1 Korint 2:3 - NQAARIIT NE ROOG

³ O neew doole tigi fadtiid’um me nuun, sendaa yaam diid.

1 Korint 2:3 Iomraidhean Croise

Esayi 19:16

A koom, xan Misira a nand nen o tew. Xan a send yaam diid, yaa o Yaal oxe Hupna fop a yoɗankan o ɓay um.

A pi ake 17:1

Pool fa Silaas a ndeefa Amfipolis fa Apoloni, a ngar Tesalonik maa Yaawuur waa a njeg’ina mbind a qeƭ.

A pi ake 18:1

A cinj kaaga, Pool a inoora Aten a ret Korint.

A pi ake 18:12

Na jamaane faaga koy, a soƥ Galyoŋ a refaa gofornoor no jegel olaa Akayi, Yaawuur we a mbokatoorana a Pool. A ƥisaan no hate’and olaa,

A pi ake 18:6

Kaa koy, Yaawuur we kaa siiknoor’u fo ten, a ndef no mbenan. Maaga, Pool a yirfa took den fo ut tikoorik um, ndax ta ref seede na den, too a lay a den ee: «Xan a saŋkax nuun a ref fo diy nuun. Ɓogooxaam teen! Ndiiki koy, mexe retaa farna fo we ndefeerna Yaawuur.»

2 Korint 10:1

Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.

2 Korint 10:10

Yaam a jega waa na layaa yee xa leetar um kaa njeg doole, too a ñexet, ndaa a geenooxangaa fo o mem um, kaa yelefaa bo, soo fa lay um a goɓong.

2 Korint 13:4

A neew’a doole lool no cer um, ye ta rengeel na kurwaa, ndaa oxe ñoowaa na pexey katil ne Roog. In itam, kaa i neew doole no ten, ndaa xan i ñoowaa fo ten na pexey katil ne Roog, too xan nu nga’in.

2 Korint 13:9

I neewangaa doole soo nuun o mat, nu ndef doole fa ƥor, kaa i mbelakinooxaa teen, too ke i nqeɗanaa a nuun refu nu ñak sik.

2 Korint 4:1

I ndeɓkee muk njambaar in, yaam ne Roog a lasna a in calel keene na pexey o paaxel um.

2 Korint 4:16

Ten taxu i mo’nee njambaar in, too sax ke refna ngiin tafil in a yaqooxangaa, xan ngiin kam ne a saxatinaa ñaal oo ñaal.

2 Korint 6:4

Kaa jolna keene, kaa i laltaa no fop ee dag Roog i ndefu. Kaa i ndoxondooxaa fo o muñ coono ke fo naqad ke fo a yogorlax ake.

2 Korint 7:15

Tiit koy a jega na nuun o mbeq o maak, a moƴaan a jeg koy yaa ta wetandooxaa ne nu njaɓanit’uuna fo ne nu ndalnit’uuna, njeg no ten a bootax boo sendaa.

2 Korint 7:5

Naa i mbadiidu Makedoni, jegee maa cer in a mbaagna o ñootnoorit. Kaa i ƥiiklel o saax oo saax, ñoxoreel, a qeeñ in a ngen no sendaa.

Efees 6:5

Nuun faɗ we, nananyo yaal pind nuun na adna fee no kuu refna. Saɗaryo a den, too niw a den fo xeeñ galagee dara, nen Kiristaa nu mbi’anan.