1 Korint 13:3 - NQAARIIT NE ROOG

³ Waag’aam o lasit ke jeguuma fop itam, ndax rool we a njeg kaa da ñaamna boo um fakooxaa, ndaa um jegangee o mbeq, keene fop ɗaxkoogee dara.

1 Korint 13:3 Iomraidhean Croise

Esayi 57:12

Kaa koy, xam yegnit o cofel of fo a pi of mbatkeeroonga o njiriiñ o leng.

Yeremi 7:8

Kaa koy, kaa nu ngooloox fa lay fa maamaaɓ faa ɗaxeerna dara.

Mace 23:5

Kuu da mbi’aa, kaa mbug soom wiin we a nga a den. Kaa ndokooxaa a safe yaaju fo a ndoki maak akaa njegna pic.

YEGIL MBAAX NE YEESU ne Lik a bindtuuna 18:22

Yaa Yeesu a nanna kaaga, a layaan ee: «A yoqahina leng kaa fi’eeroona: Jikooxi ke jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

YEGIL MBAAX NE YEESU ne Lik a bindtuuna 18:28

Maaga, Piyeer a layaan ee: «In de, i nqaƴa ke i njegna fop soo ndeefanong.»

YEGIL MBAAX NE YEESU ne Lik a bindtuuna 19:8

Kaa koy, Sake a inooxa, a geenoox soo a lay o Yaal oxe yee: «O Caajangin oxe, we njegeerna dara, xam coox a den genwal fee na halal fee mi, too a soƥangaa yee naxaam o kiin, ñaam xaaliis um, xam daknin o ten kaa hupna boo a caf a nahak.»

YEGIL MBAAX NE YEESU ne Saŋ a bindtuuna 12:43

Kaa o ngidim no wiin we a moƴan’u a den o ngidim Roog.

YEGIL MBAAX NE YEESU ne Saŋ a bindtuuna 13:37

Piyeer a layaan ee: «O Yaal oxe, xar waagu yaqan um reefanong ndiiki? Um waagong o wuusan o ñis es sax!»

YEGIL MBAAX NE YEESU ne Saŋ a bindtuuna 15:13

O mbeq jolkee jaɓ o xon yaam qaariit of.

YEGIL MBAAX NE YEESU ne Saŋ a bindtuuna 6:63

Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu.

A pi ake 21:13

ndaa Pool a doona yee: «Xar taxu nu loolaa, yaqaa xeeñ es? Ndax nu andee yee fañiim o humel soom, ndaa jaɓaam o warel Yeerusaleem sax yaam gon le no Yaal oxe Yeesu.»

Galati 5:26

Ba i mbaaƭanaa a qoox in o ndam o njegee xoox. Ba i tooñraa mbaat i yaawaa tig no lakas itam.

Filip 2:3

Baa eetatir a ɓek a nuun na dara, mbaat nu mbi’aa tig ee ndax nu ƥoxotel o ndam o njegee xoox. Fat a neewandax a ref na nuun, nu ƭeetaa lakas we nen gartu a nuun took.

1 Timote 4:8

yaam a poƭtax cer a jega o njiriiñ ndaa mayee. O reef a Roog o mat, kaa jiriiñ no fop. Kaa fof ndegit ne no ñoow oleeke sax sax fo no ñoow ole na garaa.

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.