1 Korint 13:5 - NQAARIIT NE ROOG

⁵ O mbeq rokkee no qoolaƭaru, naagee o gindaa ke faaxna no ten soom, naagee o xaadooxaa, naagee o geekaa o njaaku kam.

1 Korint 13:5 Iomraidhean Croise

1 Korint 10:24

Ba o leng a ƴufanaa ke faaxna na xoox um, ndaa fat a waaƭaa ke faaxna no lakas we.

Saak 1:19

Fog es, fat nu nqaƴ a yiif nuun a paax no ke um layiidaa: O kiin a wara o ñof o nan-giloox, ndaa waree o ñof o lay mbaat ta ñof o fuux,

Filip 2:21

Fop, ke faaxna na qoox den rek a mbaaƭaa, a mbañ o mbaaƭ ke jofna na Yeesu Kiristaa.

Filip 4:8

Ndiiki koy, fog es, fat a qalaat nuun a njagin no fop ke refna ndigil fo kuu deyeena o niw fo kuu faaxna fo fop ke xoolna, a deyel o fex, a warel o jaɓ, a faax, a deyel o tagas.

Galati 5:13

Fog we, nu sute no mbaƭ ne nu ndeeƭna, ndaa baa a sutax aleene a tax nu ñoowaa no ke cer ke nuun a yaawaa. Yaaga boog, fat o mbeq onqe a tax nu ndagooraa.

1 Korint 12:25

ndax nqaajoor jegkee no cer ke. A seek aluu refna no ke fokatoorna, a ref njer leng kut ne, a topatooxaa o kend um.

2 Korint 5:19

Yaam Roog a reeƭa na Kiristaa, a jofoorand adna fee fop fa xoox um, too ɓaalee tooñ den. Kaa roxond a in, i yegnitik fa lay fee no njofoor ne.

1 Korint 10:33

Mi fa xoox es, keene um jeemaa no kuu refna, ndax um fel fop. Keene koy refee yee um galagaa a xoox es, ndaa ke faaxna no moƴ-o-jaak we, ndax da muc.

1 Korint 11:18

Nanaam ee a mbanuu nu mbokatoorna, a sayax a doonoox teen, nu mbi a qaaj a qaaj, too yaacanum o gim.

Mace 5:22

Mi koy, mexe layaa a nuun ee: Oxuu fuuxanna o pog um sax, haahate we a mbaraan o nqaw. Oxe na laykaa o pog um sax ee: ‹O ƭof refo!› Mal maak ne fop a mbara o mbokatoor a nqawin. Oxe na laykaa o pog um ee: ‹Jegiro xoox!› a wara o xawtel fiɗel laa ñufkeerna.

YEGIL MBAAX NE YEESU ne Lik a bindtuuna 7:39

Yaa o Farisiya xe xoy’ina a Yeesu a ga’na kaaga, a laya taa no yiif um ee: «O kiin oxene a reeƭangaa o tuleer, a andkooga oxe o tew oxeeke na duqan a refna fo ke ta refna no wiin we. A andkooga yee o paabakaad oo.»

Mark 3:5

Naaga, Yeesu a ɗeeta a den fop, too a fuux. A naqadiloox’a sax yaam a qeeñ a saƭku ke den. A laya o koor oxe yee: «Letni o ɓay of.» A letnaan, too o ɓay um a woda boo ceŋ.

2 Tesalonik 3:7

Nu andooda a paax ne nu mbarna o laaltaa a in: I ñoowee no mbeeñaak leng a paam nuun.

1 Korint 7:36

A soƥangaa yee kaa o kiin a jeg gaci, yaam ne o ƥeem o ndew a faafaa a tolax, fat a ci’tin a tolax, yaam ci’tin a tolax refee o tooñ a Roog. Fat oxuu bugna o dolnirel, a dolnirel.

Mace 9:4

Kaa koy, Yeesu a anda a qalaat den, too a laya a den ee: «Xar taxu nu njeg a qalaat a paaxeer na yiif nuun?

Esayi 3:5

Xeet fee xan a ñagadilraa, oxuu refna a ñotombilaa o kend um. Teɓandoong ke xan a inooxan maak we, soo fo mboƭomsogor ne a inooxan we niweena tigi.

2 Sami’el 10:3

gelwaar we no Aa-amon we a ngara, a lay a Hanuun fee o yaal den ee: «Kaa o foog ee ndax ta niw a faap of doŋ taxu Dawid a lultiidong wiin da njaapiidong? Mee ndax o ngoroox teeru fee boo a mbaagin o ngef taxu ta luliid kelfa kene paam of!»

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

Yeremi 11:19

Mi, kaam nand’u nen o mbaal o yooɓu nqaa na ɓiseel no warand. And’iim muk ee mi a ngiɓanu o ngir, a layraa a ndeer den ee: «Fat i maaf ndaxar nquƥu sap ne, mbatnin no lanq ke no ñoow we, ndax gon um wetandooxkataand muk!»

Xa peƭit axe 14:17

Oxe yooɓna fuux kaa fi’aa ƭooɗofir, o yaal yuuƥ paaxeer a qicanaa a xoox um mbañir.

Ke bindeena no xe ne’eena YOB 21:27

Andaam a paax ke refna a qalaat nuun, hate fa leng kut nu mbofanaxam.

A lim ale 16:15

Moyiis a fuuxa tigi too a laya o Yaal oxe yee: «Ba o jaɓ sadax den. Mosiim o jang na den dara, refee o faam o leng sax, too mosiim o tooñ o leng na den.»

A lim ale 12:3

Moyiis koy, o koor o neewandooxu tigi a reeƭu, a moƴ o neewandoox oxuu ta waagna o ref took lanq ke.

2 Timote 4:16

Ye refuuma no nqeloor, o leng fartiraam, fop kaa nqaƴaam, ndaa koy yaasam o Yaal oxe a waasan a den.

A lim ale 32:6

Kaa koy, Moyiis a doona a den ee: «Xar! Ndax fog we nuun kaa nqire’ikkaa, soo nuun o mat, nu yoq mene, yuunaa?