1 Korint 14:3 - NQAARIIT NE ROOG

³ Oxe andoona koy ee kaa Yiif le a ci’in, ta waag o jo’tan a Roog, oxaaga, wiin we a daawnaa fa lay Roog, a umbaa o ngim den, a ɓaataa a den njambaar no ngim onqe, a yaalaa a den.

1 Korint 14:3 Iomraidhean Croise

YEGIL MBAAX NE YEESU ne Lik a bindtuuna 3:18

Neene o mat Saŋ a yegnit’u xeet fee Yegil mbaax ne fo a maƭax a lakas a mayu.

A pi ake 13:15

Pitik, a jega oxaa jangna a maak kam safe le no kebil ke fo no safe le no duleer we boo a ƴut. Cinj kaaga, waa no mbind a qeƭ naa a simta da layel ee: «Fog we, nu njegangaa kaa nu mbaare’na mbokatax ne, layeenoo, ndax ta saƭakin a den.»

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

A pi ake 15:32

Yudaa fa Silaas we ndeeƭna joojo’tan a Roog itam, a saƭakinooga fog gimu waa, too a ndif’itaa a den fa lay fa mayu.

A pi ake 4:36

A jeg’a koy o Leelewi xaa rim’eena Sipere. O koor oxaaga Yoseef a ne’’e. Apootar we kaa lastitoogun Barnabaas, tekitna yee «Oxe na saƭakinaa».

A pi ake 9:31

O fog ole no gimu we a ref’ata na jam kam xa cegel axene fop: Yudee fa Galile fa Samari. Kaa jokooxoogu, a ñoowaa no saɗar o Yaal oxe, soo a xayaa no pexey o ndimle nqe no Yiif Tedu le.

O leetar ole Pool a bindna GIMU WE NGENNA ROM 12:8

Oxe jegna ci’it o saƭakinaa lakas we, fat a saƭakin a paax. Oxe na ci’taa, fat a fi’in no fud o letu. Oxe na ɗoxaa, fat a jaflax no ke ta ɗoxaa. Oxe na dimle’aa rool we, fat a fi’an fo o ɗaay.

O leetar ole Pool a bindna GIMU WE NGENNA ROM 14:19

Yaaga boog, fat i naaɓaa ke na ɓisiidaa jam, too a jokaa o ngim a ndeer in.

O leetar ole Pool a bindna GIMU WE NGENNA ROM 15:2

Fat oxuu refna na in a waaƭaa ke faaxna no kend um, ndax oxeene a moƴ o jof mbaambir no ngim um.

1 Korint 10:23

Ndigil oo, «waagaam o fi kuu felaxama», kaa koy, fop faaxee na mi, kaam ee, fop a waage o fi, ndaa refee yee fop a waaga o geenin tig.

1 Korint 14:12

Yaaga koy, feek ke Yiif le Roog a ci’taa nu ngindaa, mbaaƭyo ke na jokaa mbokatax ne no gimu we fop.

1 Korint 14:17

Gidmaa tigi a Roog, ndaa dara teen jokee oxe dendtoona.

1 Korint 14:26

Yaaga koy, fog es, xar waru? Boo nu mbokatoorna, fat nu ƭofit kuu fi’eena a jok o ñoow no we mbokatoorna, oxuu jegna a kim a tedu mbaat kaa ta janginna mbaat mbeeñil naa ta bugeena o xaajir mbaat lak-yiif mbaat a lapatax, fat a inoox, a geenoox, ndax fop a jokteel o ñoow no gimu we.

1 Korint 14:31

We na njo’tanaa a Roog fop a mbaaga o layaa o leng o leng, ndax fop a njang, a ƥaatoox doole no Yaal oxe.

1 Korint 8:1

Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

2 Korint 1:4

Ten refu oxe na yaalaa in no coono kuu ndefna, ndax na yaalax ale i njegitna na Roog, i mbaag o yaalik fop we ndefna kam coono.

2 Korint 2:7

A moƴa faax ndiiki koy, nu mbaasanin, yaalin, ndax moƴkee o mudnoox no njakad.

Efees 4:29

Ba nu lay ɗelem faaxeer leng! Layyo soom a ƭelem a cegu o njiriiñ akaa na ndimle’aa lakas we, da njof mbaambir no ngim onqe. A ƭelem a nandu neene kaa ƭaxaa soxla, too a mbi’anaa paax we na nan-gilooxaa a den.

Efees 6:22

Mi fa xoox es luliidun me nuun, ndax nu and ke i ndefitna, a qeeñ nuun a mbaag o yaaloox.

