1 Korint 13:4 - NQAARIIT NE ROOG

⁴ O mbeq kaa muñ, a may fo o paaxel, naagee o siisaa, ga’atinooxee, magnandooxee.

1 Korint 13:4 Iomraidhean Croise

Mberaand 30:1

Ye Rakel a ga’na yee rimee fa Yakoob, a dalfooxa o naalaa a Leya fee o maag um, soo a lay a Yakoob ee: «Kaa o rimkaa fa mi mbaat um xon!»

Mberaand 37:11

Ciis maak a dama fog faap we ten, ndaa faap um o mat a geeka xa ƭaaɗ axeene no yiif um.

Nehemi 9:17

a mbañ o nananong, a mbeecit comlaand ke fi’anoona a den. Kaa saƭik a qoox soo kam siiknoor den, da njilan a qoox den o aa-adax, ndax da nomtoox no mbaƭ naa den. Wo o mat, Roog faa na waasantaa refo, faa yaajna kam too may yirmande, faa na muñantaa too may fo o mbeq. Waasiro a den,

A kim a tedu ke 10:5

A ƭat um kaa xenaa kili, kate of a ngup o and um, soo ta ɓiiñaa fañ um.

Xa peƭit axe 10:12

Mbañir kaa oraa nqasir, o mbeq o mat a muuraa tooñ ke fop.

Xa peƭit axe 13:10

A magnandax qasir doŋ a oraa, o nan-gilooxaa xa as axe mat a ref o jeg-yiif.

Xa peƭit axe 17:14

O fer nqasir kaa ref o balin paŋ. Waaseen boo a ñoq a helko fo jegaa!

Xa peƭit axe 17:9

Oxe na waaƭaa o mbeq, kaa muuraa tooñ, oxe na wetandtan o mat a gefaa nqaariit.

Xa peƭit axe 19:22

O woor refu ke moƴna no kiin, too ref o ndool moƴu ref o maamaaɓ.

Xa peƭit axe 31:20

Kaa muƥtanaa o toroxu xe o ɓay um, rool we, ta letin a den a naax um.

Xa peƭit axe 31:26

Kaa yaƥataa o don um fo o jeg-yiif, a cooxtaa xa as fo o paaxel.

O baawaare xe 10:4

Boo o maad oxe a fuuxanoonga, fodi o mbid, yaam o teylax a waaga tax ta waasanong sax o njuumte maak.

Mace 27:18

Pilaat a laya neene, yaam a and ee aa-adax we kaa siisoogu a Yeesu, boo ten taxu da ƥoxotin.

A pi ake 7:9

Daan maak in waaga kaa siis’u a Yoseef boo a njikooxin, ndax ta refik o paɗ no saax laa Misira. Kaa koy, Roog a reeƭa fo ten,

O leetar ole Pool a bindna GIMU WE NGENNA ROM 1:29

a may muut fo njofaƭar nuu refna, a soxod, a ngalaf, a mbi’aa paaxeer, a may fo ciis, a mbarraa, a nqasraa, a ƈiƴtiraa, a layraa cageer, soo a ñu’raa.

O leetar ole Pool a bindna GIMU WE NGENNA ROM 13:13

Fat i ñaaƴit o jof, yaam in wey na qoolaand ale. Ba i yer a yer a maamu mbaat i ñaam kupu. Ba i seeqaa mbaat i mbi’aa a pi a parƴu fo cer in. Ba i nqasir, too ba i siisraa.

1 Korint 3:3

yaam kaa nu maad o mbesooraa nen wiin adna. Ndax ciisir fo nqasir ndefu a ndeer nuun? Bo ndiik xalaat adna na ɗoxaa a nuun,

1 Korint 4:18

A jega waa na kañooxaa, yaam a mboog ee ɗeetiidkatiim a nuun.

1 Korint 4:6

Fog es, nu nanangaa um layit a Apolos fa mi Pool, nuun taxun. Kaam bug nu ƭeet na in, mbañat o ƈakandooxaa ke bindeena, nduux a koƥ. O nanangaa um layit a kon in, kaa bugatiim o leng na nuun a ga’atinooraa o leng, soo a fañ o lakas.

1 Korint 5:2

Ii, ɗeeti keene koy, soo nu nga’atinooxaa! Nu mbar’u o naqadiloox, soo oxe fi’na keene, nu sutin a ndeer nuun!

