2Saŋ 1:1 - NQAARIIT NE ROOG

¹ Mi fee refna o maak kam mbokatax ne no gimu we na bindang o leetar oleeke, wo fee refna yaay na mi, wo fee Roog a jilna, wo fo xa ƥeef axe fexuuma tigi. Refee yee mi doŋ fexu a nuun, ndaa fop we andna ndigil ne.

2Saŋ 1:1 Iomraidhean Croise

YEGIL MBAAX NE YEESU ne Lik a bindtuuna 1:3

Ten taxu, mi yoo, eetaam o ɓaal a paax ne keene fop a xewitna no kaa xotitna no mberaand naa, soo ga ee a faaxa um bindong o ten a qool qac, wo Tewofiil fee o koor o paax,

YEGIL MBAAX NE YEESU ne Saŋ a bindtuuna 8:32

Xan nu and ndigil ne, too xan ndigil neene a wat a nuun.»

A pi ake 11:30

A mbi’a naaga, a lultin maak waa no mbokatax ne no gimu we Yudee, Barnabaas fa Sool a ƥisin.

O leetar ole Pool a bindna GIMU WE NGENNA ROM 16:13

Fat nu simin a Rifis refna o caajal o peeñu no Yaal oxe fa ya um fee refna ref yaay na mi itam.

Galati 2:14

Ye ga’uuma yee njagnee no Yegil mbaax ndigil ne, dalfooxaam o lay a Kefaas mbaambir no fop ee: «Wo fee refna o Yaawuur, too naagiro o ñoowtaa nen o Yaawuur, xar taxu o seraa we ndefeerna Yaawuur, da mbi nen Yaawuur we?»

Galati 2:5

ndaa i ci’ee a den ñootand leng, too i nqoxa ke da ngebloogna, ndax nu mbaag o ndam Yegil mbaax ndigil ne.

Galati 3:1

Cey, Gaagalati ñaku xoox we! An laxadu a qoox nuun? Nu mbetandooxe a paax ne Yeesu Kiristaa a warit’eena na kurwaa boo kaa fi’at sax nen kaa nu maadin.

Galati 5:7

Nu mber’a o ndeefaa a Yeesu a paax. An ƴiƴtu a nuun boo a tax nu nananatee ndigil ne?

Kolos 1:5

O nanangaan koy, kaa nu kesanel yaakaar na asamaan, fa lay fee no ndigil ne refna ref fee no Yegil mbaax ne a andnin a nuun.

1 Timote 2:4

Ten fa xoox um a buga wiin we fop a muc, too a andat ndigil ne.

Hebre 10:26

Boo andoona koy ee i ndiya o mbakaadaa, a cinj yaa i andna ndigil ne Roog, jegkatee sadax fa leng faa waagna o forit pakaad ke.

1 Piyeer 1:2

Roog Faap fee kaa jil a nuun, yaam kaa yuuɓ’un no mberaand naa, ndax nu kesel na pexey Yiif Tedu le, nanan a Yeesu Kiristaa, soo nqoolandtel fo’oy le ten. Yaasam yirmande fa jam a mayƭandel took nuun!

1 Piyeer 5:1

Mi fee refna o maak, seede coono ke Kiristaa, fog itam no ndam onqe wareena o feeñil, mexe xeɗaa maak gend es we ndefna a ndeer nuun, da ngay o siir ole Roog da ndoxneena. Kaam ee: Baa ref ee nu mbugiran a mbug, ndaa fat a ref ee yaam ta fel a nuun yaam Roog. Baa ref itam no bug teen xaaliis, ndaa fo xeeñ letu.

1 Piyeer 5:13

Mbokatax ne no gimu we Babilon fa Mark fee o ƥees, owe simnaa a nuun.

1Saŋ 2:21

Bindaam a nuun, refee yee yaam nu andee ndigil ne, ndaa ne nu anduuna. Nu anda itam ee o maaɓ o leng inoorkee no ndigil ne.

1Saŋ 3:18

Xa teɓandoong es, ba i mbex na ñiiñ fo na fa lay soom, ndaa fat i njeg o mbeq na pi fo no ndigil.

2Saŋ 1:13

Mbokatax ne no gimu we meeke fop owe simnang.

2Saŋ 1:5

Ndiiki koy, leng kut bugoong o xeɗ, wo ya es, too refee kebil nqas, yaam no mberaand naa i ndaawun, ta ref ee: Fat i mbexir a ndeer in.

3Saŋ 1:1

Wo Gayus fee fexuuma tigi, mi fee refna o maak no mbokatax ne no gimu we na bindang o leetar oleeke.