Kolos 4:8

Leng kut taxu um luliidan me nuun, ta ref ndax nu mbaag o and ne i ndefitna, xa laaw nuun a ndal.

1 Tesalonik 2:11

Nu anda itam ee i ndeera fo xuu refna na nuun bargal ke ngelna a faap, a ndeer um fo xa ƥeem.

1 Tesalonik 2:3

Waare in no kaa farna na Roog hatee na nax mbaat no tig lakas qooleer mbaat no ƈiƴit.

1 Tesalonik 3:2

soo ngebliid a Timote fee o pog in no ngim onqe, too a ref o caajal Roog oxaa na waare’aa Yegil mbaax ne Kiristaa. Kaa i luliidin, ndax ta saƭkand a nuun, a saƭakin a nuun no ngim onqe nu njegna,

1 Tesalonik 4:1

No lakas ke koy, fog we, nu njangta na in ne nu mbarna o ñaaƴit boo mbaag o mbel a Roog, too meene sax a koorgoorlax nuun a refu. In we nqeɗan a nuun, too in we ndegdinooxan a nuun no gon le no Yaal oxe Yeesu: Moƴyo o ngoorgoorloox boog!

1 Tesalonik 4:18

Yaaga boog, fat nu yaaloortaa a ƭelem akeene.

2 Tesalonik 3:12

Wiin weene koy, in we ngeblaa a den no gon no Yaal oxe Yeesu Kiristaa, too saƭakinaa a den, da ndet a njalik ne waritna, too a ñoowtik jale den.

1 Timote 1:4

Layi a den itam ee baa ŋereƥoox na nax mbaat da ñimatiraa fo njaangooƈ a ndetaa. Keene naagee o ataa dara a refangee ñimatir, too mbaagee o ngeenin calel ke na mbi’eel, ndax o ngim na Roog a jof mbaambir.

1 Timote 4:13

Naagi o jangaa a maak a Pind a Tedu ke, fañ o waas, jokaa lakas we, jangnaa boo yaa um garkaa.

1 Timote 6:2

Fat fop we andoona yee yaal pind den a ngima, a mbañ o nqeef yaal den weene, ee yaam a ndamtin na: «Fog i ndefu.» Fat a moƴ o njalan a den sax, yaam ne da ndefna wiin gimu, too a ndefat waa na mbaaƭaa maa da mbi’anitna a den paax. Jangni keene, too maƭin wiin we.

2 Timote 4:2

Waare’i fa lay fee, damoox teen, too xiisnan no daaw mbaat no ñak o daaw. Lalti a ƭat, xasan we ndeefeeruuna, we na ndeefan o umbaa fiɗel a pi den. Keene fop, fi’teen o muñ, yoonandtin a cangin.

Tiit 1:9

A wara o ref oxaa na reeftaa fa lay fa mbooru fee Roog ne ta jangniteena, ndax ta waag o umbit o ngim no lakas we a cangin a ñoow ale, a maafaa fa lay no we na ƥanjaa a cangin aleene.

Tiit 2:15

Jangni keene, ɗofit da njof mbaambir. Lalti a ƭat itam fa sañ-sañ tigi. Ba o leng a yafong.

Tiit 2:6

Maƭooxi mboƥ ngoor ne itam da mbañ o ngupal,

Tiit 2:9

Jangni faɗ we da nanan yaal pind den, a ƭoftaa o mbi ke da mbugna no kuu ta refna ref, a mbañ o kalatiraa fa den,

Hebre 10:25

Ba i ñak o mbokatooraa fo we ngimna, ne leng-leng a meruuna o mbi’taa. Kaa i mbar o saƭakinraa a ndeer in kañ, moƴin o mbi’aa, yaam ne nu nga’oodna bes fee no Yaal oxe ta matiidaa.

Hebre 13:22

Fog we, kaam xeɗaa a nuun keeke: Nan-gilooxyo fo o muñ a ƭelem akeeke na saƭkinaa, yaam ke binduuma a nuun no leetar oleeke jaakee.

Hebre 3:13

Baa ref naaga! Saƭakiniryo kili boo na «xaye» fee Roog a ne’uuna, yaam ndik bakaad a nax o leng na nuun boo ta ŋaj.

1 Piyeer 5:12

Mexe bindaa a nuun a ƭelem a leng-leng akeene no ndimle Silwe fee fi’uuma nen o pog o kore’u, ndax um saƭakin a nuun, soo seede yee keene refu yirmande fa ndigil fee Roog. Saƭikyo a paax no ten!

Yudaa 1:20

Kaa koy, nuun we fexuuma, moƴyo o njokraa kam o ngim o tedu nqe nuun, nqeɗtaa Yiif Tedu le.