1 Korint 8:4 - NQAARIIT NE ROOG

⁴ Um nomtooxiid koy no ke sadaxeena pangool: I anda yee fangool tigi jegee, kaa foogeena rek oo, Roog fa leng kut jegu.

1 Korint 8:4 Iomraidhean Croise

A cangatin ale 4:39

Xaye, andyo too ndam na qoox nuun ee o Yaal oxe refu Roog fee na asamaan, maaga took-ee-took fo took lanq ke, too jegee fa lakas.

Esayi 41:24

Kaa koy, nuun, nu ndefee tus. Ke nu mbi’aa xa koɓong oo, too o jil a nuun cednooxu yoo.

1 Timote 2:5

Yaam Roog fa leng soom jegu. A jega itam o ndok-a-ndeer o leng kut onqaa refna a ndeer wiin we fa Roog. Ten refu Kiristaa Yeesu o kiin oxe,

Efees 4:6

Roog fa leng kut jegu, a ref Faap no fop, a maadooxaa took fop, a laltinooxaa no fop, soo a gen no fop.

A cangatin ale 6:4

«Wo Isra’el, nan-gilooxi! O Yaal oxe Roog in soom refu o Yaal oxe.

Mark 12:29

Yeesu a doonaan ee: «Oxene refu eetaand ne: ‹Wo Isra’el, nan-gilooxi! O Yaal oxe Roog in soom refu o Yaal oxe.

Esayi 44:24

Keeke o Yaal oxe refna o baawat of, a moolong no fud ya of, a layu: «Mi saku ke jegna fop. Mi letnu asamaan fee, mi soom, letin lanq ke, too o leng dimle’iraam.

Esayi 44:6

Keeke o Yaal oxe Hupna fop, a ref o Maad Isra’el fo o baawat um, a layu: «Mi refu o eetaand oxe fo o palakaand oxe. Jegee roog fa lakas, a refangee mi.

1 Korint 8:10

Yaam a soƥangaa yee o kimu xaa foogna yee oxaa jegna o and refo, ret reer fo waa na ñaamaa sadax, o kimu xe neewna o ngim, too yiif um fodee neene no Yaal oxe, xan a bug o reerataa fo we na ñaamaa sadax. Ñaamitkiran nen a tegeƴ, ne ga’tanoona, ndaa nen sadax,

1 Korint 8:1

Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

A pi ake 19:26

Kaa nu nga’ee, ndi kaa nu nanee ke o koor oxene, tee Pool oo, a fi’na? Kaa lambnaa yee ‹Nitaal ke nu mbi’na roog ndefee Roog.› Ndiiki koy, oxe gimnooraa wiin mayu, refee kam Efees soom, ndaa boo no moƴ-o-jaak olaa no jegel olaa Asi sax a ngima.

A pi ake 14:15

«Bara waay, fog we! Xar taxu nu mbi’aa kene? In itam, wiin i ndefu nen a nuun. Kaa i ƥisiid a nuun Yegil mbaax ne na xoyaa nuun, nu mbes a cinj xa koɓong axene nu mbi’na roog, too mbiƈaqiloox na Roog fa ñoow jok fee sakna asamaan fo lanq fo o maag ole fo fop ke refna teen.

Yeremi 10:14

No keene, o kiin oo kiin oxe ŋam yaam a ñak o and, o paal wurus oxuu refna a naag ɓot yaam pangool ke ten, yaam ke ta muulna xa koɓong xa ƥor oo, too jegee na den o ñoow.

Yeremi 10:10

Kaa koy, o Yaal oxe refu Roog fa ndigil fee, a ref Roog fa ñoow jok fee, o maad oxe na refkaa boo faw. A fuuxangaa, lanq ke a yo’noox, too qeet ke ngatlee xulmbax um.

Esayi 45:14

Wo Isra’el, keeke o Yaal oxe a layong: «Kalal ke no Miimisira we fo ke Kuukuus we a njegtaa no cula ke den fo Seeseeba we na nandtaa tof caang xan a mbod no ɓay of, soo o jegat a den. Qeet keene xan a ndeefang, a ñaaƴtaa a ceng. Xan a ngungaa mbaambir of, a nqeɗooxang, a ndamtin ee: ‹Me wo soom Roog a refu. Jegee roog fa lakas, a refangee ten.› »

Esayi 45:5

Mi refu o Yaal oxe, too jegee o lakas. Jegee roog fa lakas faa jolna mi. Ke and’eeraxamoona fop oo, yaqanee um fapong.

Esayi 37:20

Ndiiki koy, wo o Yaal oxe Roog in, mucli a in no ɓay Sanxerib, ndax maat ke na adna fee fop a and ee wo o Yaal oxe, wo soom refu Roog.»

Esayi 37:16

«O Yaal oxe Hupna fop, wo Roog fee Isra’el, wo fee pindel yeeyetax ke a ndeegooxna uum-maamaad le wo, wo soom refu Roog fee no maat ke na adna fee fop, too wo saku asamaan fo lanq.

A cangatin ale 32:39

Andyo boog ee mi yoo, mi soom refu Roog, too fa lakas jegee meen. Mi na jangaa o ñis, too mi na ñoownaa itam. Mi na gaañaa soo wodandaa. O leng waagee o wat o kiin no ɓay es.

A cangatin ale 4:35

Nu ci’e boog o nga keene, ndax nu and ee o Yaal oxe doŋ refu Roog, too jegee fa lakas a refangee o ten.

A cangatin ale 3:24

‹Wo o Yaal oxe na refkaa boo faw, woxey lalaxam, mi fee o tag of, o magnel of fo o ɓay o jegu katil ole wo. Jegee na asamaan mbaat took lanq ke a Roog faa waagna o fi a pi a maak ake o fi’aa.

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

A kim a tedu ke 86:10

Kaa o magin, too kaa o fi’aa comlaand. Wo soom refu Roog.

A pi ake 15:20

Kaa koy, fat i mbind a den, da mbootoox ñaamel qoolaƭaru ke sadaxeena ke refeerna Roog, a mbaas ceeq, a mbootoox o ñaam med fo fo’oy itam.

1 Korint 8:11

too yaaga xan yiif of deyu a saŋik o pog o neewu doole xaa Kiristaa a xonanna took a kurwaa.

Galati 4:8

Yaaga nu andafulee a Roog, kaa nu mbaɗooxoogu kaa refeerna Roog.