1 Korint 2:1 - NQAARIIT NE ROOG

¹ Fog es, kaam bug nu and ee ye garuuma me nuun, yegnitiid fa lay fa kunpa’u fee Roog, reeƭee yee kaam gar’u, ndax um lal a nuun o fel-o-ɗek es mbaat o jeg-yiif es.

1 Korint 2:1 Iomraidhean Croise

A sutax ale 4:10

Moyiis a laya o Yaal oxe yee: «E, o Yaal oxe, refiim o kiin o qoolu fa lay de. Reeƭinum faak, reeƭinum feede-faak, too refee yaa o layaa fa mi fee o paɗ of yaaga boo ndiik, yaam fa lay kaa xoxaam.»

Esayi 8:20

«Na cangin ale no Yaal oxe fo no seede ne ten a nomtax a helu.» A layangee neene, nga’kee mbeet ne.

A pi ake 20:21

Jasnooraam fo Yaawuur we fo we ndefeerna Yaawuur, xoy a den ndax da ndamoox na Roog, too a ngim no Yaal oxe Yeesu.

A pi ake 22:18

Ga’aam o Yaal oxe, too a layaxam ee: ‹Ñofandi too sutoox Yeerusaleem ndiiki, yaam njaɓkee ke o seede’anaxam.›

O leetar ole Pool a bindna GIMU WE NGENNA ROM 16:18

Yaam wiin nandu neene, refee yee Kiristaa fee o Yaal in a ndagooxaa, ndaa xa pud den sax sax a ndagooxaa. Kaa ƈiƴtitaa a yiif no gimu we fa lay fa mbelu fa naanaxir.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

1 Korint 1:17

Batiise taxee Kiristaa a inaam. O nanangaa um inoox, o yegnitik Yegil mbaax ne taxun. Refee itam ee o fel-o-ɗek taxu um waare’aa, yaam yaaga a kurwaa le Kiristaa a fi’kel cegee xoox.

1 Korint 1:6

Ke seede’aneena a Kiristaa a gena na nuun,

1 Korint 2:13

I naangangaan o laytaa koy, refee fo o fel-o-ɗek ole wiin we a mbi’na o and, ndaa kaa i laytan fo o and ole Yiif le a jangnaa, yaam i layaa fo waa njegna Yiif le Roog.

1 Korint 2:4

Ke layuuma fa nuun a koom, reeƭee fa lay fa laalaxad xoox mbaat um jikooxaa o jeg-yiif. Kaa reeƭu fa lay faa lalitna Yiif le Roog fa katil um,

1 Korint 2:7

O jeg-yiif ole i mbaare’aa refu ole hatna na Roog, a ref kunpa, too Roog a yuuɓ’un yaaga jamaane jegafulee, ndax ta ɓis a in no ndam.

2 Korint 10:10

Yaam a jega waa na layaa yee xa leetar um kaa njeg doole, too a ñexet, ndaa a geenooxangaa fo o mem um, kaa yelefaa bo, soo fa lay um a goɓong.

2 Korint 11:6

Xeƈa a waaga o ref no fel-o-ɗek, ndaa refee muk no and, too i mbeeñlaan a nuun muu ta waagna waag o ref fo no kuu refna.

2 Tesalonik 1:10

Xan a gar na bes faaga, ndax ta ɓoxotel o ndam no we mbogna no ten, soo we ngimna no ten fop a kañan. Nuun sax, xan nu mbog no wiin weene, yaam nu ngima seede in.

1 Timote 1:11

A cangin aleene koy, kaa inoor no Yegil mbaax ne doxneema, too ta feeñlaa o ndam onqe Roog fee helna simatel.

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

1Saŋ 4:14

In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

Mbeeñil 1:2

Keeke refu ke Saŋ a woorinna: Fop ke ga’uuma fa lay Roog oo fa seede Yeesu Kiristaa.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.