Efees 1:1 - NQAARIIT NE ROOG

¹ Mi Pool fee refna apootar Kiristaa Yeesu ne Roog a bugtuuna, na bindaa a nuun o leetar oleeke, nuun gimu tedu we na Kiristaa Yeesu ngenna Efees.

Efees 1:1 Iomraidhean Croise

A lim ale 12:7

Reftee neene koy na Moyiis fee o tag es, hoolooxuuma o doxin xeet es fop.

YEGIL MBAAX NE YEESU ne Lik a bindtuuna 16:10

Oxuu gore’na no ndik, xan a gore no tig maak itam, too oxuu jofeerna no ndik, jofkee no tig maak itam.

A pi ake 16:15

Ye ta batiise’eena, ten fo wiin mbind um, a xura a in, a lay ee: «A woorangaa a nuun ee gimaam no Yaal oxe, ndokyo no mbind es, ndal meen.» Maaga, a seraan a in, too i njaɓa.

A pi ake 18:19

Ye Pooliin a mbadiidna na teeru faa Efees, a xaƴa a Pirisil fa Akilaas maaga. Ten fa xoox um o mat, a roka no mbind a qeƭ naa, a jeetaayaa fo Yaawuur waa.

A pi ake 18:21

A asoora fa den, a rokit maaga a kaal, too a lay a den ee: «A felangaa a Roog, xam nomtooxiid me nuun.»

A pi ake 9:13

Anañaas a doona yee: «O Yaal oxe, nantaam no wiin mayu, da layaa paaxeer ke o koor oxeene a fi’na we mbogna na wo Yeerusaleem.

O leetar ole Pool a bindna GIMU WE NGENNA ROM 1:1

Mi Pool, o paɗ Kiristaa Yeesu na bindaa a nuun o leetar oleeke. Roog kaa xoyaam ndax um ref apootar, a kesaam, ndax um yegnitik Yegil mbaax ne ten.

O leetar ole Pool a bindna GIMU WE NGENNA ROM 1:7

Nuun fop we ngenna na teeru faa Rom, too Roog a fex a nuun, nuun we tedna na pexey o xoy ole ten, mexe simnaa a nuun: Yaasam Roog Faap in fo o Yaal oxe Yeesu Kiristaa a ci a nuun yirmande fa jam.

O leetar ole Pool a bindna GIMU WE NGENNA ROM 8:1

Ndiiki boog, a qaw a leng jegkatee no we mbogna na Kiristaa Yeesu,

1 Korint 4:12

Oxuu refna na in kaa daaraa, soo a sogkaa o jeg ƥekel no fud, mbeneel, mbarke’aa we na mbenaa a in, muñ ne i toroxandeel,

1 Korint 4:17

Keene o mat taxu um luliid a Timote me nuun, ten fee refna o ƥees o ngore’u no Yaal oxe. Boo ta garna xan a wetand a nuun me dakuuma fa Kiristaa Yeesu fo ne um jangnitaa a ndeer pokatax ke no gimu we fop.

2 Korint 1:1

Mi Pool fee refna apootar Kiristaa Yeesu ne Roog a bugtuuna, mi fo o pog nuun Timote na mbindaa a nuun o leetar oleeke. In we simnaa a nuun, nuun mbokatax ne no gimu we Roog ngenna na teeru fee Korint, nuun fo tedu we Roog fop ngenna kam o jegel ole Akayi.

Galati 1:1

Mi Pool, apootar refum, too keene hatee no wiin we mbaat o kiin a doonaam o ten, ndaa um reftin na pexey Yeesu Kiristaa fa Roog Faap fee xontooxnooruuna a ndeer no xon we.

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

Galati 3:9

Neene boog, we ngimna, a mbarke’e nen a Abraham, o kimu xe.

Efees 1:15

Ten taxu mi itam, ye nanuuma o ngim nuun no Yaal oxe Yeesu a layteel, nan itam wiin we a layaa o mbeq onqe nu njegna no we mbogna na Roog fop,

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

Efees 2:13

Kaa koy, ndiiki, yaam ne nu mbogatna fa Kiristaa Yeesu, nuun we andoona yee yaaga kaa nu ngoƭ’u, nu matiidata na pexey fo’oy le Kiristaa.

Efees 2:6

Roog a nomtiida a in no ñoow ole kam mbokatoor in fa Kiristaa Yeesu, ndax i maadoox fo ten kam asamaan.

Efees 6:21

Mexe luliidaa a Tisik fee o pog in no ngim onqe me nuun. Fexaanum no xeeñ es, too kaa ref o caajal o kore’u no calel ke no Yaal oxe. Xan a yegin a nuun fop ke jofna na mi fo ke um fi’aa.

Kolos 1:2

In we simnaa a nuun, nuun tedu we ngimna, ndef fog in na Kiristaa, too ngen na teeru fee Kolos. Yaasam Roog Faap in a ci a nuun yirmande fa jam!

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.