1 Korint 8:1 - NQAARIIT NE ROOG

¹ Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

1 Korint 8:1 Iomraidhean Croise

Esayi 47:10

Kaa o hooloox’u kañaan of, layaa yee: ‹O leng ga’iraam.› O waag of fo o and of kaa mo’andong soo a ndiñong o lay ee: ‹Mi, jegiim o nand.›

Esayi 5:21

Ndaw naqad took no we na ƭeetaa a qoox den nen waa njegna o and, soo a mbi’ooxaa jegu yiif.

A lim ale 25:2

Weene a ƥeka a den da ñaamaa sadax ke ƥoxoteena roog ke den, soo a mbaɗooxaa roog keene.

A pi ake 15:10

Ndiiki koy, xar taxu nu mbogaa a Roog, soo ngadnaa daalbe we a toq akaa i ngatleerna, daan in sax ngatliran, ne’katiim in fa qoox in.

A pi ake 15:29

Ten refu yee nu mbootoox ñaamel ke sadaxeena ke refeerna Roog mbaat fo’oy mbaat med mbaat ceeq. Nu mbootooxangaa keene, xan nu mbi paax. Na jam!»

A pi ake 21:25

We ndefeerna Yaawuur, too a ngimat koy, i mbind’a a den ke i ndalin’ina. Ten refu yee da mbootoox o ñaam a tegeƴ akaa sadaxeena ke refeerna Roog, a mbañ o ñaam fo’oy mbaat med, a mbañ o seeqaa itam.»

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

O leetar ole Pool a bindna GIMU WE NGENNA ROM 12:16

Njegyo njofoor a ndeer nuun. Ba nu magnandoox, ndaa njaɓyo ke neewandooxna fop. Ba nu mbi’oox nen waa njegna o and muk.

O leetar ole Pool a bindna GIMU WE NGENNA ROM 14:10

Wo o mat, xar taxu koy o hate’aa o pog of? Kaam ee xar taxu o xeefaa o pog of? Mee ndax xan i mbokatoor in fop mbaambir Roog, ndax ta hate a in?

O leetar ole Pool a bindna GIMU WE NGENNA ROM 14:14

Andaam ee jegee ñaamel kaa na ndiimbeel, yaam o Yaal oxe Yeesu a andnooraxam keene. Kaa koy, boo o kiin a ɓekna no yiif um ee ñaamel kene tiimbel oo, kaaga tiimbel a ndefataa no ten.

O leetar ole Pool a bindna GIMU WE NGENNA ROM 14:19

Yaaga boog, fat i naaɓaa ke na ɓisiidaa jam, too a jokaa o ngim a ndeer in.

O leetar ole Pool a bindna GIMU WE NGENNA ROM 14:22

Ke refna o ngim of no keene koy, naaganeen a xoox of ñuk mbaambir Roog. O kiin oxe andoona yee siisooxee na xoox um, yaa ta fosooxna o fi tig, a ɗaaya.

O leetar ole Pool a bindna GIMU WE NGENNA ROM 14:3

Oxe waagna o ñaam fop koy, baa xeef oxe na ñaamaa ñaamel leng-leng. Oxeene itam, waree o jambaa oxe waagna o ñaam ñaamel kuu ndefna, yaam Roog a jaɓa oxeene kiin.

O leetar ole Pool a bindna GIMU WE NGENNA ROM 15:14

Fog es, mi fa xoox es andaam no ndigil ee nu maya fo o paaxel. A xoolaxam tigi yee nu anda ke wareena o and fop bo ta dey. Nu anda itam ne nu mbaagna o cooxrit xa as a ndeer nuun.

1 Korint 1:5

Yirmande feene refu yee xañee a nuun dara no ten. A ci’a a nuun nu mbaag fa lay, njeg o and itam.

1 Korint 10:15

Kaam bind a nuun keene, yaam and ee wiin jegu a yiif nu ndefu, yaaga koy ƥaalyo boo and ke um ne’aa.

1 Korint 10:28

Kaa koy, boo o kiin a layna a nuun ee: «Keeke de, kaa sadaxeena fangool oo», ba nu ñaamin, yaam ne ta maƭooxna a nuun keene fo ne yiif um a bugko siisooxaa.

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

1 Korint 15:34

Nomtiidyo a yiif nuun too mbaas bakaad. A jega waa andeerna a Roog, too gaci yoo na nuun.

1 Korint 4:10

In, kaa i ƭeetel nen ñaku a qoox na Kiristaa, nu ƭeetel no ten nen yaal a yiif, i ndef neewu doole, nu ndef yaal toole. Kaam ee kaa nu niwel, i nqeefel.

1 Korint 4:18

A jega waa na kañooxaa, yaam a mboog ee ɗeetiidkatiim a nuun.

1 Korint 4:6

Fog es, nu nanangaa um layit a Apolos fa mi Pool, nuun taxun. Kaam bug nu ƭeet na in, mbañat o ƈakandooxaa ke bindeena, nduux a koƥ. O nanangaa um layit a kon in, kaa bugatiim o leng na nuun a ga’atinooraa o leng, soo a fañ o lakas.

1 Korint 5:2

Ii, ɗeeti keene koy, soo nu nga’atinooxaa! Nu mbar’u o naqadiloox, soo oxe fi’na keene, nu sutin a ndeer nuun!

1 Korint 5:6

Fak le nuun soo maas! Kaa nu mbeecit ke na layeel ee: O ndik no poɗaxnir rek na foɗaxnaa nqiiw?

1 Korint 8:2

Oxuu foogna yee a jega kaa ta andna, andiran a qool qac.

1 Korint 8:4

Um nomtooxiid koy no ke sadaxeena pangool: I anda yee fangool tigi jegee, kaa foogeena rek oo, Roog fa leng kut jegu.

1 Korint 8:7

O and oleene, fop njegiran. Kaa jeg waa o mer den a maadna o jengaa na xa ƥay pangool, da ñaamaa njuurax, a ƭeetan nen sadax tigi, too keene refa a panq a maak, yaam yiif den a neew doole boo waagee o ga a qool qac ne tige a saxitna.

Efees 4:16

O ten fi’u boo a seek a pogreer ake no cer ke a mbaag o mbokatoor, soo cer ke fop a kiɓ a mbokat a den. Neene, boo a seek aluu refna a fi’na ke waruuna, xan cer ke a njokoox, soo a maak kam o mbeq.

Kolos 2:18

Ba o leng a nax a nuun boo a yaqan a nuun eetatir ne nu ndefitna, yaam a fi’ooxaa o neewandooxu mbaat tee kaa reefaa kaa malaaka a dalinna. O kiin um a waaga o ret sax boo a saaƭoox na xa ƭaaɗ xa andand, a magnandooxaa yaam a qalaat um a cegee xoox,

Mbeeñil 2:14

Kaa koy, a jega onqaa ɗomaxama na wo: Ten refu yee kaa o jeg meene wiin waa ndamooxna na cangin ale Balam. Kaa jangnoogu a Balak yaaga, ta sip a panq alaa na baɓaa Ii-isra’el we, a maafnooraa a den na bakaad yaa ta koocaa a den da ñaam a tegeƴ a sadaxte akaa ne’teena pangool, soo a seeqaa.

Mbeeñil 2:20

Kaa koy, a jega kaa ɗomaxama na wo: Kaa o waas o tew oxe ne’eena Isebel na layooxaa o tuleer Roog, soo a naxaa dag we mi. Kaa jangnaa a den ee da seeqaa, soo a ñaamaa a tegeƴ akaa sadaxeena pangool.