1 Korint 13:2 - NQAARIIT NE ROOG

² Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

1 Korint 13:2 Iomraidhean Croise

Mace 13:11

Yeesu a doona a den ee: «Kaa nu ci’el o and kunpa ke no Maat ne na asamaan, ndaa den o mat ci’aand o ten.

Mace 17:20

Yeesu a laya a den ee: «Ne nu ñakna o ngim taxu. No ndigil, mexe layaa a nuun ee: Nu njegangaa o ngim onqaa fodna nen o xonq seneew, xan nu lay o joong olene yee: ‹Inooxi mene›, too xan a inoox meen. Tus xoxkee a nuun. [

Mace 21:19

A ƴooka ndun paam a ƭat ale, a matiidin, ndaa soƥee taaga o jala leng a refangee a naf a ƥor, too a layaan ee: «Yaasam baa o rim o leng sax a feeñat took of boo faw!» Ndak fo ndak, ndun naa a naaga ŋayam a weer.

Mace 21:21

Yeesu a doona a den ee: «No ndigil, mexe layaa a nuun ee: Nu njegangaa o ngim, too nu saqee a yiif-a-ƭak, nu mbi’kee ke fi’eena meeke soom, ndaa yaaga nu layangaa o joong olene yee: ‹Inooxi mene, too jimboox kam o maag olaa›, yaaga xan kaaga a jeg.

A pi ake 13:1

A jeg’a no mbokatax ne no gimu we Ancook duleer Roog fo jaajangin. Den ndeeƭu Barnabaas fa Simewon fee lastitoogeena Ɓaal fa Lukiyus fee genna Kireen fa Sool fa Manahen. Manahen feene koy, deƥandoong’u fo o maad Herood.

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

O leetar ole Pool a bindna GIMU WE NGENNA ROM 15:14

Fog es, mi fa xoox es andaam no ndigil ee nu maya fo o paaxel. A xoolaxam tigi yee nu anda ke wareena o and fop bo ta dey. Nu anda itam ne nu mbaagna o cooxrit xa as a ndeer nuun.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

1 Korint 11:4

O koor oxuu na xeɗaa mbaat ta jo’tanaa a Roog kam mbokatax ne no gimu we, soo a rokoox o maxanda, oxeene, gaci rek a doonaa oxe kelfa’uuna.

1 Korint 12:28

Kam o fog ole no gimu we Roog kaa eet o dalin apootar we, we na njo’tanaa a Roog a ndeef, jaajangin we a ndoonoox, soo cinj kaaga, we ci’eena a mbaag o mbi comlaand, cinj weene we mbaagna o mbodand, soo we mbaagna o ƈufig a ngar fo we mbaagna o adooxan lakas we fo we na layaa lak-yiif.

1 Korint 13:1

Mi fa xoox es sax, boo andoona yee kaam ci’’el o waag o lay fo lak no wiin fa fee no malaaka ke, um fexangee lakas we, kaam nandkoogu nen a qiin alaa na ƭawƭawnaa soom.

1 Korint 13:3

Waag’aam o lasit ke jeguuma fop itam, ndax rool we a njeg kaa da ñaamna boo um fakooxaa, ndaa um jegangee o mbeq, keene fop ɗaxkoogee dara.

1 Korint 13:8

O mbeq sooƴkee muk. O jo’tanaa a Roog koy xan a faaf, lak ke a sooƴ, o and ee mes,

1 Korint 14:29

No we na njo’tanaa a Roog itam, fat ɗik mbaat daduk a lay, lakas we a ƥaal ke layeena.

1 Korint 14:39

Fog es, yaaga koy mbaaƭyo ci’it ne refna o jo’tanaa a Roog, too oxuu na layaa na lak-yiif, ba nu mbañtin o ten.

1 Korint 14:4

Oxe na layaa lak-yiif, xoox um a jokaa, oxe na jo’tanaa a Roog o mat, a jokaa mbokatax ne no gimu we.

1 Korint 15:51

Xam lay a nuun kaa refna kunpa itam: In fop, i nqonkee, ndaa in fop, xan i suptoox.

1 Korint 16:22

Oxuu fexeerna o Yaal oxe, yaasam ta halakel. Maranaa ta! (O Yaal in, koo gari!)

1 Korint 4:1

A soƥangaa yee neene tige a saxtu koy, kaa nu mbar o ƭeet a in nen dag Kiristaa waa ndoxneena o ndaawnaa lakas we kunpa ke ndefna na Roog.

1 Korint 7:19

Yaam o xucoox fo o ñak o xucoox mbodu: Ƭaxee dara. Ke jegna o njiriiñ kañ refu nanan a Roog, reefaa ke ta hebilna.

1 Korint 8:4

Um nomtooxiid koy no ke sadaxeena pangool: I anda yee fangool tigi jegee, kaa foogeena rek oo, Roog fa leng kut jegu.

2 Korint 12:11

Kaam ɗofoogu, ndaa nuun o mat ƥek’axam teen, yaam nu mbaraxam o kañaa. Andaam ee um tek’ee tus oo, apootar hupalu we nuun na magnandoo­xaa ngupiraam no tus.

Galati 5:16

Mexe layaa boog ee nqaƴyo Yiif le Roog a ɗox o ñoow nuun, too yaaga nu mbi’kee ke cer ke nuun a yaawaa.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

Galati 6:3

A jegangaa oxaa na foogaa yee ten fa xoox um o kiin o maak oo, too refee dara, xoox um rek a naxaa.

Efees 3:4

Boo nu njangaa a den, xan nu mbaag o ngoroox o and ole jeguuma na kunpa fee Kiristaa.

Efees 6:19

Nqeɗanaamoo itam, ndax a mbanuu haƥatuuma bug o lay, um jeg kaa layuuma, boo waag o andnoor kunpa ke no Yegil mbaax ne fo njambaar.

Kolos 1:26

Keene refu kunpa fee refna naa adna ferooxu, too a feeñlel tedu we ndiiki.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

1Saŋ 4:8

Oxe jegeerna o mbeq koy, andee a Roog, yaam Roog o mbeq oo.