1 Korint 8:1

Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

2 Korint 12:20

Mi de, kaam diidaa rek o ñak o soƥ a nuun ne bugtuuma, nuun oo, nu nqetoortaam ne nu mbugteerna, yaam ke um soƥiidaa: Qasir fo ciisir fo puuxir fo ngendandoor fo layir paaxeer fo ñu’ir fo o nga’atinax fo o samar ole fi’na yook.

2 Korint 6:6

Kaa i laltaa yee dag Roog i ndefu na pexey o qoolel in fo o and in fo o muñ in fo o paaxel in. Keene refu ke i mbi’aa na pexey Yiif Tedu le fo o mbeq o saƭku nqe in

Galati 5:26

Ba i mbaaƭanaa a qoox in o ndam o njegee xoox. Ba i tooñraa mbaat i yaawaa tig no lakas itam.

Efees 4:2

Neewandooxyo, ƥuuɓ, njeg o muñ, kaam ee ngatliryo fo o mbeq.

Efees 4:32

Fat o paaxel fo o laabiir a may a ndeer nuun, nu mbaasanraa ne Roog a waasanitna a nuun na Kiristaa.

Filip 1:15

A ndeer den a jega waa na yegnitaa a Kiristaa yaam a siisaxam, a mbug o ƥisiid ñimatir. Kaa koy, a jega lakas waa na mbaare’aa yaam a ngeboox paax ƥor.

Kolos 1:11

Kaa i nqeɗaa itam doole um fee jegna o ndam a fap a nuun o saax oo saax, ndax nu mbaag o saƭik too njeg o muñ,

Kolos 2:18

Ba o leng a nax a nuun boo a yaqan a nuun eetatir ne nu ndefitna, yaam a fi’ooxaa o neewandooxu mbaat tee kaa reefaa kaa malaaka a dalinna. O kiin um a waaga o ret sax boo a saaƭoox na xa ƭaaɗ xa andand, a magnandooxaa yaam a qalaat um a cegee xoox,

Kolos 3:12

Neene itam, nen waa Roog a jilna nu mbog no ten, ta fex a nuun, fat nu mbof yirmande fo o paaxel fo a neewandax fo o ɓuuɓ fo o muñ.

1 Tesalonik 5:14

Fog we, in we maƭooxaa a nuun kene: Soqyo we tayilna, saƭakinaa we mboosna, ndimle’aa we neewna doole, njeg o muñ a ndeer no wiin we fop.

1 Timote 6:4

oxeene kiin kaa magnandooxaa, too andee dara boo dara a fag. Kaa jir, laamit ñaku xoox a damin, ta dapaa fa lay, a dapatinan. Meene o mat, ciisir ke fo qasir ke fo a ben ake fo fooganaa o kiin paaxeer, a ngatu.

2 Timote 2:25

We ta fiŋqooraa, kaa war o lalaa a den a ƭat fo o muñ o maak, too a yaakaar ee xan Roog a fi da ƥek a yiif den na adna, a andnoor a den ndigil ne.

2 Timote 3:10

Wo o mat, reefaa a cangin es fo a ñaaƈooƭ es, ref o paar o nand es. Andaa itam o ngim es fo o muñ es fo o mbeq es fo o saƭkel es

2 Timote 4:2

Waare’i fa lay fee, damoox teen, too xiisnan no daaw mbaat no ñak o daaw. Lalti a ƭat, xasan we ndeefeeruuna, we na ndeefan o umbaa fiɗel a pi den. Keene fop, fi’teen o muñ, yoonandtin a cangin.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

Saak 4:5

Ba nu mboog ee ke a Pind a Tedu ke a layna caaxaan oo. Kaa dee: «Roog bugee lakas a gendir fo Yiif le ta ci’na a in.»

1 Piyeer 2:1

Ngoƭatiryo boog fo paaxeer kene: Coxod kuu ndefna fo nqooƭ-nof fo yememaar fo ciis fo ñu.

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

1 Piyeer 4:8

Eetyo mbexir a paax a ndeer nuun, yaam o mbeq onqe kaa muuraa pakaad mayu.

2 Piyeer 1:7

no damoox na Roog ole nuun nu nqaariitooraa a ndeer nuun, soo no nqaariitoor ne nuun o mbeq.

1Saŋ 4:11

Fog es we fexuuma, Roog a fextangaa a in neene, i mbara o mbexir a ndeer in, in itam.