2Saŋ 1:3 - NQAARIIT NE ROOG

³ Yaaga koy, yaasam Roog Faap fee fa Yeesu Kiristaa fee o Ƥeem a ci a in yirmande fo a baasan fa jam, da sax na in no ndigil fo no mbeq.

2Saŋ 1:3 Iomraidhean Croise

Sakari 8:19

«Koor ne no nqool o nahkandeer onqe, ne no nqool o ƥetkandeer onqe, ne no nqool ɓetuu ƭikandeer onqe fo ne no nqool xarɓaxayandeer onqe xan a ndefat no mbind Yudaa ñaal o mbelakinax fo o ɗaay, a ndef toofeen pelu. Kaa koy, mbexyo ndigil fa jam! Mi o Yaal oxe Hupna fop layun.

O leetar ole Pool a bindna GIMU WE NGENNA ROM 1:7

Nuun fop we ngenna na teeru faa Rom, too Roog a fex a nuun, nuun we tedna na pexey o xoy ole ten, mexe simnaa a nuun: Yaasam Roog Faap in fo o Yaal oxe Yeesu Kiristaa a ci a nuun yirmande fa jam.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

1 Timote 1:14

Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.

1 Timote 1:2

Timote, mexe bindang, wo fee o ƥees ŋaƈit no ngim onqe. Yaasam Roog Faap fee fo o Yaal in Kiristaa Yeesu a ci’ong yirmande fa jam, too a njeg o liir na wo.

2 Timote 1:13

Gingli no yiif of a ƭelem a ñoow ake daawtoona na mi, geekit a den fo o ngim fo o mbeq onqe refna na Kiristaa Yeesu.

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.

2Saŋ 1:1

Mi fee refna o maak kam mbokatax ne no gimu we na bindang o leetar oleeke, wo fee refna yaay na mi, wo fee Roog a jilna, wo fo xa ƥeef axe fexuuma tigi. Refee yee mi doŋ fexu a nuun, ndaa fop we andna ndigil ne.