ndang! Fat o fi fop boo ta nand fo samandaal ne lal’oonga took o joong olaa.»

Hebre 9:23

Tig adna ke ndefna nitaale’ir tiindigil ke na asamaan a mbar’e o nqoolandit neene. Yaaga boog, tig tiindigil keene ndefna na asamaan a mbaraan itam, na pexey sadax ke moƴna o mbaax.

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu