1 Korint 14:2 - NQAARIIT NE ROOG

² Oxe Yiif le a ci’na ta layaa na lak-yiif, oxaaga layee fo wiin we, Roog a laytaa, yaam we ta refitna nanee lak fee ta layaa. Yiif le Roog rokun, ta layaa kunpa.

1 Korint 14:2 Iomraidhean Croise

Mark 16:17

We na ngimkaa na mi xan a yoonit xa anddiloor axene: Xan a ndaxaa cini no gon es, a layaa lak qas.

A pi ake 19:6

Pool a doona xa ƥay um took den, too a ndaawa Yiif Tedu le. Kaa layoogatu lak pogreer, a njo’tanaa a Roog itam.

A pi ake 10:46

Kaa nan’u da layaa lak lakas, a simataa o magnel ole Roog. Maaga, Piyeer a laya yee:

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

1 Korint 2:10

In o mat Roog a feeñlun na pexey Yiif um, yaam Yiif um na ɓaalaa fop boo no ke moƴna o xooɗ na Roog.

Mbeeñil 10:7

Kaa koy, yaa malaaka ɓetuu fa ƭikandeer fee a luuƥkaa, xan yuuƥ kunpa’u ne Roog a fadnoox ne ta yegnit’uuna duleer we ten ndagooxooguuna yaaga.»

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

1 Timote 3:9

Fo yiif jeejooxeer dara, kaa mbar o ndamoox no ngim onqe da mbeeñleena.

Kolos 2:2

ndax da mbaag o njeg yaaloor, o mbeq a fokat a den, da mbapoor yiif o andik kunpa Roog, ta ref Kiristaa.

Efees 6:19

Nqeɗanaamoo itam, ndax a mbanuu haƥatuuma bug o lay, um jeg kaa layuuma, boo waag o andnoor kunpa ke no Yegil mbaax ne fo njambaar.

1 Korint 15:51

Xam lay a nuun kaa refna kunpa itam: In fop, i nqonkee, ndaa in fop, xan i suptoox.

1 Korint 2:7

O jeg-yiif ole i mbaare’aa refu ole hatna na Roog, a ref kunpa, too Roog a yuuɓ’un yaaga jamaane jegafulee, ndax ta ɓis a in no ndam.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

A pi ake 22:9

We ndeeƭna fa mi a nga’a a qoolaand ale, ndaa nan’ee o ñuxur ole no xe layoogna fa mi.

Mark 4:11

A laya a den ee: «Kaa nu ci’el kunpa fee no Maat ne Roog, ndaa no we ndefna tafil, fop kaa war o fi’tel a naxax.

Mace 13:11

Yeesu a doona a den ee: «Kaa nu ci’el o and kunpa ke no Maat ne na asamaan, ndaa den o mat ci’aand o ten.

A kim a tedu ke 78:2

Kaam bug o layit a naxax, lambin a nax-o-gut ake yaaga.

A cangatin ale 28:49

Xan o Yaal oxe a inantiid a nuun koƭu no cat adna xeet faa na dalitkaa took nuun nen a canjiik. Xeet feene xan a ndef xeet faa nu nankeerna lak den,

Mberaand 42:23

Den koy, and’ee yee Yoseef a nanra fa den, yaam ne ta jiriiñooroogna o laalapatax ndax ta lay fa den.

Mberaand 11:7

Fat i ndet njaxas lak fee den boo leng we nanirkatee fo lakas we.»

1 Korint 14:16

Yaam a reftangee neene, too o xeɗaa fo yiif soom, nam o kiin sang um sang um oxe a waagu o doonit ee: «Amiini!» too andee ke xeɗoona, a refangaa sax ee kaa o gidmoogu a Roog?

2 Maad we 18:26

Eliyakim fee o ƥiy Hilkiya fa Sebna fa Yo’ax a laya a jawdiin fee yee: «Ko ndeeg, layi fa in, in we dag of no ɗelem araam, yaam i nanaan, too fañ o lay fa in no ɗelem hebre no nof xeet fene ŋaayna no saŋe ne.»

1 Korint 12:10

soo oxene a ci’el a waag o fi comlaand, oxeeke a jo’tanaa a Roog, oxeeke a waag o jektirand a yiif ake, oxaana a waag o lay lak-yiif, o lakas a waag o lapatoox lak keene.

1 Korint 12:28

Kam o fog ole no gimu we Roog kaa eet o dalin apootar we, we na njo’tanaa a Roog a ndeef, jaajangin we a ndoonoox, soo cinj kaaga, we ci’eena a mbaag o mbi comlaand, cinj weene we mbaagna o mbodand, soo we mbaagna o ƈufig a ngar fo we mbaagna o adooxan lakas we fo we na layaa lak-yiif.

1 Korint 13:1

Mi fa xoox es sax, boo andoona yee kaam ci’’el o waag o lay fo lak no wiin fa fee no malaaka ke, um fexangee lakas we, kaam nandkoogu nen a qiin alaa na ƭawƭawnaa soom.

1 Korint 14:26

Yaaga koy, fog es, xar waru? Boo nu mbokatoorna, fat nu ƭofit kuu fi’eena a jok o ñoow no we mbokatoorna, oxuu jegna a kim a tedu mbaat kaa ta janginna mbaat mbeeñil naa ta bugeena o xaajir mbaat lak-yiif mbaat a lapatax, fat a inoox, a geenoox, ndax fop a jokteel o ñoow no gimu we.